Ngā aratohu hoahoa

Mā te katoa e whai wāhi mai ana ki te te mahi hanganga, ki te mahi hanga rānei i ngā whare a Kāinga Ora ngā aratohu. E tukuna ana tētahi tauira whanaketanga ū me tētahi huinga o ngā aratohu hoahoa pūtake-whakatutukitanga.

E whakaahuaria ana tā mātou tukanga hoahoa me te hanga mai i te tīmatanga ki te whakamutunga, nā konei he aratohu waiwai tēnei mō tēnā, mō tēnā e mahi ana i tētahi o ā mātou kaihanga whare, e whakaaro ake ana kia mahi pēnei rānei.

Ngā Paerewa Hoahoa Whare: Ngā Whakaritenga Hoahoa

Ngā Paerewa Hoahoa Whare: E whakatakotoria ana e Ngā Whakaritenga Hoahoa ngā whakaritenga mō te hoahoa o ngā whare noho tūmatanui hou katoa ka tukuna e, ka tukuna mō, Kāinga Ora. Mā te whakauru i ēnei whakaritenga ki te hoahoa me te hanganga o ō mātou kāinga mātou e āhei ki te whakatutuki i ā mātou kawenga hei pokapū kāwanatanga, hei rangatira rawa wā-roa hoki, i te wā tonu e whakarite ana kia pai ai te noho a ā mātou kiritaki i roto i ō rātou kāinga.

E whakakapi ana tēnei tuhinga i te M-255 Housing Standard Design mō ngā kaupapa hou kua tīmata mai i te 1 o Hānuere i te tau 2023.

Ngā Paerewa Hoahoa Whare: Ngā Whakaritenga Hoahoa [PDF, 3.5 MB]

Tāone Ora: Ngā Aratohu Hoahoa Tāone

E whakatakoto ana ēnei aratohu hoahoa tāone i ā mātou kawatau mō te whakawhanaketanga o ngā whare noho katoa a Kāinga Ora - e aro atu ana ki te whare noho tūmatanui, he tāreka ā-utu, he mākete hoki puta noa i Aotearoa. Ka arotahi ēnei aratohu ki te whanaketanga o ngā wāhanga whenua me ngā hanganga. Ka whai whakaarohia te horopaki o te takiwā noho, ka aro ki ngā painga o te wāhi, me te aratohu e arotahi ana ki ngā hanganga e whakaahei ana i ngā putanga hoahoa tāone pai. Mā ēnei aratohu e tautoko tā mātou whakahaere, me ō mātou hoa whakarato, me te whāinga o te whakarite kia whakatutuki ā mātou mahi i te whāinga iho o te tuku i ngā hapori toitū, he taurikura hoki, e whakaahei ana i ngā putanga pai mō te pāpori, mō te hanga hoki.

E whakakapi ana tēnei tuhinga i ngā tohutohu hoahoa tāone o nāianei mō ngā kaupapa katoa kua tīmata mai i te 16 o Māehe i te tau 2023.

Tāone Ora: Ngā Aratohu Hoahoa Tāone [PDF, 18 MB]

Ngā Tikanga Ārahi Pae Arotake Hoahoa: Ngā Tikanga mō ngā Pae Arotake Hoahoa

Kei te whakatakotoria e ēnei tikanga ngā tukanga arotake hoahoa, ngā wā, me ngā whakaritenga tuhinga mō ngā Pae Arotake Hoahoa katoa a Kāinga Ora - e aro atu ana ki te whare noho tūmatanui, he tāreka ā-utu, he mākete hoki puta noa i Aotearoa. Ka tautoko tēnei tuhinga i tō mātou whakahaere, i ō mātou hoa whakarato hoki kia mārama te whakatere ake i te tukanga arotake hoahoa, he mea waiwai tērā hei whakarite kia whakatutuki ngā whanaketanga katoa i ā mātou kawatau hoahoa.

E whakakapi ana tēnei tuhinga i ngā tohutohu tukanga arotake hoahoa o nāianei mō ngā kaupapa katoa kua tīmata mai i te 16 o Māehe i te tau 2023.

Ngā Tikanga Ārahi Pae Arotake Hoahoa: Ngā Tikanga mō ngā Pae Arotake Hoahoa [PDF, 2.8 MB]

Toitū Te Whenua Toitū Te Kāinga: He Aratohu Hoahoa Mō Ngā Whare Tūmatanui

He wāhanga waiwai te horanuku o ngā whanaketanga a Kāinga Ora ahakoa te rahi, ā, ka pā tōtika atu ki te hauora me te oranga o ō tātou hapori. E hāngai ana tēnei aratohu ki ngā Whare Tūmatanui puta atu i ngā hōtaka whakarato katoa me te whāinga o te whakarite kia whakatutuki ā mātou mahi i te whāinga iho o te tuku i ngā hapori toitū, he taurikura hoki, e whakaahei ana i ngā putanga pai mō te pāpori.

E whakakapi ana tēnei tuhinga i te Aratohu Hoahoa Horanuku mō ngā Whare Noho Kāwanatanga o nāianei mō ngā kaupapa katoa kua tīmata mai i te 24 o Māehe i te tau 2023.

Toitū Te Kāinga: He Aratohu Hoahoa Mō Ngā Whare Tūmatanui [PDF, 18 MB]

Solar photovoltaic (PV) ready building guide

Ka tukuna e tēnei tuhinga ngā aratohu mō te hoahoa i ngā hanganga a Kāinga Ora ka whai wāhi mai ngā pūnaha PV kōmaru. E tukuna ana hei rauemi ki Ngā Whakamātautau Pūngao Hangarua a Kāinga Ora, ā, i tēnei wā kāore i te whai wāhi atu ki ngā whakaritenga whakatutuki a Kāinga Ora (M-134/ M-135).

Solar Photovoltaic Building Design Guidelines [PDF, 908 KB]

Ki Te Hau Kainga - New Perspectives on Maori Housing Solutions

Kua tawhito tēnei tuhinga ināianei, ā, e whai whakaarotia ana kia whakahoungia pea.

Pacific Housing Design Guide

Kua tawhito tēnei tuhinga ināianei, ā, e whai whakaarotia ana kia whakahoungia pea.  

Ngā taiepa - Ngā pepa hoahoa noa

Mēnā kei te taha tō papanoho o tō mātou papanoho, ā, he mahere āu mō te rārangi-taiepa, ka whai whakaarohia pea e mātou te āwhina ki te utu o tētahi taiepa hou, o tētahi whakapainga ki tētahi taiepa kei te tū kē, engari me whakamōhio ā-tuhi mai koe i mua atu.

Ngā taipitopito noa mō ngā taipitopito taiepa he mata waea, he rākau hoki [PDF, 163 KB]

Me whakatutuki te taiepa e marohitia ana i ā mātou whakatakotoranga taiepa mōkito.

Subdivision Plan Guide

Ka tukuna e te Subdivision Plan Guide te tohutohu ki ngā kairūri ā-waho me ngā hoa hanga/whanaketanga mō ngā mahere kaupapa wehenga whenua, mō ngā mahere Whakawhiti Whenua hoki hei whakaatu i ngā whakaritenga whakahaere rawa me te mahi a Kāinga Ora.

Tīkina ake te Subdivision Plan Guide [PDF, 2.1 MB]