Kāinga Ora Passive Houses

O ituaiga fale nei e mafai ona faatonutonu e le fale lava ia le vevela, ma e faaaoga mea faufale tulaga maualuga, ma masini e mānava ai ma toe maua atu ai le mafanafana.

E maua e tagata o nonofo i Passive House faiga e gafatia ona faamafanafana ai le fale, lelei ma manaia le ea i totonu o le fale ma le fetaui o le vevela e maua i le tausaga atoa. E tusa ma se faatatau faalesiosiomaga, o lona uiga o ituaiga fale sili ona lelei ma e sili ona tuuitiitia ai faiga o gaosia ai kasa oona.

E fou lava le fausaga o faia ai Passive House i Niu Sila, ma e moomia se vaega faapitoa e fuafuaina ituaiga fausaga nei e maua ai tulaga faatonuina po o tulaga tutusa le aogā ma ituaiga Passive House.

Foliga autu o Passive House

Passive House faataitai

O se mitamitaga le faailoa o le taimua ai o le pulega e tuuitiitia kasa oona mai galuega faufale i le atinae Bader Ventura. O le uluai Passive House le Bader Ventura ma o se polokalame faataitai mo Kāinga Ora ma le uluai ituaiga o la matou Carbon Neutral Housing Programme. O le uluai Passive House i le itulagi lenei na faatupeina e le malo. 

Matātā e taimua

Talu ai o se faataitaiga e iloa ai le lelei o faiga fou, o le faamoemoe o le Bader Ventura le malamalama i le aogā o Passive Housing ma fesoasoani e atiae le tomai i fausaga e tuuititiia ai le kasa oona. E matuai tele aogā mo tagata o faaaogaina fale i le itu tau soifua manuia, ma o se taumafaiga tele lea mo Kāinga Ora e avea ai ma atinae faufale pito telē i le atunuu e ausia ai sini o faamoemoe i ai le matātā e tali atu ai i suiga o le tau.

O le isi 12 masina o sosoo ai, o le a iloilo ai e Kāinga Ora fale nei e iloa tonu ai le aogā ma faamanuiaga na mafaufauina e maua mai ai. E pei o le iloiloina o le vevela i totonu o fale, lelei o le ‘ea, faaaogaina o le vai vevela ma le eletise. E taua tele faamatalaga nei e iloa ai e Kāinga Ora tulaga e fau ai fale, ma faaleleia le tomai ma le agavaa i totonu atoa o le matātā.

Faagasologa o Pemita Passive House

1. O le maua ai o se faamaoniga o se fuafuaga mo se Passive House o lona uiga ua mafai ona amata faagasolo loa galuega faufale e tusa ma le fuafuaga ua faamaonia.
2. Suesue ma toe faatulaga faiga i le nofoaga o fau ai fale. Faatonu le suesue faalua o le tele o le ea e sao ese mai faitotoa i vaitaimi eseese o le galuega fausaga ma le faiga e maua ai le ea i totonu o le fale (suesue ma toe fetuunai). E faamauina lelei vaega autu o le faagasologa o le galuega fausaga e aofia ai ma ata na pue ma faamaumauga e lagolagoina ai. 
3. E iloilo e le tagata e faamaonia pemita faamaumauga uma e tusa ma tulaga moomia o se Passive House e faamaonia ai le fau o le fale i le fuafuaga na fuafuaina na fau ai ma ausia tulaga e iloa ai le aogā, ma afai o lea, ona tuuina atu lea o se pemita.

Punaoa

• O le faafanua o Passive Houses ua Pasia i Niu Sila, ma fale o faagasolo le fia maua o Pemita: sustainableengineering.co.nz/nz-au-certified-passive-house-projects-map/(external link)