Tulafono Tupe Totogi Aso Malolo
Sa toe iloilo le faagasologa e fai ai totogi o tagata faigaluega
Sa taumafai le Kāinga Ora, faatasi ma isi matagaluega a le Malo ma pisinisi i Niu Sila, e faasa‘o faaletonu na sese ai totogi na maua e tagata faigaluega o galulue i le taimi nei ma ē sa faigaluega i vaitaimi ua tuanai e tusa ai ma le Holidays Act 2003 (le Tulafono). Ua mae‘a na faataunuu le vaega lea ma faapena ona tausisia le Tulafono mai le aso 23 Setema 2020.
Afai na e faigaluega mo le Kāinga Ora, Housing New Zealand po o HLC mai le aso 14 Iulai 2010 e tau mai le aso 23 Setema 2020, e te ono agavaa i se faasaoga o tupe totogi.
Laasaga e sosoo ai
Ua uma na faailoa nisi sa faigaluega i vaitaimi ua tuanai ua tatau ona totogi i ai se faasaoga o tupe totogi ma na lafo i ai se tusi ma/po o se imeli e faailoa i ai.
Afai e te le i maua se faamatalaga mai le Kāinga Ora e faatatau i faasaoga o tupe totogi e tusa ma le Holidays Act, ma ua e manatu e tatau na e maua se faasaoga, faamolemole tuuina mai faamatalaga i le pepa faatumu i lalo ifo:
E faafesootai atu e faamaonia se faasaoga o tupe totogi ua e agavaa ai, pe a maua le pepa talosaga na e tuuina mai. E talosagaina lou tuuina mai o faamaumauga e faamaonia ai lou tagata moni, pe afai ua tatau na totogi atu se tupe. A mae‘a lea, ona faagaioi loa lea o le tupe e totogi atu.
O lo o ave la matou faamuamua i le sa‘o ona fai o totogi a tagata faigaluega, ma ua mae‘a ona matou faatulaga le tele o suiga i faiga faavae, faagasologa o faiga faavae, ma taiala faavae e mautinoa ai le tausisia pea o le Holidays Act 2003. Na matou faataunuu le faia o suiga e tausisia ai le tulafono i le aso 23 Setema 2020.
E faapena foi ona faia se fua faatatau i faasaoga o tupe totogi ma toe totogi aso malolo i nisi o tagata faigaluega i le taimi nei ma ē sa faigaluega i vaitaimi ua tuanai i le Kāinga Ora, HNZ ma le HLC mai le aso 14 Iulai 2010 ma le aso 23 Setema 2020, o le vaitaimi tonu lava lea na matou tausisia atoa ai le Tulafono.
E tau mai i le taimi nei, ua uma ona matou:
- Faavae se vaega o le poloketi ma faia se vailiiliga loloto e faailoa ai vaega e lē o tausisia ai le Tulafono.
- Faamautinoa faatasi ma faalapotopotoga o saunia oloa ma auaunaga ma paaga autu le tausisia o le Tulafono mai soo se tali atu i faaletonu.
- Fuafuaina se auala ma le faasologa e faataunuu ai suiga e tausisia ai le tulafono ma totogi faasaoga o tupe totogi ua loa tausaga e le i faia lava.
- Faafaigaluegaina sui faapitoa e toalua mo tulaga tau totogi o tagata faigaluega ma se sui o totogi o faalapotopotoga o saunia oloa ma auaunaga e fuafua le faasaoga o tupe totogi ma faasa‘o soo se faaletonu i le lē tausisia o le Tulafono.
- Faia se suiga i se faiga fou e fai ai totogi o tagata faigaluega, ma saunia taiala faavae ma le faagasologa e tausisia ai le Tulafono.
- Faataunuu na totogi faasaoga o tupe totogi i tagata faigaluega o galulue i le taimi nei na aafia ai.
Fua faatatau o faia nei
- O le amataga 2021 e amata faagasolo ai le uluai faasaoga o tupe totogi mo ē sa faigaluega i le vaitaimi ua tuanai.
- O le a faaauau pea le galulue faatasi ma le State Services Commission, matagaluega a le Malo, loia tau galuega mai fafo atu o le faalapotopotoga ma iuni e faamautinoa o lo o tutusa, sa‘o ma sa‘o tonu le faagasologa o totogi mo tagata faigaluega, faasaoga o tupe totogi ma le totogi o aso malolo.
