/ Faamaumauga faafuainumera o fale

Faamaumauga faafuainumera o fale

O kuata taitasi, e faasalalauina ai e le Kāinga Ora vaega e lua o faamatalaga mo le vaaiga o fale ma nofoaga o avanoa e le o faaaogaina.

Na maitauina le suia o le moomia o fale talu mai le vaitaimi na pito tele ai fale na fau mo tagata e maualalo tupe maua a o lei aulia le 1980. O nei aso, ua sili ona moomia fale e taitasi pe tailua potumoe ma fale e tailima potumoe i totonu o taulaga tetele.

E moomia le toe tau atiae, fau, faatau mai ma le lisi o fale i nofoaga o moomia ai. E fesoasoani le faatauina atu o nisi o meatotino e maua ai le seleni e faatupeina ai lea faamoemoe.

E tele mafuaaga e tatau ai ona faatauina atu meatotino, e aofia ai meatotino ua tuai ma taugata tele le tausiga, ua le toe aogā ma ua le toe moomia e tagata o faaaogaina a matou auaunaga, ua le toe talafeagai ma tupe o faaaoga ai, po o tulaga foi ua le toe moomia ai i nofoaga o i ai.

O la matou faamoemoe le atiae o afioaga malosi ma le gafataulimaina e aofia ai fale a le malo, fale mo tagata e maualalo tupe maua ma fale tumaoti.

Faamaumauga faafuainumera o fale - Aofaiga Fale Puleaina

E tumau ai le avea o Kāinga Ora ma pulega pito telē o umia fale e nofoia e tagata. E silia ma le 60,000 fale o umia pe pulea e le pulega.

O se tasi o matou matafaioi le faamautinoaina o le lava o ituaiga fale e fetaui lelei, ma le fetaui foi o nofoaga o tu ai, e ausia ai tulaga o moomia e tagata.

I le taimi nei ua tele naua fale i nofoaga tau mamao mai le taulaga ae tau leai ni fale i totonu o taulaga e pito sili ona moomia ai fale. Ua tele naua foi ma fale e taitolu potumoe ae tau leai tamai fale po o fale mo aiga toatele i nofoaga e sili ona moomia ai. O lo o faia suiga i talaaga faamauina a le pulega ina ia lelei auala e tali atu ai i manaoga o tagata ma faaleleia tulaga o fale.

Lipoti o iai nei - 19 Me 2023

Aofaiga Fale Puleaina - Mati 2023 - Aotelega aoao

Aofaiga Fale Puleaina - Mati 2023 - Pulega Faaitumalo

Aofaiga Fale Puleaina - Mati 2023 - Auckland Local Board

Faamaumauga faafuainumera o fale - Fale o avanoa e le o faaaogaina

E leai ma se eseesega o Kāinga Ora mai isi o umia fale, e iai vaitaimi e avanoa ai fale, e i ai mautotogi ua faamuta ae tau amata isi mautotogi. E puupuu lava le vaitaimi e mafai ai ona fai se asiasiga o se meatotino ina ia mautinoa e leai se mea na faaleagaina e le tagata nofo mautotogi ma faia loa galuega faaleleia a o lei siitia atu se tagata nofo mautotogi e nofo i le fale.

E masani ai le taofi o se fale ua umi na avanoa e le o faaaogaina a le Kāinga Ora a o faatalitali le faataunuu o se galuega toe tau atiae, mo fale ua faaleagaina i le methamphetamine, po o se galuega tele e toe lipea ma toe faafou ai.

O fale o avanoa e le o faaaogaina ma fale o faamoemoe e faatauina atu e aofia ai fale faatauina atu i lalo o le polokalame Tenant Home Ownership.

Lipoti o iai nei - 19 Me 2023

Fale avanoa e le o faaaogaina - Mati 2023 - Aotelega aoao

Fale avanoa e le o faaaogaina - Mati 2023 - Pulega Faaitumalo

Fale avanoa e le o faaaogaina - Mati 2023 - Auckland Local Board

Lipoti Ministry of Social Development

Na faasalalauina e le Ministry of Social Development se lipoti faalekuata o fale mo tagata e maualalo tupe maua(external link), ma e maua foi i le upegatafailagi a le matagaluega. Ia manatua e iai tulaga e eseese ai lipoti a le MSD ma le Kāinga Ora. O eseesega nei e mafua mai i le eseese o vaitaimi ma tulaga o faagaioia ai. E saunia e le MSD se otootoga e patino i se vaitaimi, ma e maua faamaumauga a le Kāinga Ora mai faamaumauga e fua i ai galuega faatino e iloa ai suiga o tulaga e patino i se tagata nofo mautotogi.

Faamaumauga tuai o lipoti

E mafai ona e faitau i lipoti tuai Housing Statistics o teu i le vaega faamaumauga tuai.

Uma na faafou le itulau: 17 April 2024