Offsite manufacturing (OSM); Faiga fou e suia ai fausaga

E i ai le pule aloaia e taimua ai Kāinga Ora i suiga, ona o le pito telē o lona tulaga e saunia ai fale i Niu Sila. O lona uiga e tatau ona taimua i faiga fou ma galuega mo suiga lelei e fau ai le tele o fale.

O le Offsite manufacturing (OSM) o se metotia e faavave ai le fau o fale lelei, ma o ituaiga e sili ona lelei mo tagata ma aiga, nofoaga, ma le matātā galuega o fausaga.

Suia galuega o fausaga e tau auala atu i faiga fou; ma e folasia i le fuafuaga mo le gaosiga o oloa i nofoaga e ese mai le nofoaga autu, galuega faatino e maua ai faamanuiaga o le faiga OSM, ma taimua i auala o tali atu ai i faaletonu o fale i Niu Sila.

Fai se kopi: Suia galuega o fausaga e tau auala atu i faiga fou; fuafuaga mo le gaosiga o oloa i nofoaga e ese mai le nofoaga autu [PDF, 1.8 MB]

Faamatalaina o le OSM

O le auga tonu o le gaosiga o oloa i nofoaga e ese mai le nofoaga autu (OSM) le fau o le tinoifale i se nofoaga ese, ona fesiitai lea i le nofoaga tonu e faaaoga ai.

O le gafatia na fetuunai o le OSM ua mautinoa ai le aogā o le metotia lea e tali atu ai i faaletonu tetele o fetaiai ma matātā faufale o saunia fale e nofoia e tagata, e pei o le vave ona tali atu i manaoga, tupe alu, gafataulimaina, soifua maloloina ma le saogalemu, ma le utiuti o tomai ma mea faufale. O se auala sili lea e maua ai fale aogā, gafatia na totogi ma le gafataulima.

O le isi itu taua, e ausia i fale OSM tulaga lelei ma le gafataulimaina o faamoemoe mo fausaga masani i Niu Sila, e aofia ai tulaga o Fale Lelei ma le faatulagana New Zealand Green Building Council 6 Homestar.

Tofamamao OSM   

Matou te folafola atu le faaleleia atili o auala e vave, ma tuuitiitia ai tupe alu ma le lelei o le fausiaina o fale e nofoia e tagata i Niu Sila, ma e amata mai i la matou faatinoga o galuega. 

E ui i le fou o taumafaiga e faatupu ai le faaaoga o le OSM ia ogatasi ma faiga faufale masani i atinaega o faia i le atunuu, pe ā ma le 15% o galuega faufale o lo o fuafuaina se taatiaga e fau ai po o le faaaoga o le OSM i galuega o fausaga. 

Na faaluaina i le va o 2019 ma le 2021, fale na saunia e Kāinga Ora e faaaoga ai faiga OSM eseese. O le vaitaimi atoa e faatino ai le fuafuaga o fale a le malo, e faamoemoe ai e faatuputeleina faiga OSM i le 20% i tausaga taitasi i galuega uma o matou faia e aofia ai fale a le malo ma atinaega o nofoaga tu taulaga.

O la matou faamoemoe le avea o le faalapotopotoga ma lamepa e faapogai mai ai fausaga o ituaiga fale faaonaponei i Niu Sila. E avea le faaaoga tele o le faiga OSM ma paaga malosi ma matātā faufale atoa, o le a faatumauina ai le OSM i auala o atiae ai agavaa ma le tomai e fau ai le tele o fale.

Kamupani saunia OSM

Faafesootai mai pe afai tou te saunia OSM ma le tomai e fau ai fale ma o e fia faatalanoa auala e mafai ona tatou galulue faatasi ai. Faamolemole imeli mai i le CCO@kaingaora.govt.nz.

Faitau nisi faamatalaga i le faiga OSM

• Oloa gaosi i nofoaga e ese mai le nofoaga autu mo fale na fau i Rotorua
• Vave faatupu le gaosiga o oloa i nofoaga e ese mai le nofoaga autu
• Faiga fou i Busby Street
• Tele fale mo Maraenui, ma e faamoemoe e toe faaopoopo ma isi
• Suia galuega o fausaga e tau auala atu i faiga fou; fuafuaga mo le gaosiga o oloa i nofoaga e ese mai le nofoaga autu
• Faletaele: faaaoga ai le faiga OSM e vave ai ona maua ituaiga fausaga lelei