Laó
Ko e lao ‘okú ne tataki ‘a e founga ‘oku mau ngāue aí.
Kāinga Ora – Lao ki he Ngaahi ‘Apí mo e Komiunitī 2019 (Kāinga Ora — Homes and Communities Act 2019)
‘Okú ne fokotu‘u atu ‘a e taumu‘a kuo ‘oatu ki he Kāinga Ora (me‘a ‘oku mau ‘i heni ke fakahokó), hono ngaahi fatongiá, pea mo e ngaahi tefito‘i fakakaukau ke ne ngāue mei aí (founga ‘o ‘emau fakahoko atu ‘a e taumu‘á). ‘Okú ne fokotu‘u ‘a e Kāinga Ora ko ha Sino Ngāue ‘a e Pule‘angá.
Kāinga Ora – Lao ki he Ngaahi ‘Apí mo e Komiunitī 2019(external link)
Lao ki he Ngaahi Potungāue ‘a e Kalauní (Crown Entities Act) 2004
‘Oku fokotu‘u atu ‘e he Laó ni ‘a e founga ‘o hono pule‘i ‘o e ngaahi sino ngāue ‘a e Kalauní mo honau ngaahi va‘a ngāué, fokotu‘u atu ‘a e ngaahi fatongia ‘o e kau talēkitá mo ‘oatu ki he Kāinga Ora ‘a hono ngaahi mafai ko ha sino‘i tangata fakaenatula (natural person powers) ia.
Lao ki he Ngaahi Potungāue ‘a e Kalauní 2004(external link)
Lao ki he Langa Fakalakalaka ‘i he Feitu‘u ‘i Koló (Urban Development Act) 2020
‘Okú ne fakafaingamālie‘i ha founga ngāue maau mo mā‘opo‘opo ki he ngaahi langa fakalakalaka lalahi ‘i he feitu‘u ‘i koló pea ‘oatu ai ‘a e mafai fakalahi ke lava ai ‘o fakahoko ‘a e langa fakalakalaka fakalūkufua ‘i he feitu‘u ‘i koló.
Lao ki he Langa Fakalakalaka ‘i he Feitu‘u ‘i Koló 2020(external link)
Potungāue ki he Nofo‘angá mo e Langa Fakalakalaka ‘i he Feitu‘u ‘i Koló(external link)
Ngaahi polōseki langa fakalakalaka tu‘upau
Ngaahi lao kehe ‘oku kaunga ki aí
Lao ki he Tauhi Malu ‘o e Fakamatalá (Privacy Act) 2020
‘Okú ne fokotu‘u atu ‘a e ngaahi tefito‘i fakakaukau ki hono tānaki, faka‘aonga‘i, mo hono fakahā atu ‘o ha fakamatala fakafo‘ituitui. ‘Oku toe malava foki ai ke vakai ‘a e kakaí fakatāutaha ki honau fakamatala fakafo‘ituituí.
Lao ki he Tauhi Malu ‘o e Fakamatalá 2020(external link)
Ko e fanongonongo ‘a e Kāinga Ora – Homes and Communities ki he tauhi malu ‘o e fakamatalá
Lao ki he Fale Nofo‘angá (Housing Act) 1955
‘Okú ne fakafaingamālie‘i ‘a e Kāinga Ora ke ne fakatau, pule‘i, mo tuku atu ‘a e kelekelé ‘o fakafofonga‘i ‘a e Kalauní, ‘i he taimi ‘oku fakataumu‘a ai ‘a e kelekelé ki ha ngaahi ‘uhinga ko hono langa ‘o ha ngaahi fale nofo‘anga ‘a e pule‘angá.
Lao ki he Fale Nofo‘angá 1955(external link)
Lao ki he Aleapau Nofo Totongí (Residential Tenancies Act) 1986
‘Oku fokotu‘u atu ai ‘a e ngaahi totonu mo e ngaahi fatongia ‘o e kau lenilootí mo e kau nofo totongí ‘i he‘ene fekau‘aki mo e ngaahi ‘api nofo totongí.
