Fakamolemole‘i ‘o e Ngaahi Nō mo e Pa‘anga Tokoni ‘oku Toloi ‘a e Fuofua Totongi Fakafokí, ki he Pa‘anga Tokoni ki he Filio‘i Fo‘ou ki he Nofo‘angá
Na‘e kamata‘i ‘e he Pule‘angá ‘a e Pa‘anga Tokoni ki he Filio‘i Fo‘ou ki he Nofo‘angá (Housing Innovation Fund pe HIF) ‘i he 2003 ke poupou ki hono fakatupulaki hake ‘o e ngaahi fale ‘a e ngaahi kautaha fakakomiunitií ma‘á e kakai ‘oku tu‘unga mā‘ulalo ‘a ‘enau pa‘anga hū maí ‘i Nu‘u Silá.
Fakafou ‘i he HIF, na‘e malava ai ‘e he ngaahi kautaha fale fakakomiunitií ma‘á e kakai ‘oku tu‘unga mā‘ulalo ‘a ‘enau pa‘anga hū maí ‘o ma‘u atu ha ngaahi nō na‘e toloi ‘a e taimi ki hono fuofua totongí pe tokoni fakapa‘anga na‘e ‘i ai honau ngaahi makatu‘unga, ki he taumu‘a ko hono langa ‘o ha ngaahi fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá.
‘I he 2010, ko ha konga ia ‘o e polokalama liliu fakalūkufua ki he ngaahi fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá, na‘e fakahiki atu ai ‘e he Pule‘angá ‘a e fatongia ki hono fakapa‘anga ‘o e ngaahi fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá ki he Social Housing Unit pea ta‘ofi leva ‘a ‘ene tuku atu ha ngaahi nō HIF.
Ko e hā ‘a e ngaahi liliu ‘oku fekau‘aki mo hono fakamolemole‘i ‘o ha ngaahi nō na‘e toloi ‘a e taimi ki hono fuofua totongí pe tokoni fakapa‘anga na‘e ‘i ai honau ngaahi makatu‘unga?
Neongo ‘oku ‘ikai ke toe tuku atu ha ngaahi nō fo‘ou ‘o fou ‘i he Housing Innovation Fund (HIF), kuo kamata‘i ‘e he Pule‘angá ha ngaahi liliu ‘e lava ai ‘e kinautolu ‘oku nau lolotonga ma‘u ‘a e fakapa‘anga HIF ‘o ma‘u ‘a e faingamālie ke fakamolemole‘i ai ‘a ‘enau ngaahi nō na‘e toloi ‘a e taimi ki hono fuofua totongí pe tokoni fakapa‘anga na‘e ‘i ai honau ngaahi makatu‘ungá, ki he ngaahi taumu‘a ko hono langa ‘o ha ngaahi fale nofo‘anga fo‘ou ki he fa‘ahinga ‘oku mā‘ulalo ‘enau tu‘unga fakapa‘angá.
‘Oku malava meí he ngaahi liliú ni ke holoki hifo ai ‘e he Kāinga Ora ‘a e lahi ‘o e pa‘anga malu‘í (priority) ki he ngaahi nō na‘e toloi ‘a e taimi ki hono fuofua totongí mo e tokoni fakapa‘anga na‘e ‘i ai honau ngaahi makatu‘ungá na‘e tuku atu ‘i he Housing Innovation Fund.
‘Oku taumu‘a ‘a e ngaahi liliú ke to‘o ‘a e ni‘ihi ‘o e ngaahi ‘ā vahevahe/fakafe‘ātungia fakapa‘anga ‘oku fehangahangai mo e ngaahi kautaha ‘oku nau tuku atu ‘a e fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá, ‘aki ‘a hono faka‘ata‘atā ‘o e pa‘anga ngāue (capital) ‘oku ma‘u ke fakapa‘anga‘aki ‘a e ngaahi polōseki fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘anga fo‘oú.
‘Oku kamata fakakū ‘a e ngaahi liliu?
