Ngā taiepa

Ngā whakatakotoranga hoahoa noa

Me whakatutuki te taiepa e marohitia ana i ā mātou whakatakotoranga taiepa mōkito.

• Ngā whakatakotoranga taiepa [PDF, 163 KB]

Ngā paerewa mōkito mō ngā taiepa i whakaritea e te kiritata

E tukuna ana tēnei mōhiohio mō ngā rangatira tūmataiti e hiahia ana ki te whakatū, ki te whakahou rānei i tētahi taiepa i waenganui i tō rātou papanoho me tētahi papanoho a Kāinga Ora.  Ahakoa kāore mātou i te tohu noa i te momo taiepa e hiahiatia ana, kei te whakatakoto mātou i ngā paerewa mōkito mō te mauroa, mō te haumaru hoki.

He pai ake ki a Kāinga Ora ngā taiepa ā-rākau, ā-āhua hōpua rānei, i te nuinga o te wā kāore e teitei ake i te 1.2 mita, engari ka whai whakaarohia ētahi atu momo taiepa mēnā e tika ana, mēnā he pai te utu hoki.

Ngā taiepa ara kuhunga

Hei tuku i ngā rārangi kite kia kitea ai te tamariki e ngā kaitaraiwa, e tūtohua ana ina kei te taha o tētahi ara kuhunga, o tētahi motika ara kuhu rānei te taiepa, me pūmau tonu te taiepa i ngā rārangi kite ki ia taha o te ara kuhunga i tana whakatata atu ki te ara hīkoi. 

Mā te whakaheke i te teitei kia kaua e neke atu i te 1.2 mita, mā te whakamahi i tētahi āhua taiepa ka kitea ki tua pērā i tētahi taiepa hōpua, e whakaheke te tūraru ki ngā tamariki i ngā waka e ahu whakamuri ana.

Ngā taiepa ā-rākau - arowhānui

Whakamahia te paina radiata H3.2 ki te NZS 3602, kounga hokohoko ki NZS 3631, he mea whakauka H4 mō ngā rākau ka pā ki te papa.

Ngā taiepa ki te 1.2 mita te teitei

• Ngā pou: 100mm x 75 mm, 600mm te mōkito, ka whakanohoia ki te raima.
• Ngā rēra: Ngā rēra e rua, ko ia rēra te 100mm x 50mm whakawhiti i te mata o ngā pou.  Me whakaū ngā rēra ki ia pou ki te whaowhiri kōti kua whakakonuteatia (galvanised coach bolt) 12mm me te mōria e kuhu ana mā tētahi hono tapa (halving joint). Me whakamau ā-tapa ngā rēra.
• Ko ngā tīwata (paling) katoa me 50mm atu i te papa.

Ngā taiepa ki te 1.8 mita te teitei

• Ngā pou: 100mm x 100 mm, 700mm te mōkito ki te raima.
• Ngā rēra: Ngā rēra e toru, ko ia rēra te 100mm x 50mm whakawhiti i te mata o ngā pou.  Me whakaū ngā rēra ki ia pou ki te whaowhiri kōti kua whakakonuteatia 12mm me te mōria e kuhu ana mā tētahi hono tapa. Me whakamau ā-tapa ngā rēra.
• Ko ngā tīwata katoa me 50mm atu i te papa. 

Ngā taiepa āhua-hōpua - arowhānui

• Ko ngā waehanga maitai katoa me whakakonutea mā te toutou wera ā muri i te hanganga.  Kāore i te whakaaetia te whakakonutea ā-hiko, i mua rānei.
• Me kaua e whakamahi ngā tihi koi, ngā taratara rānei ki ngā papa.
• Me maitai waikura-kore ngā whakamau.
• Me whakakonutea ā-tou wera te pou, me rākau rānei pērā i te taiepa ā-rākau.
• Ko ngā taiepa kua kākahuria ki te konganuku papa me te tihi koi me whai i tētahi uhi pītongatonga (flashing) U e whita ana te whakamau e huripokina ana i runga i te tapa o runga hei ārai i te whara.

Ngā taiepa raima

Me hanga ngā taiepa raima i runga i te tūāpapa raima e ū ake ana ki te Tikanga Hanga. Me āhei te tūāpapa ki te ārai i te huringa o te taiepa mō te roanga atu e takunetia ana kia tū ake te taiepa.

Ngā mea me tuku e koe ki a Kāinga Ora

Me tuku mai e koe ngā taipitopito e whai ake nei ki a mātou:

• tō ingoa, me ō taipitopito whakapā.
• tō wāhi noho me te wāhi noho o te papanoho a Kāinga Ora
• tētahi hoahoa e whakaatu ana i te rārangi rohenga/ngā wāhanga o te rārangi rohenga e whakamahere ana koe kia whakakapi, kia whakatū rānei i tētahi taiepa hou i reira.
• te momo taiepa e takune ana koe kia hanga (tae atu ki tōna roa, ki tōna teitei, ki ngā rawa ka whakamahia, ki ngā taipitopito o ōna waewae hoki)
• te utu o te taiepa, ā, mēnā e hiahia ana koe kia āwhina atu a Kāinga Ora, ā, mēnā āe, e hia te nui
• ngā whakatau utu e rua mō te mahi taiepa e hiahia ana koe kia whakamahia.

Oti ai tō kohi i ēnei mōhiohio ka taea e koe te:

• īmēra ki: PropertyManagementService@kaingaora.govt.nz
  , tērā rānei te
• pōhi ki:
  Property Management Service Team
  Kāinga Ora - Homes and Communities
  National Office
  PO Box 2628
  Wellington 6140

Ina whiwhi mātou i tō pānui ka tae atu mātou ki te tirotiro ki te wāhi e marohi ana koe ki te whakatū i te taiepa. Ki te whakaae mātou ki ngā taipitopito o tō pānui, ka tuku mātou i tētahi reta whakaae ki a koe i roto tonu i te 21 rā mahi. Ki te kē atu, ka whakapā atu mātou ki a koe hei matapaki i tō pānui, i ngā kōwhiringa kē hoki.