Suia tulaga
O le vave na e faailoa mai o se suiga i tulaga o le mea o e nofo ai po o au tupe maua, e mafai ai e Kāinga Ora ma le Ministry of Social Development ona faia le lagolagosua sili mo oe.
E aafia tulaga o lou maua o se fale mo tagata e maualalo tupe maua po o le aofaiga o le tupe totogi mautotogi e te totogia, pe a iai se suiga o au tupe maua po o suiga i tagata o tou nonofo faatasi.
E tatau ona vave faailoa i le Ministry of Social Development o soo se suiga pe afai o lena e te faatali mo se fale Kāinga Ora po o lena e te nofo ai i le taimi nei:
- Work and Income i le 0800 559 009 po o le
- Senior Services i le 0800 552 002 pe afai ua silia ma le 65 tausaga o lou matua.
O le ā tonu suiga i tulaga?
E faasino i soo se suiga i tupe maua o tagata nonofo faatasi po o le aofaiga o tagata o nonofo i le fale. Mo se faataitaiga, faailoa i le Ministry of Social Development pe afai ua le toe nofo se isi o lou aiga i le fale, po o le maua o se tupe mai galuega, o se penefiti po o suiga i se tagata sa mautotogi i se potu.
Afai o e lesitala mo le fia maua o se fale mo tagata e maualalo tupe maua ma ua e maua se fale mai se isi faalapotopotoga, faamolemole faailoa vave loa le tulaga lea i le Ministry of Social Development(external link) e aveese ai lou igoa mai le lisi faatalitali.
O soo se taimi lava e mafai ona e faitau ai i faamatalaga nei. E mafai ona e talosaga se faasa‘oga, o se faamatalaga sese.
Uma na faafou le itulau: 4 July 2023