Agavaa ma Tomai Faatulagaina Kāinga Ora
E tele kamupani ua mautu sootaga ma Kāinga Ora – Homes and Communities auā le saunia ma le mauaina mai o oloa, auaunaga ma galuega o moomia.
Kamupani Fai Oloa
E fesootai Kāinga Ora – Homes and Communities ma kamupani fai oloa e faamautu galuega ma auaunaga e faatino ai le polokalame faufale ma galuega faaleleia i fale o iai nei.
O tulaga nei e fua i ai le muai faamaonia o agavaa o i latou e avea ma kamupani fai oloa:
- Faamaoniga o le agavaa, talaaga faamauina ma le gafatia ona saunia galuega po o auaunaga e patino ma le galuega
- Faamaoniga o tulaga moomia Tau Inisiua ma le Soifua Maloloina & Saogalemu
- Taliaina tuutuuga ma aiaiga o vaega patino o se konekarate
- Ia ogatasi ma vaega autu e lima o le Atinae Faatupu Manuia i vaega e talafeagai ai
- Ia ogatasi ma le taiala Strategic Social Procurement i vaega e talafeagai ai
E tusa ai ma taulaiga e faaleleia atili le aogā o la matou polokalame mo fale e nofoia o le a matou faatoaga na iloilo kamupani fai oloa uma o faaaoga i le taimi nei auā le faataunuuina o le mau galuega o faamoemoe atu i ai.
Tagai i le lisi o kamupani fai oloa ua faatulagaina i le taimi nei e Kāinga Ora.
Ua matou tuufaatasia kamupani fai oloa mo auaunaga faafaufautua e lua ina ia ogatasi ma le fuafuaga Atinae Faatupu Manuia ma le Construction Sector Accord.
- Konekarate Faainisinia
- Fausaga, e aofia ai se faafanua o le ituaiga fausaga o le taulaga ma le taatiaga o laufanua
O le 2022 na matou tatalaina ai RFP mo Konekarate Faainisinia ma Fausaga Faafanua e faatinoa auaunaga faafaufautua faufale, ma ua tapunia avanoa nei. E tele auaunaga na matou iloiloina, ma e lē o i ai se faamoemoe e laasia isi tulaga maualuga atu i le taimi nei mo talosaga nei.
Ua taofia iloiloga mo se vaitaimi le tumau mo talosaga fou.
E lagolagoina ai polokalame faufale i itumalo o Niu Sila. E aofia ai faalapotopotoga o maua ai le tomai e atiina fuafuaga ma galuega faufale po o na o galuega faufale ma o naunau e avea ma sui o vaega nei.
Ua taofia iloiloga mo se vaitaimi le tumau mo talosaga fou.
E lagolagoina le polokalame faufale i le itumalo lenei ma e aafia ai faalapotopotoga o maua ai le tomai e atiina fuafuaga ma galuega faufale po o na o galuega faufale.
O le telē/vaega o auiliiliga o ituaiga nofoaga eseese mo poloketi taitasi:
- Fasi fanua: E tau i le 10 apitaga i totonu o se nofoaga tele
- Lauiti: 11-30 apitaga i totonu o se nofoaga tele
- Feololo: 31-80 apitaga i totonu o se nofoaga tele
- Lautelē: 81+ apitaga i totonu o se nofoaga tele
- Fogafale Tolu: Faasitepu
- Fale fogafale tetele: fogafale 4 ma maualuga atu.
O auiliiliga o ituaiga nofoaga eseese mo apitaga i totonu o se nofoaga tele e aofia ai fale tutasi, fale piilua ma fale fogafale lua e pipii, ma e faauiga le faaupuga “apitaga i totonu o se nofoaga tele” e iloa ai le aofaiga o tagata taitoatasi (faamauina) o nofoia se fale.
E le o tatala faalauaiteleina le iloiloga ma ua le toe talia talosaga.
E lagolagoina le polokalame faufale i le itumalo lenei ma e aafia ai faalapotopotoga o maua ai le tomai e atiina fuafuaga ma galuega faufale po o na o galuega faufale.
