Fai fagafao

Tausiga o se fagafao i lou fale Kāinga Ora

E leai se isi e le manao e tausi lelei i se fagafao. Ua saunia faamatalaga taua e fesoasoani i le tausiga o meaola i lou fale.

• Faamatalaga faamaonia tausiga o se fagafao i lou fale [PDF, 423 KB]
• Tausi lelei i au fagafao [PDF, 130 KB]

O ā meaola e fai ma fagafao?

• Maile
• Pusi
• Lafumanu (povi, mamoe, solofanua, puaa, oti) o tausi faafagafao
• Manulele, i‘a ma meaola laiti

E iai ni tuutuuga o le faia ai o se fagafao?

E iai tulafono e tatau i tagata uma i Niu Sila ona tausisia mo fagafao. E iai tulafono laiti a pulega faalotoifale, ma e afai e te nofo i se apitaga i totonu o se nofoaga tele e ono maoti lava tulafono mo le fai o se fagafao (e aofia ai ma pusi). E mafai na matou fesoasoani atu ia e iloa lelei tulafono e fetaui ma oe.

Afai ua e manao i se pusi po o se maile e fai ma fagafao po o se manao e fai se lafumanu pe afai e te nofo i vaipanoa tau mamao mai le taulaga

Valaau mai i le 0800 801 601 e iloa ai tulaga tonu o lau fagafao.

Aisea e valaau atu ai?

E taua lo matou iloa pe afai o lena o iai se maile, pusi po o se lafumanu po o faamoemoe e fai se fagafao. O se tasi o vaega o lau maliega mautotogi ma faamatalaga matou te aoina mai e fesoasoani i tulaga nei:

• e mautinoa ai e leai sau sala. O le a matou faamaonia i tulafono laiti a pulega faalotoifale po o tulafono a faalapotopotoga tuufaatasia pe afai e te nofo i se apitaga i totonu o se nofoaga tele mo le tausiga o fagafao
• e iloa ai e la matou aufaigaluega ma fai konekarate pe a asiasi atu
• e mautinoa ai o sa‘o faamatalaga o lau maliega mautotogi. E iai maliega tuai e le faataga ai maile, ma e mafai ona suia le vaega lea e mautinoa ai e te le o solia lau maliega.

Afai o se maile lau fagafao po o le fai o se lafumanu, e ono talosagaina lou sainia o se Faamatalaga Fai Fagafao, ma e talia lou tausi lelei i lau fagafao.

Malie i ai

Afai ua e malie i mea uma, ona faamatuu atu lea o le avanoa e tausi ai lau fagafao i fale Kāinga Ora. Ia maua lou fiafia ma e tausi lelei i ai, ma ia mautinoa e le o faalavelave i ou tuaoi ma tagata.

Afai e lei maua atu se fesootaiga, valaau le Customer Support Centre i le 0800 801 601 mo se tala lata mai.

Afai e taofia i luga o tulaga e tatau ai

E iai tulaga e le mafai ai ona matou faataga fagafao i lou fale. E faailoa atu pe afai o lea ma e le taofia ai lou talosagaina o se isi iloiloga pe afai ua e manatu e le sa‘o le faaiuga.

Tulaga saogalemu pe a matou asiasi atu

Afai e iai sau taifau, e talosagaina lou taofiofi o le maile pe a asiasi atu sui o Kāinga Ora po o fai konekarate. Taofiofi lau taifau pe a faia se asiasiga, e pei o le:

• tuu i totonu o lau taavale ma loka faitotoa. Mautinoa ua vili i lalo le faamalama mo sina ea malu, ma tuu ai ma se apa vai.
• fai se manoa e asoa i le ua e taofiofi ai e se tagata o vaaia.
• o se manoa malosi, e le matala pe motu gofie. E mafai na faapa se mea e tuu ai po o le sai i se laau, ae e le fetaui pe a sai i se ‘au o le faitotoa, po o se mea e tatu‘i i le eleele e taofiofi ai.
• loka i se potu/faletaavale/fale teu meafai togalaau ma nonoa i se meafale e le mafai na fetosoai e le maile. Manatua o iai se apa vai, ma faamanatu i tamaiti e aua le tatala le faitotoa ma aua le tatala esea le manoa o taofiofi ai.
• ave lau maile e faasavali a o i ai le aufaigaluega i lou fale.

Faamatalaga faamaonia e taofiofi ai lau taifau [PDF, 478 KB]

Aisea e tatau ai ona ou faia se tulaga faapenei?

E puipui e taifau i tatou ma o tatou aiga. E iai maile e lagona le manao e puipui i lona aiga ma e le fiafia pe a asiasi atu le aufaigaluega ma le au fai konekarate. E le mafai ona ulufale atu le aufaigaluega i se fanua po o le fale pe afai e le o taofiofi mau se maile. E moomia le fai o la matou galuega e mautinoa ai o mafanafana, matū ma saogalemu lou fale, ma e fautuaina le taofiofi mau o lau taifau.