Ngā putanga rautaki

Ko te Rautaki a Kāinga Ora 2030 ko tētahi tuhinga ārahi ka noho i te taha o Te Rautaki Māori, ka whakaatu mai ki a mātou me pēhea e rapu whakatau ai, e whakamahi rauemi ai hoki hei āwhina ki te auaha i te anamata o te whare noho me te whanaketanga ā-tāone i Aotearoa.

E whārikihia ana e Te Rautaki Māori o Kāinga Ora 2021-2026 (Te Rautaki Māori) tētahi tūāpapa mārō mō te whakaputanga me te whakatinanatanga o ngā wawata o te Māori mō te whare noho, ā, ko tōna pūtake ko te mātāpono o te houruatanga.

E arotahi ana tā mātou Rautaki Whanaketanga ā-Tāone ki te āhua o tā mātou takahuri pai me te tuku i te whanaketanga ā-tāone angitu huri noa i Aotearoa.

Ka whakaarorangi tā mātou Rautaki Taiao ki te āhua ka taea e mātou te whakatere i te whakaratonga o ngā putanga taiao pai mō ngā kiritaki o nāianei, o te anamata hoki, mō ngā hapori, mō ngā takiwā noho anō hoki.

I tuhia tā mātou Rautaki Kiritaki mō Housing New Zealand, ā, kei te arotakehia anō i tēnei wā mō Kāinga Ora – Homes and Communities

Kua whakawhanake a Kāinga Ora i tētahi Rautaki Whare Noho e Tautokona Ana, e tuku ai i te ahunga rautaki ki ā mātou tāngata i tā mātou tipu haere, me te whakatipu tonu i tā mātou whakarato i te Whare Takawaenga me te Whare Noho Hapori mō ngā tāngata, mō ngā whānau e matea ana.

He mea nui kia tūhono mātou ki te hapori, ki ngā iwi, ki ngā hapū, ki ngā rōpū Māori anō hoki kia whakaputaina e mātou ngā mahere hei arataki i a tātou ki te whakatutuki i ngā putanga ngātahi. E ārahi ana te rōpū Tūhononga me ngā Whakahoatanga ā-Motu i tēnei mahi.

E whakarārangi ana te Mahere Whare Noho Tūmatanui i ngā mahere whakarato whare noho tūmatanui a te kāwanatanga mō ngā tau e whā e heke nei. He tuku mōhiohio mō te wāhi me te maha o ngā wāhi whare noho tūmatanui tāpiri ka whakaratoa.