Tausisia le mafanafana ma le matū o lou fale

O le ā se galuega e te faia?

Mafiafia le susū

E valu lita le telē o le susū e sautia ai fale i aso taitasi. E tolu auala faigofie e faamatū ma lelei ai le fale i le nofo:

• Solo ese le susū po o le susū i faamalama ma puipui.
• Tatala faamalama i le taeao, ma taimi e taele ai, po o kuka ai meaai.
• Tautau tagamea i fafo e faamamago ai, pe a mafai. Po o le faamamago i totonu o se potu ae tapuni le faitotoa ma talai faamalama.

E faamafanafana gofie se fale o matū lelei

E iai mea faamafanafana gofie ma taugofie e te faia e mafanafana lelei ai lou fale:

• Tatala iefaamalama i le ao e faamafanafana ai ma toe toso a o lei pogisa e mafanafana lelei ai.
• Taofi le sao o le savili malulu i totonu o lou fale pe a e tago e pupuni pito i lalo o faitotoa ma faamalama.
• Faamafanafana lou fale e faaaoga ai thermostats ma mea e fua ai le vevela/malulu e ola ai heaters i le taimi ua moomia ai.

Umukuka

A fai sau kuka:

• ia mau lelei tapuni o ulo, ma ia mautinoa e fetaui lelei le telē o le ulo ma le matāafi ma ofi lelei le tapuni o le ulo.
• faaola le faapulou e apoa le ausa pe talai faamalama.

Potumoe

• Aua ne‘i pipii moega ma meafale i puipui o le fale, faava e mafai ai ona fegasoloai le ea. O le taofiofi o le ea e ono aliae ai le susū i le va o mea, ma oo ai lava le susū i ou seevae ma lavalava ae e te lē o iloa.
• Faava teisi faitotoa o kapoti lavalava.
• Taumafai e aua le faataatia sa‘o faamalū i le fola o le fale.

Taofiofi le pipisi o siama

• Faavavā le faiga o faamomoe ai tamaiti.
• Faataitai le faau eseese o ulu pe a faamomoe faatasi tamaiti i le moega e tasi.
• Taumafai ia aua ne‘i toatele tagata e momoe i le potu e tasi.

Tausisia le Tuuitiitia o Tupe Alu mo le Eletise

E faigata tele le tau tuuitiitia o le soona faaalu o tupe i le eletise, aemaise i vaitau malulu. O nisi nei o auala faigofie e tuuitiitia ai le soona faaaoga o le eletise, faasao ai au tupe, ma le siosiomaga.

Manatua e fai tulaga talafeagai e faasao ai le eletise, ae e lē faapea o le a e maalili ai.

Faamatalaga faamaonia i auala e tuuitiitia ai tupe alu mo le eletise [PDF, 54 KB]

Polokalame Kāinga Ora Toe Faapipii Mea Fou

O lo o faia pea e Kāinga Ora galuega e atili mafanafana, matū ma lelei ai fale auā le soifua manuia o tagata nofo mautotogi. O le a mafai i le Polokalame Toe Faapii Mea Fou, ona toe faafou ma faaleleia fale tuai auā le lelei ma le saogalemu o fale o nofoia e tagata nofo mautotogi.

Polokalame mo Fale Lelei

Na faalauiloa e le Malo tulaga fou maualalo mo fale lelei mo fale mautotogi uma e aofia ai ma fale Kāinga Ora, ina ia sili atu ona mafanafana, matū ma lelei mo aiga.

E taulai tulaga fou i faiga e faamafanafana, faiga e taofiofi ai le mafanafana, maua ai le ea malu, faiga e taofia ai le ea susū/faaalu ai le susū ma taofi le sao o le malulu i totonu o le fale.  

Tagai i faamatalaga faamaonia o le Healthy Homes Programme [PDF, 705 KB] pe matamata i le video e te iloa ai tulaga e nofo sauni i ai.

Suia vaitaimi faatulagaina tausisia

Ua tuu atu i tua e le Malo le vaitaimi faatulagaina tausisia mo ē umia tumaoti fale, Kāinga Ora – Homes and Communities ma Community Housing Providers, ma e faia i luga o le Residential Tenancies (Healthy Homes Standards) Amendment Bill 2022.

Na faamamaluina i le aso 26 Novema 2022, le suia ai o le vaitaimi faatulagaina tausisia mo Kāinga Ora ma Community Housing Providers mai le aso 1 Iulai 2023 i le aso 1 Iulai 2024.

Mo nisi faamatalaga, tagai i le www.hud.govt.nz/our-work/healthy-homes-standards/(external link)

Polokalame Right at Home

E fesoasoani le mafanafana, matū ma le lelei o se fale o nofo ai e tuuitiitia ai faaletonu e mafai ona foia e afaina ai le soifua maloloina ma le māmā.  

E taulai la matou Polokalame Right at Home e tuuitiitia lamatiaga e fesootai i le leaga o le fale mo tagata e lamatia gofie ma aiga o nofoia fale a le faalapotopotoga.

E aogā le Polokalame Right at Home i tagata na faasino mai e le Healthy Homes a le Te Whatu Ora/Health New Zealand, ma e ave le faamuamua i galuega toe faaleleia ma galuega toe faafou e aofia ai galuega e ausia ai le polokalame a le Malo Healthy Homes Standards.

E aofia i galuega toe faafou le faapipii o ili e faataavili ai le asu i totonu o le umukuka po o le faletaele, faapipii pe toe sui kapeta, iefaamalama ma mea e taofiofi ai le mafanafana i totonu o fale ma faapipii masini fou po o le faaopoopo o masini fou e faamafanafana ai le fale.

Sa faaigoa muamua le Right at Home o le Rheumatic Fever Prevention Programme.