Te Rautaki Māori o Kāinga Ora 2021 - 2026
Ua saunia e Te Rautaki Māori o Kāinga Ora 2021-2026 (Te Rautaki Māori) se faiga mo le aiaina ma le faataunuuina o faanaunautaiga a Māori e maua ai fale ma e faavae i luga o faiga faapaaga taualoa.
E faavae i luga o tu ma agaifanua Māori ma e amanaia ma faataua ai faiga masani a Māori.
E ogatasi le Te Rautaki Māori ma galuega o faatino e Kāinga Ora ma le faamoemoe e faataunuu le fau o fale ma auaunaga e lagolagosua i manaoga o Māori ma iwi i Aotearoa atoa.
O le tofa mamao lenei o le Te Rautaki Māori:
He mana i te whenua, he kura kāinga, he whare haumaru, he puna ora, hei oranga tangata.
E mitamita le tagata i lona nuu ma lona aiga, e malu ai, ma o le puna lea o le soifua manuia o tagata uma.
O lo o folasia i le faamatalaga o le tofa mamao faanaunautaiga mamao mo Māori ma fale.
O Aga Tausili ma faiga taualoa nei:
Mana Motuhake - Pule aoao Māori
Te Tiriti o Waitangi - Faiga faapaaga i le va o Māori ma le Crown e faataunuu taunuuga sili ona lelei mo aiga
He Waka Hourua – Faiga faapaaga moni ma e laugatasia uma ai
He kura kāinga, he kura whānau - Faamuamua aiga
Kia manawaroa – Pulunaunau ma le malosi faafoisia
He mana tō te kupu – Faatumauina le faatuatuaina ma le talafeagai
E faamalosia e aga tausili faiga o savalia ai le tofa mamao.
O le Faamoemoe:
- Ia faanonofo tagata Māori uma i fale e saogalemu ma gafatia ona totogi
- Suiga tetele e faateleina ai fale e aogā ma lelei mo Māori
- E saunia ma taitaia e Māori faiga e tali atu ai i faaletonu o fetaiai ma Māori faatasi ma le lagolagosua a le malo
O faamoemoe nei e tino mai ai faanaunautaiga o tagata Māori
Matou Poutu
E faaaoga poutu po o vaega autu e iloa ai tulaga i totonu o le faiga faavae e tatau ona ave i ai le faamuamua ma o vaega e tatau ona faia i ai suiga tetele o faiga ua masani ai ina ia tino mai le tofa mamao.
Galuega faatino autu
O galuega faatino autu e tatau ona faia e ausia ai faamoemoe, ma e iloa tonu ai ‘auala’ na faagaioia ai.
Matou Poutu
E faavae galuega faatino autu o le Te Rautaki Māori i poutu po o vaega autu e fa:
Faatupega ma Teufaafaigaluegaina - Toe taulai mea o teufaafaigaluegaina mo ituaiga fausaga fou o fau ai fale o taitaia e tagata Māori.
Tomai Faufale - Lelei atili galuega, tele avanoa mo aoaoga tau tomai.
Faiga Faapaaga - Faavae ma faafailele sootaga ma faiga faapaaga faatuatuaina.
Soifua manuia o aiga - Lagolago aiga Māori o soifua ma ola i fale ua matou saunia ma faiga atoa o tausisia ai fale.
Talatalaga ma Iwi ma Māori
Na saunia le Te Rautaki Māori i luga o faiga faapaaga ma vaega autu e tolu e aofia ai taitai o Iwi ma faalapotopotoga Māori, tomai Māori mo mataupu e patino i fale ma sui o matagaluega a le Malo. Na faaaoga tu ma agaifanua Māori e saunia ai le Te Rautaki Māori ma le faamoemoe e maua ai se faatuatuaga ma Iwi ma Māori i luga o se agaga moni ma le mamā.
Na amata faagasolo talatalaga e faafesagai ai ma o le sasao o le COVID-19 na faaauau ai i luga o le initaneti.
E atagia foi i tu ma agaifanua Māori matafaioi e faamamaluina ai le Te Tiriti o Waitangi i lalo o le, Kāinga Ora – Homes and Communities Act 2019. Na faatalanoa ai faaletonu o afaina ai Māori ma faalavelavea ai le ausia o tulaga o faamoemoe i ai mo fale ma faanaunautaiga, atoa ma auala e mafai e le Kāinga Ora ona faamalosia atili ma atiae sootaga fou ma faiga faapaaga ma Iwi ma tagata Māori.
E maua se kopi o le Te Rautaki Māori i le Te Reo [PDF, 2 MB] ma le Faa-Peretania [PDF, 2 MB]
Uma na faafou le itulau: 21 December 2022