‘E lava ‘a e ngaahi kautahá ‘o kamata‘i ‘a e founga ngāue ki hono fakafonu ‘o e foomu tohi kolé ‘i he taimí ni. Ko ha fa‘ahinga liliu ki he ngaahi makatu‘unga ‘o e ngaahi nō na‘e toloi ‘a e taimi ki hono fuofua totongí pe tokoni fakapa‘anga na‘e ‘i ai honau ngaahi makatu‘ungá ‘e kamata lau ia meí he ‘aho ‘o e totongi faka‘osi ki ha polōseki ‘e kaunga atu ki ai ‘a e pa‘anga ngāue ‘e faka‘ata‘ataá.
Ko e hā ‘a e ngaahi makatu‘unga ki he ‘atā ki aí pea ‘oku founga fēfē ha tohi kole ki ai ‘a e ngaahi kautaha?
Ke ‘atā atu ki aí, ‘oku fiema‘u ‘a e ngaahi kautahá ke nau ‘osi ma‘u atu ‘a e tokoni fakapa‘anga ‘o fakafou ‘i he Housing Innovation Fund.
Ko hai ‘okú ne tokanga‘i ‘a e faitu‘utu‘uni pe ko hai ‘oku ‘atā atu ki ai?
Ko e Kāinga Ora ‘oku ‘o‘ona ‘a e fatongia ki hono fakahoko atu ‘o e ngaahi liliú, ngāue ki he ngaahi tohi kolé pea mo hono sivi‘i ‘o e tu‘unga ‘atā ki aí. ‘E vakai‘i tahataha ‘e he Kāinga Ora ‘a e ngaahi tohi kolé pea, koe‘uhí ko ia te ne fua ‘a e fatongia ki aí, ‘okú ne aofangatuku ‘a e liliu ki he ngaahi fokotu‘utu‘u ‘i he HIF.
Fakatokanga‘i ko e tu‘utu‘uni ko ia ke liliu ha fa‘ahinga fokotu‘utu‘ú ‘oku ‘i he mafai ia ‘o e Kāinga Ora.
Ko e hā ‘a e lahi ‘o e pa‘anga malu‘i (priority amount)?
Ko e lahi ‘o e pa‘anga malu‘í (‘oku toe ui ia ko ha “priority amount”) ko e liunga 1.2 ia ‘o e mahu‘inga ‘o e nō na‘e toloi ‘a e taimi ki hono fuofua totongí (suspensory loan). ‘E lava ke holoki hifo ‘eni ki he liunga 1.2 ‘o e lahi ‘o e toenga noó.
‘E lava ke fakamolemole‘i ha ngaahi nō taimi tu‘upau (term loans)?
‘Ikai. ‘Oku ‘ikai kau ‘a e ngaahi nō taimi tu‘upaú ia ‘i he ngaahi liliú.
‘Oku ‘i ai ha ngaahi me‘a fakatukuhau ‘e ala hoko kapau ‘e ola lelei ‘a ‘eku tohi kole?
Kapau ‘e tali ‘a ho‘o kolé, ‘e ala hoko mei ai ha mo‘ua ‘a ho‘omou kautahá ki ha totongi GST ki he langa falé ‘o hoko vave ange ia ‘i he taimi na‘a mou ‘uluaki ‘amanaki atu ki aí.
Ki ha fakamatala lahi ange, ‘īmeili ki he legacymanager@kaingaora.govt.nz pe vakai‘i ‘a e ngaahi makatu‘unga ki he ‘atā ki aí mo e foomu tohi kolé ‘i lalo.
Lisi ke fakakakato ki he ‘atā ki aí pea mo e foomu tohi kolé
Kapau ko ha kautaha kimoutolu na‘a mou ‘osi ma‘u atu ha tokoni fakapa‘anga ‘o fakafou ‘i he Housing Innovation Fund, te mou ala ‘atā atu ke fakamolemole‘i ‘e he Kāinga Ora ‘a ho‘omou nō lolotonga ‘oku toloi ‘a e fuofua totongi fakafokí pe ko e pa‘anga tokoni ‘oku ‘i ai ‘a hono makatu‘ungá.