O le ā le Holidays Act?
Ua faataatia mai i le Holidays Act 2003 aso malolo e tatau e tagata faigaluega ona ave ma e faamoemoe e tulei ai faiga sa‘o ma le paleni o le soifua galue ma isi vaega o le soifuaga o tagata faigaluega. E maua ai e tagata faigaluega agavaa pito maulalo mo aso malolo e pei o:
- aso malolo faaletausaga
- aso malolo sui tulaga
- aso malolo faale-Malo
- aso malolo ma‘i
- aso malolo mo se maliu
Ua faataatia mai foi i le Tulafono le faiga e fua i ai se faatatau o le totogi mo aso malolo ma le totogi faaiu.
E mafai ona maua nisi faamatalaga i le MBIE Leave Guide(external link)
O le ā le faaletonu?
E tele faaletonu o le Holidays Act ua faailoa e le tele o matagaluega a le Malo faapea ma pisinisi i Niu Sila. E pei lava foi o le tele o isi faalapotopotoga, e le i faamalieina e le faiga o fuafua ai totogi o le aufaigaluega tuutuuga uma o faataatia mai e le Tulafono. Talu ai faaletonu nei, na matou toe iloilo ai faiga o faagaioia ai totogi faatasi ma le lagolagosua a tomai faapitoa mai fafo atu o le faalapotopotoga e foia faaletonu ua lē tausisia ai le tulafono ma saunia se faasaoga mo aso malolo ua tatau ona totogi mo tagata faigaluega i le taimi nei ma ē sa faigaluega i vaitaimi ua tuanai.
O ā ituaiga aso malolo o fuafua i ai se tali atu?
O faaletonu e fesootai i tulaga e agavaa ai ma totogi mo aso malolo nei:
- aso malolo faaletausaga
- aso malolo mo se maliu
- aso malolo sui tulaga
- aso malolo faale-Malo
- aso malolo ma‘i/tausiga o se isi
- aso malolo sauaga i totonu o le aiga/faalotoifale
- aso malolo mo aoaoga e fesootai i le galuega
O le ā le vaitaimi e fua i ai se tali o se faasaoga o tupe totogi?
O tausaga e ono ua mavae o le mamao lena e amata faitau mai ai e Kāinga Ora tupe totogi mai le aso na uluai maitaulia ai faaletonu o le lē tausisia o le tulafono ia Iulai 2016. O lona uiga, e amata faitau mai i le aso 14 Iulai 2010 le faasaoga o tupe totogi.
O ai tagata faigaluega e faatatau i ai faasaoga o tupe totogi?
Atonu e mafai ona e agavaa mo se faasaoga o tupe totogi mai le Kāinga Ora pe afai o e faigaluega i le taimi nei pe sa e faigaluega i le faalapotopotoga i vaitaimi ua tuanai:
- Tagata faigaluega Kāinga Ora mai le aso 1 Oketopa 2019
- Tagata faigaluega Housing New Zealand mai le aso 14 Iulai 2010
- Tagata faigaluega HLC mai le aso 14 Iulai 2010
Faamata e aofia i le faasaoga o tupe totogi tagata faigaluega sa fai saofaga i le KiwiBuild?
E nafa le Ministry of Housing and Urban Development (MHUD) ma soo se faasaoga o tupe totogi a tagata faigaluega o fai saofaga i le KiwiBuild a o le i aulia le aso 1 Oketopa 2019. Mo nisi faamatalaga, imeli le MHUD Human Resources i le hrassist@hud.govt.nz
Aisea na sese ai tupe totogi mo aso malolo?
E fai si lavelave o le Holidays Act ma o le metotia o faaaoga e fuafua i ai ituaiga aso malolo e totogi ua aliae ai ma le sese o le fuafuaina o totogi mo nisi o le aufaigaluega i le taimi nei ma ē sa faigaluega i vaitaimi ua tuanai.
