Sauniuniga mo faalavelave matuiā

Leitio

Afai e motusia le eletise, e aogā se leitio e ola i ave o le la po o maauila (po o le leitio o lau taavale) e maua ai lipoti lata mai. O nisi nei o alaleo, pe a tupu se faalavelave faafuasei:

• Radio New Zealand
• The Hits
• NewstalkZB
• MoreFM
• Radio Live

Initaneti

E maua lipoti lata mai, i le upegatafailagi a pulega faalotoifale ma le Civil Defence Emergency Management o lata ane ma fesootaiga televavave e maua ai faamatalaga e aogā mo lou saogalemu.

Faamasani i ou tuaoi

E malosi pe a pulupulu lima faatasi. A tupu se faalavelave faafuasei, e mafai ona maua se faamāmā avega mai ou tuaoi. E iai le taumafaiga e ta‘ua o le Neighbourhood Support e faamaopoopoa tagata o se lotoifale e atiae se faiganuu saogalemu, felagolagomai ma e fesootai.

A o lei tupu se faalavelave, lesitala i le Neighbourhood Support i le neighbourhoodsupport.co.nz(external link) pe valaau le 0800 463 444.

Faailo telefoni feaveai faalavelave faafuasei

E mafai ona e maua se Faailo Telefoni Feaveai Faalavelave Faafuasei e lafo atu e le Civil Defence, pe afai o mafai e ituaiga telefoni o faaaoga na maua faasilasilaga nei. E mafai ona patino lava le lafo o se faailo i nofoaga ua afaina i se lamatiaga tele.

Pau le mea e moomia o le faaola o le telefoni, gafatia ona maua le faailo ma o lo o i totonu o le nofoaga e patino i ai le fia lafo o faailo. E le moomia le faapipii o ni apps i le telefoni po o le faia o se lesitala, pau le mea ia faafou polokalame o le telefoni.

Ua na o se faiga faaopoopo Faailo Telefoni Feaveai Faalavelave Faafuasei e fesoasoani e tausisia le saogalemu pe a tupu se faalavelave faafuasei. E le suia ai isi faailo mo faalavelave faafuasei. Aua e te faatali mo se lapataiga aloaia, pe afai ua lamatia lou soifua. Vave lau gaioi.

E maua nisi faamatalaga i le www.civildefence.govt.nz(external link)

Fai se fuafuaga

E tupu faalavelave faafuasei i soo se nofoaga, i soo se taimi e aunoa ma se lapataiga i totonu o Niu Sila. A tupu se tulaga faapenei, e faatino e le Civil Defence ma auaunaga mo faalavelave faafuasei le fesoasoani mo tagata e sili ona moomia le fesoasoani.

E faalavelaveina le soifuaga i lologa, afā, tau loulouā, mafuie, mauga mu, galulolo ma palapala solo ma faaleagaina ai foi ma meatotino ma afaina ai i se manu‘aga tugā.

O le tulaga e lelei ai, e faigofie na faia tulaga e lavatia ai e tagata e aofia ai ma oe tulaga faapenei.

Talatalanoa ma aiga ma uo, ma faavasega le isi laasaga mo tulaga faapenei:

• Mau i le fale
• Le mafai ona saofia atu i le fale
• Ua tatau ona tuua se nofoaga
• Motusia le eletise
• Leai se suavai
• Leai se telefoni po o le initaneti

E iloa le lelei o se fuafuaga pe afai e iloa le mea e fai pe a mau i le fale, o le nofoaga e feiloai ai pe afai ua lē saofia atu i le fale, o le nofoaga e agai i ai pe a ua tatau ona tuua faatatope le fale. E tāua tele le faamasani ma ou tuaoi, e iloa ai se tagata e mafai ona fesoasoani mai, ma tagata o moomia ona matou fesoasoani atu i ai.

E te maua nisi faamatalaga ma auala e fai ai se fuafuaga i le www.happens.nz(external link)