/ Ngā tauanga whare noho

Ngā tauanga whare noho

I ia hauwhā o te tau, ka whakaputaina e Kāinga Ora ngā huinga mōhiohio e rua mō ō mātou whare e whakahaeretia ana, mō ngā papanoho wātea hoki.

Kua rerekē te hiahia ki ō mātou kāinga mai i te hanganga o te nuinga o ngā whare noho pāpori i mua i te tau 1980. I tēnei rā, kei te hiahiatia kia nui ake ngā kāinga kotahi- me te rua-rūma moe me ngā kāinga rima-rūma moe i ō tātou tāone matua.

Hei whakatutuki i tēnei hiahia e whai ana mātou ki te hangahou, ki te hanga, ki te hoko, ki te rīhi hoki i ngā whare i ngā wāhi e hiahiatia ana e mātou. Hei āwhina ki te utu i tēnei mahi he pai te whakaaro kia hoko atu mātou i ētahi papanoho.

Ka hokona atu pea ngā papanoho mō ngā tini take, tae atu ki te tawhito rawa, te nui rawa o te utu hoki ki te tautiaki i te papanoho, kua kore tana whakatutuki i ngā hiahia o ngā kiritaki, kāore i te whakatutuki ā-pūtea, kāore i te tū i te wāhi tika rānei hei whakatutuki i te hiahia.

Ko tā mātou takohanga mō te anamata ko ngā kāinga kāwanatanga he wāhanga o ngā hapori hauora, he toitū hoki tae atu ki ngā papanoho kāwanatanga, ki ngā papanoho pāpori, ki ngā papanoho e puritia tūmataititia ana hoki.

Ngā tauanga whare noho - Ngā rawa whare e whakahaeretia ana

Ko Kāinga Ora te kairetiwhare nui rawa o te motu. Ka pupuri, ka whakahaere rānei mātou i te neke atu i te 60,000 papanoho.

Hei wāhanga o ā mātou mahi kei te mahi auau mātou hei whakarite kia rawaka ngā momo tika o ngā kāinga i a mātou, i ngā wāhi tika, hei whakatutuki i te hiahia.

I tēnei wā he nui rawa ō mātou kāinga i ngā wāhi porowini, ā, kāore i te rawaka ngā kāinga i ngā wāhi tāone kei reira te taumata nui ake o te hiahia ki te whare noho pāpori. He nui rawa hoki ō mātou kāinga toru-rūma moe, ā, kāore i te rawaka ngā whare iti iho, ngā kāinga rahi mō ngā whānau rahi ake rānei i ngā wāhi o te hiahia. Kia pai ake te whakatutuki i te hiahia me te whakapiki i te āhuatanga o ō mātou kāinga e mahi ana mātou ki te hanga anō i tō mātou kōpaki.

Ngā pūrongo o nāianei - 19 Mei 2023

Ngā rawa whare e whakahaeretia ana - Māehe 2023 - Whakarāpopoto ā-motu

Ngā rawa whare e whakahaeretia ana - Māehe 2023 - Mana Kaunihera

Ngā rawa whare e whakahaeretia ana - Māehe 2023 - Poari ā-Rohe o Tamaki Makaurau

Ngā tauanga whare noho - Ngā Papanoho Wātea

Pērā i ērā atu kairetiwhare katoa, i tētahi wā tonu e wātea ana ētahi o ngā papanoho a Kāinga Ora ina mutu tētahi retihanga, ā, ka tīmata tētahi atu. I roto i tēnei wā poto ka āta tirotirohia te papanoho hei tiaki kāore he tūkino a te kairēti, hei mahi hoki i ngā mahi tautiaki i mua i te hūnuku mai a tētahi kairēti hou.

Ko te nuinga o ngā papanoho wātea wā-roa a Kāinga Ora kei te noho wātea mō te hangahoutanga, he mea whakakino nā te pōau-pī, kei te whakamahia ngā whakatikahanga nui, ngā whakamohoa rānei.

I roto i te whare wātea mō te hokonga atu ko ērā e hokona atu ana i raro i te hōtaka Whai Whare a te Kairēti.

Ngā pūrongo o nāianei - 19 Mei 2023

Ngā papanoho wātea - Māehe 2023 - Whakarāpopoto ā-motu

Ngā papanoho wātea - Māehe 2023 - Mana Kaunihera

Ngā papanoho wātea - Māehe 2023 - Poari ā-Rohe o Tamaki Makaurau

Te pūrongo a Te Manatū Whakahiato Ora

Ka whakaputaina e Te Manatū Whakahiato Ora tētahi pūrongo whare noho pāpori(external link), ka kitea i tā rātou paetukutuku. Kia mōhio mai he rerekētanga i te pūrongo a MSD me Kāinga Ora. Nā ngā rerekētanga o te wā, o ngā tukanga hoki tēnei. Ka tukuna e te raraunga a MSD tētahi tirohanga i tētahi wā pū, ā, ka tīkina te raraunga a Kāinga Ora i tētahi pātengi raraunga e whakaatu ana i ngā panoni ki te tūnga kairēti.

Ngā pūrongo kua pūrangatia

Ka taea te pānui i ngā pūrongo tawhito ake ki tā mātou wāhanga pūranga mō ngā Raraunga Whare Noho.

Kua whakahoungia te whārangi: 17 Paengawhāwhā 2024