E mafai ona faafaigata ona fuafua le tupe e totogi talu ai o ta‘ua i le Tulafono le totogi faalevaiaso o Aso Malolo Faaletausaga, a o isi aso malolo e pei o aso malolo mo se maliu, aso malolo sui tulaga, aso malolo faale-Malo ma aso malolo ma‘i (BAPS), o aso malolo nei e totogi aso. E masani i pule o galuega ona faaputuputu, fuafua ma totogi aso malolo i itula (e pei o le ‘afa aso = 4 itula).
E tele foi isi auala eseese e fuafua i ai le tupe e totogi mo se tagata faigaluega mo se aso po o le vaiaso ua faamaoti e pei o le Ordinary Weekly Pay, Average Weekly Earnings, Relevant Daily Pay ma le Average Daily Pay. E ono ova atu se tupe e totogi po o le maulalo o se totogi pe afai e sese le metotia o faaaoga e fuafua i ai se totogi.
E mafai foi ona sese le totogi pe afai o maua e tagata faigaluega alauni faaopoopo, se vaegatupe atoatoa, masani na faigaluega ovataimi, po o le eseese o itula faigaluega i le aso po o le vaiaso. O le faiga e totogi ai e masani ona aofia pe lē aofia ai totogi maua e le i toesea ai le lafoga mo le fuafuaina o aso malolo ma o se faiga lea e afaina ai tulaga e agavaa ai.
O le ā se faasaoga o tupe totogi ua faia?
O le amataga o le tausaga nei, na faafaigaluega ai e le Kāinga Ora tomai faapitoa e toe iloilo faiga o fuafua ai totogi o tagata faigaluega. Sa galulue faatasi tomai faapitoa a le faalapotopotoga ma tomai faapitoa o faiga o fuafua ai totogi mai fafo atu o le faalapotopotoga e atiae se metotia e faailoa ma fuafua ai le aofai o tupe totogi ua loa tausaga o sese na fai mo tagata faigaluega i le taimi nei ma ē sa faigaluega i vaitaimi ua tuanai. Na faagaioia le faasaoga o tupe totogi e se suetusi tutoatasi Ernst & Young e faamautinoa le sa‘o o faiga e faagaioia ai ma ua faatulaga faiga faavae ia sa‘o ai tupe totogi mo aso malolo i tagata faigaluega o iai nei ma ē sa faigaluega i vaitaimi ua tuanai.
O anafea na amata tausisia ai e Kāinga Ora le Holidays Act?
O lo o ave la matou faamuamua i le sa‘o ona fai o totogi a tagata, ma ua mae‘a ona matou faatulaga le tele o suiga i faiga faavae, faagasologa o faiga faavae, ma taiala faavae e mautinoa ai le tausisia pea o le Holidays Act. Na matou faatinoa suiga nei auā le tausisia o le tulafono i le aso 23 Setema 2020.
E fia se tupe ou te mauaina?
E fuafua soo se faasaoga o tupe totogi ua tatau ona fai i tulaga e patino i le tagata faigaluega. Talu ai e tofu lava le tagata taitoatasi ma le faapogai o ana tupe maua ma le faasologa o ana aso malolo, e faapena foi ona eseese le aofaiga e totogi mo tagata taitoatasi.
O ā tupe e toesea po o saofaga o le a aafia i faasaoga o tupe totogi?
E faavasega faasaoga o tupe totogi o tupe maua ma e faapena ona noatia i tupe e toesea/saofaga:
- PAYE (Lafoga). O le a faatulaga i le ‘Extra Tax.’ (Tagai i le upegatafailagi a le IRD mo nisi faamatalaga i le Extra Tax. E mafai foi ona e faafesootai sa‘o le Inland Revenue i le 0800 227 774)
- Tupe toesea mo le Student Loan
- Afai o oe o se fai saofaga KiwiSaver i le taimi nei ona faaaoga lea o le fua faatatau mo saofaga. E totogi e Kāinga Ora le 3% o saofaga mai le faalapotopotoga mo sui fai saofaga e agavaa ai.
O le ā le mea e tupu pe afai na ova se tupe na totogi ai a‘u ona o le sese o le aso malolo na totogi?
O le faiga tuai na fuafuaina ai totogi, na ova ai le totogi o nisi o tagata faigaluega i le taimi nei ma ē sa faigaluega i vaitaimi ua tuanai. E talia e Kāinga Ora le faia o totogi i le agaga lelei ma e leai se faamoemoe e taumafai e toe faaola tupe na ova ona totogi atu.
