Ngā manga me ngā motika āhei

Ngā manga

Ki te hiahia koe ki te tika-ki-te-uru ki tō mātou papanoho hei tūhono ki tētahi manga kei te tū kē, ki tētahi manga hou rānei, me tuku ā-tuhi mai koe i ēnei:

• tō ingoa, tō wāhi noho, me ō taipitopito whakapā
• te wāhi noho o te papanoho e kōrerotia ana
• te wāhi noho o te papanoho a Kāinga Ora
• tētahi kape o te tono whakaae
• tētahi kape o te taitara papanoho
• tētahi reta uhi e whakatakoto ana i te tono, i te wā hoki mō ngā mahi e marohitia ana
• ngā taipitopito mō te tūmatanui, te tūmataiti rānei o te manga, me te tikanga o te whakamau (he pana (thrust), he awakeri (open trench) rānei)
• tētahi kape o te mahere wāhi me ngā whakaahua o te wāhi.

Kia mōhio mai mēnā ka whakaaetia tō marohi tērā pea ka tū tētahi utu, tētahi monihere hoki/rānei me utu ki a Kāinga Ora. 

Ngā motika āhei (ehara i te manga te take)

Tērā pea ka hiahia koe ki tā mātou whakaaetanga mō ngā motika āhei hou, hei panoni rānei i ngā motika āhei kei te tū kē, hei whakakore rānei i ngā motika āhei (hei tauira, ngā torotoro waea, te urunga nā te motika ara kuhu (right of way), te hiko rānei).

Me mātua tuku ā-tuhi e koe:

• tō ingoa, tō wāhi noho, me ō taipitopito whakapā
• te wāhi noho o te papanoho e kōrerotia ana
• te wāhi noho o te papanoho a Kāinga Ora
• tētahi reta uhi e āta whakatakoto ana i tō tono
• tētahi kape o te tono whakaae
• tētahi kape o te taitara papanoho
• tētahi kape o ngā mahere wāhi
• ētahi atu mōhiohio ki ō whakaaro me mōhio pea e mātou

Me tuku ngā mōhiohio ki hea?

Oti ai tō whakahui i ngā mōhiohio e hāngai ana ka taea e koe te:

• īmēra: PropertyManagementService@kaingaora.govt.nz
  , tērā rānei te
• pōhi ki:
  Property Management Service Team
  Kāinga Ora - Homes and Communities
  National Office
  PO Box 2628
  Wellington 6140