/ Tō Mātou Hanganga

Tō Mātou Hanganga

Ko Kāinga Ora - Homes and Communities tētahi hinonga karauna i whakatūria i raro i te Kāinga Ora - Homes and Communities Act 2019. He pokapū Karauna ia i raro i te Crown Entities Act 2004.

Ō Mātou Minita

Ngā Minita Haepapa

Hōnore Tākuta Megan Woods – Minita o te Whare Noho
Hōnore Grant Robertson – Minita o te Pūtea

Ngā Minita Tuarua

Hōnore Willie Jackson – Minita Tuarua mō te Whare Nono (Te Whare Noho Māori)
Hōnore Barbara Edmonds - Minita Tuarua mō te Whare Noho

Tō Mātou Poari

Kei te Poari ngā kawenga toro-whānui, i roto nei ko te whakatakoto i te ahunga rautaki a te whakahaere, me ngā taumata mahi hei whakatutuki ā-tau (ngātahi ki te Minita), ko te whakahaere i te tūraru, ko te whakarite i te ūnga, ko te pupuri i ngā hononga tōtika ki te hunga whai pānga hira.

Ko ngā mema o tō mātou Poari ko:

	John Duncan (Heamana Tuarua) kei a ia te wheako whānui ki ngā mākete pūrawa ā-ao, ki te mahi pēke, ki te pūtea anō hoki. Ko ia tētahi Heamana Tuarua o te Public Trust, te Heamana o te Northern Rescue Helicopter Limited, he Kaitiaki o te Cornwall Park i Tāmaki Makaurau, me te mema i mua o Housing New Zealand Board me te Heamana o HLC.
	Robin Hapi (CNZM) kei a ia te wheako mana whakahaere nui puta noa i ngā whakahaere kore-monihua, i ngā hinonga ahumoni, tuatoru hoki. Kei a Robin ngā pūkenga mō te whakahaere, mō te whakahaere pūtea, mō te whakamahere rautaki, ā, e whakaū ana ia i te kōtuitui ā-motu whānui o ngā tāngata me ngā whakahaere, he Māori ētahi, ehara i te Māori ētahi. Ko ia te heamana o te 'Māori Economic Development Advisory Board' i mua, ā, ko ia te heamana o 'Te Wānanga o Raukawa'. Kātahi anō ka oti i a Robin tana wā hei mema o te Poari o Worksafe NZ.
	Ahorangi Kairangi Philippa Howden-Chapman (CNZM, QSO, RSNZ) kei a ia ngā wheako i te hauora tūmatanui, me te aronga ki te whare noho, ki te pūngao, ki te huringa āhuarangi, ki ngā tāone toitū hoki. Ko ia te kaitohu-ngātahi o He Kāinga Oranga/Housing and Health Research Programme, i whakawhiwhia ki te Paraihe Pūtaiao a te Pirimia, ki te RSNZ Rutherford Medal, ā, i tohua hei te WHO Collaborating Centre on Housing and Wellbeing. Ko ia te kaitohu mō te NZ Centre for Sustainable Cities, ā, i tū ia hei heamana o te WHO Housing and health guidelines me te International Science Council Committee on Urban Health and Wellbeing: a systems approach. I tūhono mai a Philippa ki te Poari o Housing NZ i te tau 2018.
	Major Campbell Roberts (CNZM) kua kawe ia i ngā tūranga kaiārahi matua i roto i The Salvation Army, i ngā Whakahaere Hapori o Aotearoa e whai wāhi mai ana ki te whare noho, ki te whakamauru pōharatanga anō hoki. He mema ia o te New Zealand Parole Board, o te Salvation Army Social Housing Board anō hoki. Kua mahi ia i te whare noho ki ngā Poari o CHRANZ, o KiwiBuy Coalition, o Community Housing Aotearoa, o New Zealand Housing Foundation, o Community Finance, o Habitat for Humanity anō hoki. Kua whai wāhi hoki ia ki te Ministerial Shareholders’ Housing Advisory Group, ki te Prime Ministerial Task Force on Housing Reform, ki tā Te Manatū Whakahiato Ora Housing Reference Group, ā, hei mātanga whare noho ki tā Mana Mokopuna Expert Advisory Group on Solutions to Child Poverty.
	John Bridgman (i whakatūria ki te Poari nō te 1 o Hānuere i te tau 2022) kei a ia te wheako nui mō te mātai pūhanga me ngā tūranga whakahaerenga kaupapa puta noa i Atareiria me Āhia. Kua kawe a John ki ētahi tūranga kaiārahi, ki ētahi tūranga mana whakahaere anō hoki, kei roto nei ki te kamupene hanga tūāhanga AECOM (hei Industry Director – Civil Infrastructure in Australia, ā hei Kaitohu Whakahaere mō te pakihi i Aotearoa), tae atu ki ētahi atu tūranga mana whakahaere mō ngā kaupapa tūāhanga nui i Aotearoa, i Ahitereiria, i Āhia, i Peretānia anō hoki. Ko John te Heamana o te City Rail Link Limited; me te Kaitohu a Waka Kotahi – NZ Transport Agency.
	Tā John Hansen (i whakatūria ki te Poari i te 15 o Ākuhata i te tau 2022) kei a ia te aramahi ture kairangi e 30 tau te roa, puta noa i Aotearoa, i Hongipua anō hoki. I muri i te tāoki i te pae ture i te tau 2008, i mahi ia i ētahi tūranga aro-hapori hira pērā i te tū hei heamana o te pae motuhake mō te Christchurch District Plan hou, i te ārahi i te Earthquake Appeal Commission a te Red Cross whai muri i te rū whenua i Ōtautahi i te tau 2010, i te tū ki te Bone Marrow Cancer Trust hoki. Mai rā anō a John i roto i te kirikiti, ā, he mema ia nō te Canterbury Cricket Trust.
	Nicole Anderson (i whakatūria ki te Poari nō te 1 o Hānuere i te tau 2023) ko ia tētahi mema kua whakamanahia o te Institute of Directors (CMInstD), he wheako ōna ki te mahi whakahaere ā-pūtea me te whakawhanaketanga pakihi. I tēnei wā ko Nicole te Kaitohu o Ngāpuhi Asset Holding Co, o Top Energy, te Heamana o Northland Inc Ltd; ā, i te 1 o Hune i te tau 2023 ko ia te Heamana o te International Accreditation Council of NZ (IANZ). E ngākau whiwhita ana a Nicole ki ngā whānau ora, ki te whakawhanaketanga ā-hapori hoki.