Ke ‘atā atu ki aí, kuo pau ke mou fakakakato kotoa ‘a e ngaahi makatu‘unga ‘oku fokotu‘u atu ‘i laló pea kuo pau ke kaunga atu ‘a ho‘omou tohi kolé ki ha polōseki langa fale nofo‘anga fo‘ou. Fuofua lau ke mahino ‘aupito ‘a e ngaahi makatu‘unga ki he ‘atā atu ki aí mo e fakamo‘oni ‘oku fiema‘ú ‘a ia ‘oku hā atu ‘i laló kimu‘a ‘i hono fakafonu ‘a e foomu tohi kolé.
Ke ‘atā atu ki aí, kuo pau ke ke: |
Fakamatalá mo e fakahinohinó |
Hoko ko ha kautaha ‘ikai-fakataumu‘a-ki-ha tupu (not-for-profit organisation) |
Ko ha kautaha ‘ikai-fakataumu‘a-ki-ha-tupu ‘okú ne ngāue‘aki ha fa‘ahinga tupu ‘okú ne ma‘u ki ha ngaahi taumu‘a ngāue ‘ofa. ‘Oku kei hokohoko atu pē ‘a hono fakakau ‘i he tohi fakamo‘oni ki he totonu ki ha koloá ‘a e kupu ko e kautaha ko iá ‘oku ‘ikai fakataumu‘a-ki-ha-tupu pe ko ha ‘inasi. |
Tu‘unga fakapa‘anga lelei ke lava ‘o fakahoko ‘a e ngāué |
Ko e ‘i ha tu‘unga fakapa‘anga ke ne lava ‘o fakahoko ‘a e ngāué ‘oku fua ia ‘o fakafou ‘i he tupu hili ‘a e ngaahi to‘ó (net profit) pea mo e ‘inasi fakapa‘anga ‘o e kautahá. ‘Oku totonu ke ‘omai ‘a e ‘akauni ‘a ho‘o kautahá na‘e ‘ātita‘i fakamuimui tahá. |
‘Oku ‘i ai ha ngaahi fa‘unga pule mo e fa‘unga fakalele mo fakahoko ngāue mālohi kuo ‘osi fokotu‘u |
Kuo pau ke ‘osi fokotu‘u ha ngaahi fa‘unga pule mo e fakalele ngāue, ngaahi fa‘unga mo e founga fakahoko ngāue. ‘Oku kau ki heni ha:
|
‘I ai ha lēkooti ‘o ha ngaahi lavame‘a ‘i he kuohilí ‘i he langa fale ma‘á e kakai ‘oku tu‘unga mā‘ulalo ‘a ‘enau pa‘anga hū maí pea mo e ngaahi fale nofo‘anga ma‘ama‘á |
Kuo pau ke ‘osi fakaai ‘e ho‘o kautahá ha ngaahi fale nofo‘anga ‘o ‘ikai toe si‘i hifo ‘i he ta‘u ‘e uá pe ‘oku ‘i ai ha palani fakapisinisi (pe pepa tatau mo ia) ‘oku fokotu‘u ai ‘a e langa fale nofo‘angá ko e tefito‘i ngāue ia ‘a e kautahá. |
‘I ai ha ngaahi palani ke fakatupulaki hake |
Kuo pau ke ‘i ai ha polōseki langa fale mahino ‘a ho‘o kautahá ‘oku tokanga taha ki hono fakatupulaki hake ‘o ho‘omou ngaahi fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá, pea ‘oku fiema‘u ke fakakau ‘eni ‘i ho‘o tohi kolé. Ko e fakatupulaki hake ‘oku mou palani atu ki aí mo ho‘omou tu‘unga fakapa‘angá ‘oku totonu ke hā mei ai pe ‘oku lava ‘e ho‘omou kautahá ‘o fakapa‘anga ‘a e fakatupulaki hake ko iá. Ko e ngaahi palani fakapisinisi ki he fakatupulaki haké ‘oku totonu ke lava mo‘oni ‘o fakahoko ‘i he puipuitu‘a ‘o e ngaahi ‘akauni kuo ‘osi ‘ātita‘í. |
