Atinae Faatupu Manuia - o la matou fuafuaga galuega fausaga mo fale i le lumanai
Ua aulia le vaitaimi e tatau ai ona fai se suiga fou. O le saunia o fale e soifua ma ola ai le toatele o Tagatanuu Niu Sila e moomia ai le maua o fale a le malo e lelei i le nofo, e le umi se taimi e fau ai, ma e sili ona fetaui mo tagata o faaaogaina a matou auaunaga, faapea afioaga ma vaipanoa o faatino ai galuega, ma le matātā galuega faufale.
E faatupulaia le tele o fale fou a le malo e moomia na fau faapea se vaega tele o galuega e toe suia pe toe faaleleia o fale tuai o iai nei. Matou te tulimatai i le faaleleia atili o auala o faasoasoa ma faasolo ai le fausiaina o fale e nofoia e tagata i Niu Sila, ma e amata mai i la matou faatinoga o galuega.
O lo o otooto i le faamaumauga Atinae Faatupu Manuia - fuafuaga faataatia fauina o fale mo le lumanai [PDF, 4.9 MB], auala e faatino ai, a o matou galulue faatasi ma matātā faufale e faaleleia atili faiga o faataunuu ai le fau o fale a le malo e nofoia e tagata i le atunuu atoa. E maua ai manatu fou ma isi faiga e fau ai fale - ma lagolagoina ai taumafaiga i totonu o lea matātā.
E tolu vaega autu o le a faamuamua i le Atinae Faatupu Manuia:
-
- Suia faiga masani – i faiga sili atu ona faatuatuaina, manino ma faiga faapaaga moni
- Taitai alamanuia – faatupu ma suia le matātā o saunia fale ma vaega faufale
- Faataunuu taunuuga sili ona lelei i vaega autu e lima:
Faatasiga ma talanoaga tafailagi Atinae Faatupu Manuia
Na faavae le Atinae Faatupu Manuia o se auala e galulue faatasi ai ma le matātā faufale ina ia ausia le aofaiga o fale fou ua saunia e Kāinga Ora mo tagata lautele ma fale e nonofo ai tagata o moomia le tausiga faaopoopo. Na saunia ma tuufaatasia le auivi ia aogā mo le matātā faufale, ma o se taumafaiga na talimalo ai le vaega o le Atinae Faatupu Manuia e faailoa i paaga e aiaia galuega vaega tonu o le fuafuaga ua ausia.
O le faamoemoe o talanoaga tafailagi o Atinae Faatupu Manuia le saunia o avanoa e talatala ai manatu anoa i nisi o galuega faufale autu, suiga lelei ua maitauina ma faatupu ai le iloa i galuega fai a le matātā.
Tatala itulau faaopoopo e faitau ai folasaga ma matamata i videos o faatasiga na faia. Lesitala pe a e fia maua lipoti lata mai ma valaaulia i faatasiga(external link).
Folasaga Atinae Faatupu Manuia
E luitauina pea i matou ia aua le nofonofoai a ia fetuunai ma toe mafaufau i faiga masani o faatino ai galuega, a o taumafai e ausia faamoemoega patino e tali atu ai i suiga o le tau ma le faifaipea o fefaatauaiga faamaketi lē mautonu. E tusa ma tulaga e pito toatele ai lava tagata e nonofo i fale o vaaia e le faalapotopotoga, ua matuai talafeagai ai le taitaiina e Kāinga Ora o suiga e tatau ona faataunuu, ma e faataua le galulue faatasi ma faalapotopotoga alamanuia i auala e mafai ai e faalapotopotoga uma ona fau fale e gafatia na totogi, ma ituaiga fale e matuai aogā ma fetaui lelei.
E le tau fesiligia le moomia o paaga tau alamanuia matou te pulupulu lima faatasi, e faasagatonu ma fautua mai i auala e laasia ai le isi vaega tele o galuega faatino. Talosia o logo malie i lau faitau luitau ma lesona mai taumafaiga o tauasaina nei, ma e talia manatu faaalia i mataupu ua tuanai po o mataupu o lo o faamoemoe atu i ai.
Fale Talafeagai ma Suiga o le Tau: Faataunuu Avanoa Maua
E moomia suiga tetele o ituaiga ma faiga o fau ai fale, atiae ai afioaga ma pitonuu, ina ia ausia e Niu Sila faamoemoega e tuuitiitia ai kasa oona. O suiga foi nei e maua ai avanoa e tino mai ai faamanuiaga tetele i le soifua manuia, toe faafouina o siosiomaga faalenatura ma faalauteleina le gafatia ona tali atu i suiga o le tau.
Bader Venture Passive House Development
- talanoaga tafailagi(external link)
- folasaga atoa (external link)
- talatalaina o manatu filifilia (external link)
Polokalame Tuuitiitia le Faamaimau
Uma na faafou le itulau: 6 October 2023