Te Whakakore i ngā Pūtea Taurewa e Tārewa ana me ngā Tuku a te Housing Innovation Fund

Nā te HIF, i āhei ngā kaiwhakarato whare noho pāpori kiritoru ki te whiwhi i ngā pūtea taurewa e tārewa ana, i ngā tuku ā-here rānei mō ngā take o te hanga whare noho pāpori.

I te tau 2010, hei wāhanga o ngā huringa hōtaka whakahou whare noho pāpori whānui ake, i whakawhitia e te Kāwanatanga te kawenga mō te pūtea whare noho pāpori ki te Social Housing Unit, ā, i mutu tana tuku i ngā pūtea taurewa HIF hou.

He aha ngā panoni e pā ana ki te whakakore i ngā pūtea taurewa e tārewa ana me ngā tuku ā-here?

Ahakoa kāore ngā pūtea taurewa hou i te tukuna mā te Housing Innovation Fund, kua whakauru te Kāwanatanga i ētahi huringa e āhei ai ngā kaiwhiwhi o te pūtea HIF o nāianei te whakakore i ā rātou pūtea taurewa e tārewa ana, ā rātou tuku ā-here rānei, mō ngā take o te hanga i te whare noho pāpori hou.

Nā ngā panoni e āhei hoki a Kāinga Ora ki te whakaheke i te rahi haumaru (kaupapa matua) e hāngai ana ki ngā pūtea taurewa e tārewa ana, ki ngā tuku ā-here rānei i tukuna nā te Housing Innovation Fund.

E whai ana ngā panoni ki te tango i ētahi o ngā tauārai ā-pūtea kei mua i te aroaro o ngā kaiwhakarato whare noho pāpori, mā te whakawātea i te pūrawa e wātea ana ki te tuku pūtea ki ngā kaupapa whare noho pāpori hou.

Āhea whakatinanatia ai ngā panoni?

Ka taea e ngā whakahaere te tīmata i te tukanga o te whakarite i tētahi puka tono ināianei. Ka whakatinanatia he panoni ki ngā pūtea taurewa e tārewa ana, ki ngā tuku ā-here rānei atu i te rā whakataunga mō tētahi kaupapa ka whakahāngaihia te pūrawa ka whakawāteatia ki tērā kaupapa.

He aha ngā paearu māraurau, ā, me pēhea te tono a ngā whakahaere?

Kia māraurau, me riro kē i ngā whakahaere te āwhina pūtea nā te Housing Innovation Fund.

Ko wai e haepapa ana mō te whakatau ko wai e māraurau ana?

E haepapa ana a Kāinga Ora mō te whakahaere i ēnei panoni, mō te tukatuka i ngā tono, mō te arotake i te māraurau hoki. Ka whai whakaaro a Kāinga Ora ki ngā tono mō tēnā, mō tēnā o ngā kēhi, ā, nā te mea e kawe ana ia i te tūraru, kei a ia te kōrero whakamutunga mō te panoni i ngā whakaritenga pūrawa taurangi HIF.

Kia mōhio mai ka noho te whakatau ki te panoni i tētahi whakaritenga ki a Kāinga Ora.

He aha tēnei mea te nuinga moni tārewa whakaarotau?

Ko te nuinga pūrawa taurangi (e kīia ana hoki hei te "nuinga whakaarotau") ko te 1.2 whakareatanga ake o te uara o te nuinga moni taurewa e tārewa ana tūturu. Ka whakahekea pea tēnei ki te 1.2 whakareatanga ake o te toenga pūtea taurewa e toe tonu ana.

Ka taea te whakakore i ngā pūtea taurewa tūmau?

Kāo. Kāore ngā pūtea taurewa tūmau i te whakaurua ki ngā panoni.

He pānga ā-tāke mēnā ka angitu taku tono?

Mēnā ka angitu tō tono, ka pā pea te taunahatanga GST ki tō whakahaere mō te whanaketanga whare i mua i te wā i whakaarohia tuatahia e koe.

Mō ētahi atu mōhiohio, īmēra ki legacymanager@kaingaora.govt.nz, tirohia rānei ngā paearu māraurau me te puka tono i raro nei.