KiwiBuild :: Kāinga Ora – Homes and Communities

E mahi ana te hōtaka KiwiBuild ki ngā kaiwhakawhanake ā-whare ki te whakapiki i te āheinga ki ngā ara whare noho he pai ake te tareka ā-utu mō ngā kaihoko whare tuatahi, ā, e whakapikihia ana te tere ka tukuna mai ngā whare hou ki te mākete. E tautokona ana ngā whanaketanga o ngā rahi katoa – mai i ngā kaupapa whare noho ā-whare kotahi, tae atu ki te pāhekoheko i ngā kōwhiringa whare noho he nui ake te tareka ā-utu ki ngā whanaketanga whakarauora ā-tāone nunui.

Me hihira tō māraurau

Kia māraurau hei tono ki tētahi kāinga KiwiBuild me pēnei koe:

me neke atu i te 18 ō tau
me Kirirarau nō Aotearoa, me Kainoho Tūturu, me kaipupuri Kōkota Kainoho e 'noho ana i Aotearoa i te nuinga o te wā' rānei
me kaihoko whare tuatahi, me kaihoko whare o mua rānei
me whai i te moni whiwhi i mua i te tāke i te 12 marama kua pahure ake nei o te:
- $120,000 iti iho rānei mō te kaihoko takitahi; tērā rānei
- $150,000, iti iho rānei mō te kaihoko takitahi, kotahi, neke atu rānei ngā tāngata e whirinaki mai ana; tērā rānei
- e $200,000, iti iho rānei mō te tokorua kaihoko, neke atu rānei, ahakoa e hia ngā tāngata e whirinaki mai ana.

Me ū hoki koe ki te noho i tō whare KiwiBuild mō te wā mōkito i mua i te rēti, i te hoko atu rānei i te whare:

kia kotahi te tau i te itinga iho mō te kāinga kore rūma moe, mō te kāinga kotahi te rūma moe rānei
kia toru tau i te itinga iho mō te whare e rua ngā rūma moe, neke atu rānei.

Tono ki te māraurau KiwiBuild

Mēnā ki ō whakaaro ka taea pea e koe te whakatutuki i ngā paearu māraurau, me tono koe ki te whakaae-tōmua māraurau. Me pēnei koe i mua i tō hoko i tētahi kāinga, i te uru atu ki tētahi pōti rānei.

Me whai koe i:

Tētahi kape kua whakamanatia o tō tiwhikete whānau o Aotearoa, o tō tiwhikete kirirarautanga, o tō uruwhenua, o tō tūnga kōkota hoki/rānei
Tētahi Whakarāpopoto o te Moni Whiwhi(external link) nā Te Tari Taake mō te 12 marama kua pahure ake nei
Tētahi kape i waitohua o te Whakapuakanga ā-Ture KiwiBuild(external link)

Ka taea e ngā kaitono kaimahi tākuhu te tuku i tētahi o ngā kōwhiringa kē e whai ake nei hei whakaaturanga o te moni whiwhi:

Tētahi puka moni whiwhi tāke takitahi(external link) (IR3)
Tētahi puka tāke takitahi i whakaritea e tētahi kaikaute
Tētahi Whakarāpopoto o te Moni Whiwhi(external link) mō te tau tāke tino tata nei

Ka taea e koe te ako tonu atu mō te tāpae i tō tono ki te paetukutuku a KiwiBuild(external link)

E wātea ana ngā whare KiwiBuild i hea?

Ka rārangihia ngā whare KiwiBuild kia hokona atu hei te wā ka whakatauhia e te kaiwhakawhanake i te wā ka rite ai kia wetea ake.

Ka taea te noho mōhio tonu ki ngā pānui KiwiBuild tino hou mā te tūhono mai ki tā mātou rārangi mēra(external link), mā te toro rānei ki te paetukutuku a KiwiBuild(external link).

Kia hia te utu o ngā whare KiwiBuild?

E hāngai ana te utu o tētahi whare KiwiBuild ki tōna rahi, ki tōna wāhi hoki. Ka whakamahia ngā pōtae utu ka whakatau i te utu mōrahi ka hokona atu tētahi whare KiwiBuild.

Ko ngā pōtae utu KiwiBuild o nāianei ko:

Te wāhi	He taupuni, kotahi te rūma moe rānei ($)	E rua ngā rūma moe ($)	E toru ngā rūma moe ($)
Te wāhi Auckland Region	He taupuni, kotahi te rūma moe rānei ($) 550,000	E rua ngā rūma moe ($) 760,000	E toru ngā rūma moe ($) 860,000
Te wāhi Hamilton Urban Area	He taupuni, kotahi te rūma moe rānei ($) 550,000	E rua ngā rūma moe ($) 640,000	E toru ngā rūma moe ($) 720,000
Te wāhi Tauranga Urban Area	He taupuni, kotahi te rūma moe rānei ($) 550,000	E rua ngā rūma moe ($) 740,000	E toru ngā rūma moe ($) 780,000
Te wāhi Wellington Urban Area	He taupuni, kotahi te rūma moe rānei ($) 580,000	E rua ngā rūma moe ($) 760,000	E toru ngā rūma moe ($) 850,000
Te wāhi Christchurch Urban Area	He taupuni, kotahi te rūma moe rānei ($) 550,000	E rua ngā rūma moe ($) 640,000	E toru ngā rūma moe ($) 720,000
Te wāhi Queenstown-Lakes District	He taupuni, kotahi te rūma moe rānei ($) 550,000	E rua ngā rūma moe ($) 760,000	E toru ngā rūma moe ($) 860,000
Te wāhi Te toenga o Aotearoa	He taupuni, kotahi te rūma moe rānei ($) 550,000	E rua ngā rūma moe ($) 640,000	E toru ngā rūma moe ($) 720,000

I ētahi whanaketanga, ka wātea mai pea ngā whare KiwiBuild e whā ngā rūma moe, neke atu rānei, ā, ka hāngai ake te utu. Tirohia ngā whare KiwiBuild e wātea ana(external link).

Mō ētahi mōhiohio anō, īmēra, waea rānei ki te rōpū KiwiBuild.

Īmēra ki: info@kiwibuild.govt.nz
Pokapū whakapā: 0508 935 266 (9 i te ata ki te 5 i te ahiahi, Mane ki te Paraire)