Ko e ngāue mo kimautolú
‘Oku mau ngāue mo e ngaahi kulupu lahi ‘i he komiunitií – meia kinautolu ‘oku mau ngāue mo ia ‘i he ngaahi langa fale nofo‘anga fo‘oú ‘o a‘u atu ki he ngaahi kulupu fakakomiunitī ‘oku mau ngāue mo ia ma‘á e lelei ‘a e kau nofo totongí.
Nga‘unu Ki Mu‘a ‘a e Langá - ko ‘emau palani langa ki he ngaahi ‘api ki he kaha‘ú
Kuo taimi ke fakahoko ha liliu. Ko hono fakanofonofo ‘o ha kakai Nu‘u Sila tokolahi ange ki ha ngaahi fale nofo‘angá ‘oku ‘uhinga ia kuo pau ke mau fakakaukau ‘i ha founga kehe ange ke tuku atu ha ngaahi ‘api ‘a e pule‘angá ‘oku lelei, ‘i ha tu‘unga ‘oku toe vave ange, pea mo toe lelei ange ‘a honau olá ki he ‘emau kau kasitomaá, ngaahi komiunitī ‘oku mau ngāue aí, pea mo e tafa‘aki fakaengāue lahi ange ki he langá foki.
Fakatau maí - fakatau mai ‘o e ngaahi koloa mo e ngaahi sēvesi kiate kimautolú
‘Oku kumi ma‘u pē ‘e he Kāinga Ora – Homes and Communities ha kau hū koloa mo fakahoko ngāue ‘oku nau filio‘i fo‘ou, falala‘anga mo ma‘ama‘a.
Pa‘anga Tokoni ki hono Fakavave‘i ‘o e Langa Fale Nofo‘angá (Housing Acceleration Fund)
‘Oku taumu‘a ‘a e Pa‘anga Tokoni ki hono Fakavave‘i ‘o e Langa Fale Nofo‘angá (Housing Acceleration Fund) ke hiki‘i hake ‘a e tu‘unga vave mo e lahi ‘o e ngaahi fale nofo‘anga ‘oku ma‘ú, pea mo fakalelei‘i ‘a e tu‘unga ma‘ama‘a ‘o e ngaahi ‘apí ke lava ‘o fakataú, ma‘á e ngaahi ‘api ‘oku tu‘unga mā‘ulalo pe lotoloto ‘a ‘enau ma‘u‘anga pa‘angá.
Consentium – Ma‘u Mafai ki hono Fakangofua ‘o ha Langa
Ke fakapapau‘i ‘e kei lava ‘a e Kāinga Ora ‘o hokohoko atu ‘a ‘ene fakalahi hake ‘a hono tuku atu ‘o ha ngaahi ‘api ‘a e pule‘angá ‘oku māfana mo mātu‘ú, kuo mau fokotu‘u ai ha‘amau Ma‘u Mafai ki hono Fakangofua ‘o ha Langa ‘a kimautolu pē.
Ngaahi Nofo‘anga ‘oku Tokoniá
‘Oku fakatahataha‘i ‘i he Ngaahi Nofo‘anga ‘oku Tokoniá ‘a e ngaahi fale nofo‘anga ‘oku fakapa‘anga ‘e he pule‘angá mo e ngaahi sēvesi tokoni ‘oku mātu‘aki fu‘u fiema‘u ki he tu‘unga lelei ‘a e mo‘ui ‘a e kakai mo e kāinga ‘oku nau nofo ‘i he ‘apí.
‘Oku fakamafai‘i ‘e he Lao ki he Langa Fakalakalaka ‘i he Feitu‘u ‘i Koló (Urban Development Act) 2020 ‘a e Kāinga Ora ke ne kamata‘i, fokotu‘utu‘u, pea fakahoko ‘a e langa fakalakalaka ‘i he feitu‘u ki koló ‘a ia ‘e tānaki atu ki ha ngaahi komiunitī tu‘uloa, kau kātoa ki ai, mo longomo‘ui.
Ko e Kāinga Ora – Homes and Communities ko ha sino ngāue ia ‘a e Kalauní. ‘Okú ne fakaafe‘i atu ha ngaahi Fakahā ‘o ha Fie Kau Mai (Expressions of Interest) meí ha ngaahi kautaha langa fale ‘oku nau ‘atā ke kau ki ai ke fokotu‘u kinautolu ki ha ngaahi polōseki.
Meí he taimi ki he taimi, ‘e lisi atu ai ‘e he Kāinga Ora ha ngaahi fale nofo‘anga ‘oku ma‘u fakataautaha ‘i he ngaahi feitu‘u ‘oku mā‘olunga ai ‘a e fiema‘u fale nofo totongi ma‘ama‘á.
Na‘e kamata‘i ‘e he Pule‘angá ‘a e Pa‘anga Tokoni ki he Filio‘i Fo‘ou ki he Nofo‘angá (Housing Innovation Fund pe HIF) ‘i he 2003 ke poupou ki hono fakatupulaki hake ‘o e ngaahi fale ‘a e ngaahi kautaha fakakomiunitií ma‘á e kakai ‘oku tu‘unga mā‘ulalo ‘a ‘enau pa‘anga hū maí ‘i Nu‘u Silá.