Asiasiga ma le sao gofie
E iai tulaga e moomia ai na toe lipea lou fale. Tagai i mea e mafai ona matou faatino ma mea e mafai e oe lava na fai.
Maimoa mai i tulaga e lelei ona e iloa pe a moomia ona matou faia se asiasiga o le fale.
E faatasi i le tausaga ma fai asiasiga i fale Kāinga Ora uma e siaki mea e pei o faailo asu ma faamautinoa o ola ma aogā mea uma. E mafai ona matou asiasi atu i isi taimi ua moomia ai, ma o se avanoa lea e te faailoa mai ai soo se mea ua tatau na toe faalelei.
E muamua lava ona e sainia le Property Condition Report, a o lei siitia e nofo i lou fale.
O le ā le umi o asiasiga?
Pe ā ma le 40 minute. O mea nei e siaki:
- pe faamata o ausia tulaga lelei o le tausiga o le fale
- ausia aiaiga faaletulafono o le Building Act ma tulafono faatonutonu saogalemu mai afi
- ua faapipii ma aogā faailo asu
- o lena e te tausisia tuutuuga e avea ai ma tagata nofo mautotogi
- o lea foi matou te tausisia tuutuuga e avea ai ma pule o le fale o e mautotogi ai.
Faasilasilaga a o lei faia se asiasiga
E tuuina atu se tusi i totonu o le 48 itula a o lei faia se asiasiga i le fale. Afai e le fetaui ma au fuafuaga, faamolemole faafesootai mai i le 0800 801 601 e toe faatulaga se isi taimi.
O ai e tatau ona i ai i le fale
E tatau ona i ai se tagata matua i le fale mo le asiasiga faaletausaga - e sili ai le tagata na sainia le maliega mautotogi. Faamolemole fai i sau uo po o se isi o lou aiga, pe afai e le o avanoa se isi.
O ai e faatinoa le asiasiga faaletausaga?
O se sui Kāinga Ora po o se sui kamupani e siaki tulaga o fale. E tatau i tagata uma e faia asiasiga ona faaali se ata e iloagofie ai. Afai e le o mafai na faailoa atu se ata e iloagofie ai, fai i ai e faatali mai fafo ma vili mai loa i le 0800 801 601.
Uma na faafou le itulau: 4 July 2023