E le o tatala faalauaiteleina le iloiloga ma ua le toe talia talosaga.
E aofia ai paaga tausi galuega mo le saunia o ituaiga fale o le Modular & Pre-Fabricated e mafai ona nofoia e tagata po o vaega o se fale (e pei o umukuka ma faletaele) ma/po o metotia o fau ai fale i se nofoaga e ese mai le nofoaga e faapipii ai le fale.
Na faavae muamua e Kāinga Ora se National Demolition Contractor Panel. Ua avea nei ma vaega o le Kāinga Ora Site Clearance Panel (vaega e talepe ese fale).
Ua tapunia le tuuina mai o talosaga fou mo vaega o le Demolition and National Deconstruction.
Ua tatala le tuuina mai o talosaga mo le vaega National House Relocation (na tapunia i le aso 31 Me 2023).
- E maua i le GETS(external link) (RFx ID: 24401798) nisi faamatalaga o le avanoa lea
- E maua faamaumauga patino o se tauofoga i le Tenderlink (https://www.tenderlink.com/kaingaora/(external link)) Numera Faamauina KOHC-998589
- E mafai ona e lesitala i le vaega galuega fausaga i le GETS ma vaavaai faamatalaga e tusa ma le vaega lea.
E le o tatala faalauaiteleina le iloiloga ma ua le toe talia talosaga.
E saunia galuega i nofoaga faitele ma le faamatagofieina o laufanua e fesootai i galuega e toe atiae ai.
E le o tatala faalauaiteleina le iloiloga ma ua le toe talia talosaga.
E aofia ai au konekarate e saunia auaunaga e siaki ma faamamā ai mea ua faaleagaina mai mea ‘ona i fale Kāinga Ora.
E le o tatala faalauaiteleina le iloiloga ma ua le toe talia talosaga.
E aofia ai au konekarate o faatino galuega toe faafou i fale Kāinga Ora.
O le vaega Te Mahi Ngātahi Maintenance Partners e nafa lea ma galuega uma faanatinati e fia faaleleia, ma galuega faaleleia ua fuafuaina mo fale Kāinga Ora. I le taimi nei e lima Paaga Fai Galuega Faaleleia o matou galulue faatasi, ma e tofu lava le paaga ma le itumalo i Niu Sila atoa o faatino ai a latou galuega.
O avanoa e maua mai galuega faaleleia e aofia ai galuega nei ae e le gata i ai:
- Fai Piliki & Poloka Simā
- Faakamuta / Au Soo Laupapa
- Au Teufale
- Vali fafo o le fale
- Tau eletise
- Fola o Fale
- Faamalama sautualua
- Mea faamafanafana, Fafie faamafanafana & Afi Faamafanafana
- Galuega faamamā & Avanoa
- Fogafata
- Palama
- Taualuga
- Kesi
- Faaleagaina i mea ‘ona
- Faamamā fanua
Tagai i avanoa faigaluega a le Te Mahi Ngātahi Maintenance Partners (Paaga Fai Galuega Faaleleia)
E 12 konekarate a le Kāinga Ora e faaigoa o National Supply Agreements (NSAs). E maoti lava le faaaogaina o NSAs e Kāinga Ora mo fale o faamauina e Kāinga Ora mo galuega faaleleia ma taumafaiga e faafaigaluegaina ai tupe faavae. Na o oloa o faamau ma faavasega i vaega o oloa nei e mafai e konekarate ona saunia
- Fale & Oloa Faufale
- Kapeta
- Iefaamalama
- Vinyl
- Vali
- Tau eletise
- Palama
- Fafie faamafanafana
- Masini Faamafanafana Fale
- Ogaumu ma Alāausa ogaumu
- Mea faataavili ea i totonu o fale
- Taualuga
Faafesili?
Mo nisi tulaga o fesiligia ai kamupani fai oloa ma tuutuuga ua noatia ai faamolemole faafesootai mai i le procurement@kaingaora.govt.nz
Uma na faafou le itulau: 13 November 2023