Lao ki he Aleapau Nofo Totongí 1986(external link)
Lao ki he Pule‘i ‘o e Ngaahi Fale ‘a e Pule‘angá ma‘á e Kakaí mo e Komiunitií (Public and Community Housing Management Act) 1992
(Kau ki ai mo ha ngaahi me‘a kehe) ‘okú ne fokotu‘u atu ko hai ‘okú ne tokanga‘i ‘a hono sivisivi‘i ‘o e kau nofo ‘oku ‘atā ki aí mo hono fika‘i ‘o e tu‘unga totongi nofo ‘oku felāve‘i mo e lahi ‘o e pa‘anga hū maí (MSD) pea mo e founga ‘o hono fika‘i ‘o e ngaahi totongi nofo ko iá.
Lao ki he Pule‘i ‘o e Ngaahi Fale ‘a e Pule‘angá ma‘á e Kakaí mo e Komiunitií 1992 (external link)
Lao ki he Ngaahi Fakamatala Fakapule‘angá (Official Information Act) 1982
‘Okú ne fakafaingamālie‘i ‘a hono ma‘u atu ‘o e fakamatala ‘oku tauhi ‘e he ngaahi kautaha fakapule‘angá, ‘o fakatefito ‘i he tefito‘i fakakaukau ko e ngaahi fakamatala kotoa pē ‘oku totonu ke faka‘atā atu ia tukukehe kapau ‘oku kaunga atu ki ai ha taha ‘o e ngaahi ‘uhinga (fakangatangata pē) ‘oku hā atu ‘i he Laó.
Lao ki he Ngaahi Fakamatala Fakapule‘angá 1982(external link)
Lao ki he Ngaahi Totonú ‘i Nu‘u Silá (New Zealand Bill of Rights Act) 1990
‘Okú ne fokotu‘u atu ‘a e ngaahi totonu mo e ngaahi tau‘atāina ‘a e kakai fakafo‘ituitui kotoa pē ‘i he‘ene kaunga ki he ngaahi ngāue ‘oku fakahoko ‘e he Pule‘angá pe ‘e he ngaahi sino‘i ngāue ‘a e pule‘angá (hangē ko ‘ení, ko e totonu ke tau‘atāina meí he ngaahi filifilimānako ta‘efakalaó).
Lao ki he Ngaahi Totonú ‘i Nu‘u Silá 1990(external link)
Ko e lao ‘oku tu‘utu‘uni fakae-fakamaau‘angá (lao ‘fa‘u ‘e he fakamaaú‘ pe common law)
‘Okú ne kouna atu ha fiema‘u fakalūkufua ki he ngaahi sino‘i ngāue fakapule‘angá ke nau ngāue ‘i ha founga potupotu-tatau, fakapotopoto mo fakalao.
Lao Si‘i ki he Pule‘i Fakaengāué (Regulatory Law)
‘Oku ‘i ai ha ngaahi Lao kehekehe ange mo e ngaahi lao fakaengāue ‘oku kaunga atu ki he ngaahi ngāue faka‘aho ‘a e Kāinga Ora. Ko ha ngaahi fakatātā ki heni ko e:
- Lao ki he Mo‘ui Leleí mo e Malu mo Haó ‘i he Ngāue‘angá (Health and Safety at Work Act) (HSWA) 2015
- Lao ki he Langá (Building Act) 2004
- Ngaahi Lao Fakaengāue ki he Fakalelei ki he Fale Nofo‘angá (Housing Improvement Regulations) 1947
- Lao ‘a Nu‘u Sila ki he Tāmate Afí mo e Ngaahi Fakatamaki Fakatu‘upakeé (Fire and Emergency New Zealand Act) 2017 mo e ngaahi lao fakaengāue ‘oku nau fekau‘akí
Kuo fakafo‘ou ‘a e peesí: 13 Nōvema 2023