Malava ‘o fakaai ‘a e ngaahi falé ‘o fe‘unga pe ma‘ama‘a ange ‘o fakahoa ki he mahu‘inga ‘o e pa‘anga kuo fakamolé |
Ko ha pa‘anga ngāue kuo fakahaofi ‘oku totonu ke tokoni ia ki hono fakatupulaki hake ‘o e ngaahi fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá. |
Hokohoko atu ‘o hono tokonaki ‘o e ngaahi fale nofo‘anga ki he fa‘ahinga ‘oku mā‘ulalo ‘a ‘enau tu‘unga fakapa‘angá mo e ngaahi nofo‘anga ma‘ama‘á |
Kuo pau ke fakahā ‘e he tohi fakamo‘oni ki he totonu ki ha koloá ‘a e kautahá pe ko ha toe pepa kehe ange, ‘e hokohoko atu ‘a hono fakaai ‘e ho‘omou kautahá ‘a e ngaahi fale nofo‘anga ki he fa‘ahinga ‘oku mā‘ulalo ‘a ‘enau tu‘unga fakapa‘angá mo e ngaahi nofo‘anga ma‘ama‘á. |
Fakaai atu ‘e ho‘omou kautahá ha ngaahi fale nofo‘anga ko e konga ia ‘o ho‘omou ngāue tefitó |
Kuo pau ke mahino ‘oku ngāue ‘a ho‘omou kautahá ‘i he tafa‘aki ki hono fakaai fakahangatonu ‘o ha ngaahi fale nofo‘angá, ‘o ‘ikai ko ha konga fakatafa‘aki pē ia ‘o e ngaahi sēvesi kehe ‘oku mou fakahokó. ‘E lava ke fakamo‘oni ki heni ha hisitōlia ‘o ho‘omou lavame‘a ‘i he kuohilí ‘i hono fakaai atu ‘o ha ngaahi fale nofo‘anga ‘i he komiunitií pe ko hano fakahā mahino ‘eni ‘i ho‘omou tohi fakamo‘oni ki he totonu ki ha koloá pe ngaahi pepa kehe ki hono fokotu‘u ‘o e kautahá. |
Founga ki he tohi kolé
‘E fiema‘u ke mou fakafonu ha tatau ‘o e foomu tohi kolé [PDF, 57 KB] pea ‘omai ‘a e ngaahi fakamo‘oni ‘i laló ke poupou ki ai:
- ha tatau ‘o e tohi fakamo‘oni ki he totonu ki ha koloa ‘a e kautahá pe ko ha pepa tatau ki hono fokotu‘u ‘o e kautahá ‘oku hā ai ‘a e kei hoko ‘a ho‘omou kautahá ko ha kautaha ngāue ‘ofa ‘oku ‘ikai fakataumu‘a-ki-ha-tupu
- ha tatau ‘o ho‘omou ngaahi ‘akauni fakamuimui taha kuo ‘osi ‘ātita‘í
- ngaahi fakaikiiki ki ho‘omou polōseki ‘oku fokotu‘u mai ke fakahokó
- ha tatau ‘o ha mahu‘inga kuo tali ‘e ha kautaha nō/fakapa‘anga.
‘Īmeili atu ‘a e foomú fakataha mo ho‘omou ngaahi fakamatala fakamo‘oní ki he legacymanager@kaingaora.govt.nz. Kuo pau ke mou fakahū mai ‘a ho‘omou fakamatalá ‘i he founga faka‘ilekitulōniká.
Kapau ‘e tali ‘a ho‘omou kolé, ‘e ala ‘uhinga ‘eni ‘e ala mo‘ua ‘a ho‘omou kautahá ke totongi GST ki he langa falé ‘o hoko vave ange ia ‘i he taimi na‘a mou ‘uluaki ‘amanaki atu ki aí.
Ko e tu‘utu‘uni ko ia ke liliu ha fa‘ahinga fokotu‘utu‘ú ‘oku ‘i he mafai ia ‘o e Kāinga Ora.
Kuo fakafo‘ou ‘a e peesí: 21 Tīsema 2023