Faaunegatupe Kāinga Whenua – mo tausi mavaega fanua Māori
O le Polokalame Faaunegatupe Kāinga Whenua o se taumafaiga na faavae e Kāinga Ora - Homes and Communities ma le Kiwibank e fesoasoani ai i tagata Māori o fia umia fale o tu i fanua Māori e umia toatele.
E maua faaunegatupe mo tagata taitoatasi ma ua faalautele atu ia aofia ai ma tausi mavaega fanua Māori ma isi faapotopotoga. E aofia ai foi ma fanua na tuuina atu i iwi ma hapu o se vaega o le Te Tiriti.
E faatautaia faatasi e le Kāinga Ora ma le Kiwibank le Polokalame Faaunegatupe Kāinga Whenua mo tausi mavaega fanua Māori ma isi faapotopotoga.
Lesitala sau talosaga
Afai o outou o se tausi mavaega fanua Māori po o se isi faalapotopotoga o le laasaga muamua le lesitala o le fia faia o se talosaga mo se faaunegatupe e faaaoga ai le pepa faatumu Lesitala Tulaga Aiaina (ROI) [PDF, 36 KB].
E le o se talosaga aloaia le pepa talosaga ROI. O le laasaga muamua lea e mafai ai ona matou toe iloilo ma malamalama i au fuafuaga, faia se muai iloiloga o tulaga tau tupe e te gafatia ma faamautinoa o talafeagai lau talosaga ma ni suiga fou i taiala faavae na faia talu ai.
O le uma ai ona faagaioia o tulaga uma o le laasaga muamua na iloilo ai lau talosaga mo se atinaega faufale, ona faasolo loa lea i le faagasologa aloaia mo talosaga e aofia ai ma le Kiwibank.
O se aofaiga e mafai ona e nonoina
E mafai ona e nono se vaega tupe Kāinga Whenua e oo atu i le $500,000 mo fale taitasi ua fuafuaina. E tatau ona aofia i le aofaiga faaunegatupe ua talia aloaia se 10% mo tulaga faafuasei – po o le 5% pe afai na tuuina atu se Master Build Guarantee. E faaopoopo le tului tupe o le tau faamaketi i le faaunegatupe.
E tumau le fale i le faamalumaluga a Kāinga Ora e tau auala atu i se maliega i le va o le tausi mavaega ma Kāinga Ora.
E tatau ona mafai ona aveese le tino o le fale mai le nofoaga na faatu ai pe afai o se tulaga ua tatau ai.
O le uma ai ona faia o se ROI ona tuuina atu lea o se kopi o faamatalaga faasuetusi lata mai a le tausi mavaega ma faamatalaga auiliili o lau poloketi fale e aofia ai:
- aofaiga o fale e fia fau
- tupe alu fuafuaina
- faapefea ona tou faatupeina le atinae
- au fuafuaga mo le umiaina o fale
- o le faalapotopotoga e umia faatulafonoina le fasi fanua.
E mafai ona fai se lesitala mo se Faaunegatupe Kāinga Whenua mo fanua tausi mavaega a Māori:
Tatala le PDF o le pepa faatumu ma imeli i le kaingawhenua@kaingaora.govt.nz;
Po o le lafo mai i le:
Kāinga Whenua Loans
Kāinga Ora – Homes and Communities
PO Box 2628
Wellington 6140
Uma na faafou le itulau: 19 May 2022