Na ou faamavae ae mulimuli ane ua ou toe foi ou te galue ai. Faamata e aafia ai sa‘u faasaoga o tupe totogi?
E ese lava le fua e fai mo vaitaimi taitasi na faigaluega ai. Afai e tele tupe totogi e te agavaa ai, ona tuufaatasi uma lea e totogi atu i le taimi e tasi.
E faapefea ona ou iloa ou te agavaa mo se faasaoga o tupe totogi?
Afai e te agavaa mo se tupe totogi, ona imeli atu lea pe lafo atu se tusi i le tuatusi o matou faamauina i le taimi nei. E iai faamaumauga patino ia te oe matou te moomia e faamaonia ai au faamatalaga ma faagaioia ai le tuuina sa‘o o tupe totogi i lau teugatupe i le faletupe.
Afai matou te le i faafesootai atu ma ua e talitonu e iai tupe totogi sa tatau ona matou totogi atu e tusa ma faasaoga o tupe totogi o ta‘ua i le Holidays Act, faamolemole faatumu i luga o le initaneti le pepa talosaga tupe totogi Holidays Act.
O afea ou te maua ai tupe e tatau ona totogi mai ia te a‘u?
E faailoa atu le aso e maua ai lau tupe, i le uma ai ona faamaonia o au faamaumauga. E faalemasina e faagasolo ai tupe totogi.
Ae faapefea pe afai ou te le i tāpā la‘u tupe totogi?
E tusa ai ma le fuaiupu 6, 7 ma le 8 o le Unclaimed Monies Act 1971, o tupe e le i tāpā, e tuuina atu i le Inland Revenue Department (IRD).
E talia se teugatupe i se faletupe a se isi atunuu e totogi i ai?
Na o faletupe i totonu o Niu Sila e mafai ona matou talia. E mafai ona talia se isi teugatupe o faamau i le igoa o se isi tagata.
Ae faapefea se tagata sa faigaluega i se vaitaimi ua tuanai ua aafia ai ma ua maliu po o le lē mafai ona tāpā se tupe totogi?
E tatau ona e faatumua faamatalaga i luga o le initaneti mo le pepa talosaga tupe totogi Holidays Act e faamaonia ai lou tagata moni ma siaki ai pe faamata e iai se faasaoga o tupe totogi e tatau ona totogi atu, ma tuuina mai faamaumauga e faamaonia ai le tofia aloaia o oe e fai ma sui o se esetete po o se isi tagata.
E laitiiti lava se tupe na ou mauaina. Aisea ua laitiiti ai le tupe na totogi ai a‘u?
E tusa ai ma le tulafono e tatau lava ona matou totogi atu se vaegatupe e aofia ai ma si fasi tupe laitiiti.
E mafai na ou foai se tupe totogi i se faalapotopotoga faameaalofa?
E lē mafai ona matou foai sa‘o atu lou totogi i se faalapotopotoga faameaalofa. O le tulaga lena e fai i ai lau pule pe a e maua lau tupe totogi.
Na e fesootai ma le Public Service Association (PSA)?
Ioe. Sa saili se fautuaga mai le PSA e tusa ma tulaga o tausisia o le tulafono ma le faasaoga o tupe totogi a o le i faavae mai le poloketi ma faaletonu autu e aliae mai i le vaitaimi atoa o le poloketi.
Na sueina e se suetusi tutoatasi le faiga o faagasolo ai le faasaoga o tupe totogi?
Na faagaioia le faasaoga o tupe totogi e se tomai faapitoa tutoatasi a le Ernst & Young e faia se suegatusi tutoatasi o faiga o faagaioia ma faagasolo ai tupe totogi. Na faamae‘a muamua le suesuega a le suetusi faatoa faataunuu ai lea ona totogi o tupe.
Na maua e tagata faigaluega o galulue i le taimi nei na aafia i le faaletonu le faasaoga o tupe totogi?
Ioe. E tusa ma faasaoga o tupe totogi na faia, na mafai ona faailoa ma toe fuafua aso malolo e tatau ona totogi i nisi o le aufaigaluega o galulue i le taimi nei na aafia i le faaletonu a o le i faagasolo le faiga lava e tasi mo ē sa faigaluega i le vaitaimi ua tuanai. Na matou totogi faasaoga o tupe totogi i tagata uma o le faalapotopotoga na aafia i le aso 11 Tesema 2020.
