/ / Whakanao i wāhi kē (OSM); Te takahuri i te hangatanga mā te auahatanga

Whakanao i wāhi kē (OSM); Te takahuri i te hangatanga mā te auahatanga

E arotahi ana mātou ki ngā tikanga auaha, te aro ki te anamata pērā i te hanga ki wāhi kē (OSM) i a mātou ka mahi ngātahi ki te rāngai hangatanga me te mahi tahi kia nui ake te whakarato whare noho puta noa i Aotearoa.

I te mea ko Kāinga Ora te kaiwhakarato nui rawa o Aotearoa, nō te kāwanatanga tōna mana ki te ārahi huringa. Arā, mātua ko mātou ki mua rā anō o te auahatanga me ngā mahi anga whakamua kia nui ake ngā kāinga ka hangaia.

He tikanga te hanga i wāhi kē (OSM) kei te nui haere ake te whakamahia e mātou puta noa i tā mātou kaupapa hanga kia nui ake ai ngā kāinga kounga ka whakaratoa kia tere ake, ā, me ngā putanga pai rawa mō ngā tāngata me ngā whānau, hapori me te ahumahi hangatanga.

Te takahuri i te hangatanga mā te auahatanga; e whakatakoto ana tā mātou mahere whakanao i wāhi kē, i ā mātou mahi e puta ai ngā painga o te OSM, me te ārahi ki te rongoā i ngā whakapātari whare noho o Aotearoa.

Tikiake i te Takahuri i te hangatanga mā te auahatanga; tā mātou mahere whakanao i wāhi kē [PDF, 1.8 MB]

He whakamārama mō te OSM

Ko te whakanao i wāhi kē (OSM) ko te hanga tērā i ngā whare me ngā wāhanga o ngā whare i wāhi kē i tētahi wheketere, kātahi ka kawea atu ki ngā wāhi e hiahiatia ana.

Nā te urutau o te OSM ka whakatūtaki tēnei tikanga hanga i ētahi o ngā whakapātari nui kei mua i te rāngai hangatanga whare, pērā i te tere ki te hoko, te utu, te toitū, te hauora me te haumaru, me ngā pūkenga me te poto o ngā papanga. Ka āwhina hoki ki te whakarato kāinga nui ake kia whaitake, utu ngāwari me te toitū.

Ko te mea nui, ka ū ngā kāinga OSM ki ngā taumata kounga me te toitū e manakohia ana mō tētahi hanga tūturu i Aotearoa, te atu ki ngā paerewa Kāinga Hauora me ngā whakatauranga Homestar e 6 a Te Kaunihera Hanganga Tautaiao.

Tā mātou matakitenga OSM

E pūmau ana mātou ki te whakapai ake i te tere, te utu, te tōtika me te kounga o te hanga whare noho i Aotearoa, mā te tīmata atu me tā mātou mahinga.

Ahakoa kei te wāhanga tīmatanga tonu mātou o te whakawhānui ake i tā mātou whakamahi i te OSM hei tautoko i ngā hanga tūturu i roto i ā mātou whanaketanga puta noa i te motu, tata ki te 15% o ā mātou hanga kei te hoahoatia, kei te hangaia rānei i tēnei wā he whakamahi i ngā tikanga OSM.

I waenga i te tau 2019 ki te 2021, i tāparahia e Kāinga Ora te maha o ngā kainga i whakaratoa mā ngā tūmomo otinga OSM rerekē. Mō te roanga o tā mātou mahere whanaketanga whare noho tūmatanui, e whai ana mātou ki te whakanui ake i te maha o ngā otinga OSM e whakamahia ana e mātou mā te 20% i ia tau puta noa i ā mātou kōpaki katoa tae atu ki ngā whanaketanga whare noho tūmatanui me te tāone.

Ko tā mātou e matakite ana ko mātou tētahi o ngā kora ka āwhina ki te whakakā i te whakahoutanga o te hanga whare i Aotearoa. Mā te nui haere o tā mātou whakamahi i te OSM me ngā pātuitanga kaha puta noa i te ahumahi hangatanga, ka āwhina mātou i te rāngai OSM o Aotearoa ki te whakatipu i te kaha me te āheinga kia nui ake ngā kāinga ka whakaratoa whānuitia.

Ngā kaiwhakarato OSM

Mēnā he kaiwhakarato OSM koutou, ā, ka taea e koutou te hanga wāhanga whare ka mutu kei te hiahia ki te mahi tahi me mātou, me whakapā mai. Me tuku īmēra mai ki CCO@kaingaora.govt.nz.

Pānui kōrero atu anō mō ā mātou OSM

Kua whakahoungia te whārangi: 6 Paengawhāwhā 2023