Ngā Pūtea Taurewa Kāinga Whenua – mō ngā tarahiti whenua Māori
Ko te Kaupapa Pūtea Taurewa Kāinga Whenua ko tētahi kaupapa i waenga i a Kāinga Ora - Homes and Communities me Kiwibank hei āwhina i te Māori ki te whakatutuki i te whai whare i tō rātou whenua rangatira maha.
E wātea ana ngā pūtea taurewa mō ngā tāngata takitahi, ā, kua whakawhānuitia ki ngā tarahiti whenua Māori, ki ētahi atu tōpūtanga anō hoki. I roto rā hoki ko te whenua kua riro i ngā iwi, i ngā hapū hei wāhanga o ngā whakataunga Tiriti.
Kei te whakahaere ngātahi a Kāinga Ora me Kiwibank i te Kaupapa Pūtea Taurewa Kāinga Whenua mō ngā tarahiti whenua Māori me ērā atu tōpūtanga.
Te rēhita i tō whai aronga
Mēnā he tarahiti whenua Māori koutou, he tōpūtanga anō rānei ko te nekehanga tuatahi ko te rēhita i tō whai aronga ki te tono i tētahi pūtea taurewa mā te whakakī i tētahi puka Registration of Interest (ROI) [PDF, 36 KB].
Ehara i te mea he tono ōkawa te whakaoti i te puka ROI. Mā konei mātou e āhei te arotake, te mārama hoki ki ō mahere, me te whakamahi i te aromatawai tuatahi o tō māraurau ā-pūtea me te whakarite kia whakakahangia tō tono e ngā panoni kaupapahere nō nākuanei.
Ina hipa i tō kaupapa marohi whanaketanga whare te tirohanga tuatahi, kātahi ka kauneke atu ki te tukanga tono moni taurewa ōkawa ki a Kiwibank.
E hia te nui ka taea te mino
Ki a Kāinga Whenua ka taea te mino tae atu ki te $500,000 mō ia nohoanga e marohitia ana. Me noho i roto i te uara te nuinga ohorere o te 10% – te 5% rānei mēnā e whakaratoa ana tētahi Master Build Guarantee. Ka hāngai ngā pāpātanga huamoni mākete ki te pūtea taurewa.
Hei a Kāinga Ora te taumarutanga o te nohoanga mā te whakaaetanga kirirua i waenga i te tarahiti me Kāinga Ora.
Me āhei te tango atu i ngā whare i te wāhi mēnā e hiahiatia ana.
I a koe e whakaoti ana i te ROI, me tuku e koe tētahi kape o ngā kaute tino hou a te tarahiti kua tātarihia me ngā taipitopito o tō kaupapa whare noho tae atu ki ēnei:
- te nui o ngā whare ka hangaia
- te utu kua whakaritea
- ka pēhea tō utu i te whanaketanga
- ō mahere mō te whiwhi rangatiratanga o ngā whare
- te hinonga ā-ture nōna te poraka whenua.
Hei rēhita i te whai aronga ki tētahi Pūtea Taurewa Kāinga Whenua mō ngā tarahiti whenua Māori:
Tīkina ake te PDF o te puka me te īmēra ki kaingawhenua@kaingaora.govt.nz;
Īmēra rānei ki:
Kāinga Whenua Loans
Kainga Ora - Homes and Communities
PO Box 2628
Wellington 6140
Kua whakahoungia te whārangi: 19 Haratua 2022