Mo nisi faamatalaga
Afai e iai se fesili i le faasaoga o tupe totogi o le Holidays Act, faafesootai mai i le holidaysact@kaingaora.govt.nz
O fesili nei e toe teuteu ai Fesili Masani.
Faamatalaina o aso malolo ma aso malolo totogi i le Holidays Act 2003.
Ituaiga aso malolo
aso malolo faaletausaga: E totogi tagata faigaluega o ave aso malolo ma faiga malologa.
aso malolo mo se maliu: O aso malolo totogi e mafai e tagata faigaluega ona faaaoga pe afai ua maliu se tasi e lata i ai.
aso malolo sui tulaga: E saunia mo se tagata faigaluega o galue i se aso malolo faale-Malo e masani ona galue ai.
aso malolo faale-Malo: E tusa ai ma le Holidays Act 2003, e 11 aso malolo faale-Malo, e faaopoopo i aso malolo faaletausaga. E agavaa se tagata faigaluega i se aso malolo faale-Malo pe afai e pa‘ū le aso malolo i se aso e masani ona galue ai.
aso malolo ma‘i/tausiga o se isi: E totogi taimi e lē faigaluega ai pe afai ua ma‘i pe faamanu‘alia se tagata faigaluega, o lona toalua, paaga, se tamaitiiti po o se isi e faalagolago ia te ia le tausiga.
aso malolo mo aoaoga e fesootai i le galuega: E saunia mo sui lesitala o se iuni auā le faalauaiteleina o le malamalama i galuega o faigaluega ai.
aso malolo sauaga i totonu o le aiga/faalotoifale: E ono saunia mo se tagata faigaluega ua aafia i sauaga i totonu o le aiga.
aso malolo DBAPS: O se faapuupuuga o aso malolo mo tulaga tau Domestic violence, Bereavement, Alternative, Public, Sick/dependent care.
Fua Faatatau Aso Malolo Totogi
Totogi Masani Faalevaiaso (Ordinary Weekly Pay - OWP)
E faaaoga le Totogi Masani Faalevaiaso e faavasega ai totogi mo aso malolo faaletausaga ma o le aofaiga e masani na totogi ai le tagata faigaluega i vaiaso taitasi.
Totogi Masani Faalevaiaso – 4 vaiaso (ORD4)
Afai e faigata ona faavasega se totogi masani faalevaiaso ona e eseese totogi faalevaiaso, ona faaaoga lea o se fua e fuafua ai tupe maua mai le fa vaiaso talu ai a o le i toesea le lafoga.
Fua Faatatau Tupe Maua Faalevaiaso (Average Weekly Earnings - AWE)
O le Fua Faatatau Tupe Maua Faalevaiaso o tupe maua a le tagata faigaluega a o le i toesea le lafoga i le 12 masina talu ai a o le i tau mai i le aso mulimuli na totogi ai, a o le i ave aso malolo faaletausaga, ma vaevae lea i le 52.
Totogi Talafeagai Aso Taitasi (Relevant Daily Pay - RDP)
E faaaoga le Relevant Daily Pay po o le Average Daily Pay e fua i ai le totogi o aso malolo faale-Malo, aso malolo mo se maliu, aso malolo ma‘i, aso malolo sui tulaga ma aso malolo mo aoaoga e fesootai i le galuega. O le Totogi Talafeagai Aso Taitasi o le tupe maua e masani ona totogi ai se tagata faigaluega mo le aso e tasi.
Fua Faatatau Tupe Maua Aso Taitasi (Average Daily Pay - ADP)
Afai e lē o mafai ona faia se fua faatatau o le Relevant Daily Pay, po o le eseese o le totogi e maua i aso taitasi e le tagata faigaluega i le vaitaimi o fesiligia, ona faaaoga lea o le Average Daily Pay. O le Average Daily Pay o se fua faatatau o tupe maua i aso taitasi a le tagata faigaluega a o le i toesea le lafoga mai le 52 vaiaso talu ai.
Uma na faafou le itulau: 17 December 2020