/ Faatulagana a le Pulega

Faatulagana a le Pulega

O le Kāinga Ora - Homes and Communities o se faalapotopotoga a le malo na faavae i lalo o le Kāinga Ora - Homes and Communities Act 2019. O se tasi o faalapotopotoga a le Crown i lalo o le Crown Entities Act 2004.

Minisita a le Pulega

Minisita e Nafa ma le Pulega

Afioga Dr Megan Woods – Minister of Housing
Afioga Grant Robertson – Minister of Finance

Minisita Lagolago

Afioga Willie Jackson – Associate Minister of Housing (Māori Housing)
Afioga Barbara Edmonds - Associate Minister of Housing

Komiti Faatonu a le Pulega

E tele matafaioi a le Komiti Faatonu, e aofia ai le saunia o le alafua faataatia a le pulega ma tulaga lelei o le faatinoga o galuega faaletausaga (faatasi ai ma le Minisita), puleaina lamatiaga ma faamautinoa le tausisia o tulafono, ma faatumauina sootaga talafeagai ma paaga autu.

Sui o le Komiti Faatonu:

	John Duncan (Sui Taitaifono) ua lava le tomai i fefaatauaiga tau tupe, faaputugatupe ma tulaga tau tupe i le atu laulau. O le Sui Taitaifono o le Public Trust, Taitaifono o le Northern Rescue Helicopter Limited, Sui Tausi Mavaega o le Cornwall Park i Aukilani, ma sa avea ma sui o le komiti faatonu o le Housing New Zealand Board ma Taitaifono o le HLC.
	Robin Hapi (CNZM) e agavaa tele mo mataupu tau pulega mo faalapotopotoga e le maua ni tupe mamā ma pulega tau pisinisi ma aoaoga faaiunivesite. E loloto le tomai i tulaga tau pulega, puleaina o tupe, taulimaina o faafitauli ma le saunia o fuafuaga faataatia, ma le tausisia o sootaga o tagata Māori ma tagata taitoatasi e le tupuga mai Māori ma faalapotopotoga. Sa avea ma taitaifono a le ‘Māori Economic Development Advisory Board’ ma o le taitaifono o le ‘Te Wānanga o Raukawa.’ Talu ai nei na faamavae ai Robin mai le Worksafe NZ Board i le uma ai o le vaitaimi na tofia e avea ai ma sui.
	Polofesa Philippa Howden-Chapman (CNZM, QSO, RSNZ) o se polofesa mo tulaga lautele faalesoifua maloloina, ma e agavaa i mataupu e patino i fale, malosiaga faalenatura, suiga o le tau ma taulaga gafataulimaina. O se tasi o faatonu o le He Kāinga Oranga/Housing and Health Research Programme, na faamanuiaina i le faailoga a le Palemia o le Science Prize, o le RSNZ Rutherford Medal ma le avanoa WHO Collaborating Centre i le vaega o le Housing and Wellbeing. O ia o le faatonu sili o le NZ Centre for Sustainable Cities ma sa avea ma taitaifono o le WHO Housing ma taiala faalesoifua maloloina ma le International Science Council Committee mo le Urban Health and Wellbeing: a systems approach. Na avea Philippa ma sui o le Housing NZ Board i le 2018.
	Major Campbell Roberts (CNZM) o se tasi sa tautua i tofiga maualuga The Salvation Army ma le New Zealand Community Organisations ma sa feagai ma vaega e vaaia fale ma polokalame e faaitiitia ai le mativa. O ia o se sui o le New Zealand Parole Board ma le Salvation Army Social Housing Board. Sa galue foi i Komiti Faatonu a le CHRANZ, KiwiBuy Coalition, Community Housing Aotearoa, New Zealand Housing Foundation, Community Finance ma le Habitat for Humanity. Sa fai ma sui o le Ministerial Shareholders’ Housing Advisory Group, o le Prime Ministerial Task Force on Housing Reform, o le Ministry of Social Development Housing Reference Group, ma o le fautua faapitoa lea i le Children’s Commissioner’s Expert Advisory Group mo le polokalame Solutions to Child Poverty.
	John Bridgman (na tofia e le Komiti Faatonu i le aso 1 Ianuari 2022) ma e telē lona tomai i galuega fai inisinia ma le puleaina o poloketi na faia i Australasia ma Asia. E tele tofi maualuga na faafaigaluegaina ai John, e aofia ai le kamupani faufale tele o le AECOM (sa avea ai ma Industry Director – Civil Infrastructure i Ausetalia ma le tulaga Managing Director mo pisinisi i Niu Sila), tofiga tetele auā le vaaiga ma le puleaina o poloketi mo atinae tetele i Niu Sila, Ausetalia, Asia ma le United Kingdom. O ia foi o le Taitaifono o le City Rail Link Limited; ma le Faatonu Sili a le Waka Kotahi – NZ Transport Agency.
	Sir John Hansen (na tofia e le Komiti Faatonu i le aso 15 Aokuso 2022) ma ua savalia le 30 tausaga o lana tautua i galuega faaloia, i Niu Sila ma Hong Kong. Na litaea mai galuega faaloia i le 2008, ma tauaveina isi galuega tetele e pei o le tofi taitaifono a le komiti faufautua tutoatasi mo le Christchurch District Plan, na avea ma faauluuluga o le komiti tutoatasi na faafoeina le Red Cross’s Earthquake Appeal Commission na faapogai mai le mafuie na afaina ai Kalaiesetete i le 2010, ma avea foi ma sui o le Bone Marrow Cancer Trust. Ua loa tausaga o le tautua a John i le kilikiti, ma o lo o avea nei ma sui o le Canterbury Cricket Trust.
	Nicole Anderson (na tofia e le Komiti Faatonu i le aso 1 Ianuari 2023) o se sui o le Institute of Directors (CMInstD) ma e agavaa i tulaga tau tupe ma atinae. E umia foi e Nicole le tulaga o le Faatonu Sili a le Ngāpuhi Asset Holding Co, Top Energy, Taitaifono Northland Inc Ltd; ma na avea ma Taitaifono o le International Accreditation Council of NZ (IANZ) talu mai le aso 1 Iuni 2023. O se fiafiaga tele ia Nicole le soifua ma le ola lelei o aiga ma le atinaega o afioaga ma tagata.