Toho ‘a e pa‘anga KiwiSaver ki he fuofua fakatau ‘apí
Kapau kuó ke hoko ko ha mēmipa ‘o e KiwiSaver ‘i ha ta‘u ‘e 3 pe lahi ange, te ke ala lava ‘o toho mei ho‘o tātānakí ke tokoni ki hono fakatau ho fuofua ‘apí.
‘E lava ke toho ‘e he fa‘ahinga ‘oku nau ‘atā atu ki aí ‘enau pa‘anga tātānaki KiwiSaver (kau ai ‘a e fakasi‘isi‘i ‘o ho‘o totongi tukuhaú). Ka neongo iá ‘e fiema‘u ke tauhi ha $1,000 pe lahi ange ai ‘i he ‘enau ‘akauni KiwiSaver.
‘Oku fiema‘u ko ho‘o taumu‘á ia ke nofo ‘i he ‘apí. ‘E ‘ikai ke lava ke ngāue‘aki ia ke fakatau ha ‘api ‘oku fakataumu‘a ko ha ‘inivesi.
Kapau ko ha mēmipa koe ‘o ha pa‘anga vāhenga mālōlō ‘oku fenāpasi mo e tu‘utu‘uní, te ke ala lava ‘o toho ‘a ho‘o ngaahi tātānakí ke tokoni ‘i hono fakatau ho fuofua ‘apí. ‘Oku ‘ikai ke fakangofua ‘e he ngaahi pa‘anga vāhenga mālōlō kotoa pē ‘oku fenāpasi mo e tu‘utu‘uní hono toho ‘o e ngaahi tātānakí ki he taumu‘a ko ení, ‘a ia ‘e fiema‘u ke ke talanoa fekau‘aki mo e me‘á ni mo e kau talāsiti ‘o ho‘o pa‘anga vāhenga mālōlō ‘oku fenāpasi mo e tu‘utu‘uní.
Ko e hā ‘e fiema‘u ke u fai ke tohi kole ai ki he toho ki ha fuofua fakatau ‘api?
Tokotaha toki fuofua fakatau ‘api
Kapau ko ha tokotaha toki fuofua fakatau ‘api koe, kātaki ‘o fetu‘utaki ki ho‘o kautaha fakahoko ngāue ki he KiwiSaver pe pa‘anga vāhenga mālōlō ‘oku fenāpasi mo e tu‘utu‘uní ke tohi kole ki ai. ‘Oku ‘ikai fiema‘u ia ke ke tohi kole ki heni ‘o fakafou ‘i he Kāinga Ora - Homes and Communities.
Tokotaha na‘e ‘osi ma‘u ‘api kimu‘a
Kapau ko ha tokotaha koe na‘e ‘osi ma‘u ‘api kimu‘a, te ke kei fiema‘u pē ke tohi kole ‘o fakafou ‘i ho‘o kautaha fakahoko ngāue ki he polokalamá, ka neongo iá ‘e ‘uluaki fiema‘u ke fakapapau‘i ‘e he Kāinga Ora pe ko ha tokotaha koe ‘oku ‘atā atu ki ai. Kapau ‘e lau ‘okú ke ‘i ha tu‘unga fakapa‘anga tatau mo ha tokotaha toki fuofua fakatau ‘api, ‘e fiema‘u ke ‘ave ‘a e tohi na‘e fa‘u ‘e he Kāinga Ora ki ho‘o kautaha KiwiSaver, ke tokoni ki ho‘o tohi kole ke toho ho ngaahi ‘inasi KiwiSaver.
Kapau ‘okú ke tohi kole ki hano fakapapau‘i ‘a e toho ki he fuofua fakatau ‘apí mei he KiwiSaver ‘i he tu‘unga ko ha tokotaha na‘e ‘osi ma‘u ‘api kimu‘a, ‘okú ke ma‘u nai ‘a e ngaahi me‘á ni:
- Kuo te‘eki ai ke ke toho kimuí ni mai ho‘o pa‘anga KiwiSaver ke fakatau ha ‘api
- Kuo ke hoko ko ha mēmipa ‘o e KiwiSaver ‘i ha ta‘u ‘e tolu pe lahi ai
- Na‘á ke ma‘u ‘api kimuí ni mai, ka kuo ‘ikai ke ke toe ma‘u ha mafai/‘inasi ki ha ‘api (‘oku ‘ikai ke kau ki heni ‘a e ma‘u ‘o ha kelekele ‘o e kakai Maulí)
- ‘Oku ‘ikai ke ke ma‘u ha ngaahi koloa ‘oku lava ‘o fakatau atu ‘oku ‘i ha mahu‘inga fakakātoa ‘oku laka hake ‘i he 20% ‘o e fakangatangata ‘o e mahu‘inga ke totongi ki ha fale ki ha ‘api ‘osi tu‘u/motu‘a ange ‘i he feitu‘u ‘okú ke fakatau mei aí. ‘Oku fakakaukaua ‘e he Kāinga Ora ‘a e ngaahi koloa ‘oku lava ‘o fakatau atu ko ení:
- Pa‘anga ‘i he ngaahi ‘akauni pangikeé (kau ai ‘a e ngaahi pa‘anga ‘oku fakahū taimi tu‘upaú mo e teemi tipōsití)
- Ngaahi ‘inasi fakapa‘anga ‘i he māketí (shares), ngaahi ‘inasi fakapa‘anga ‘i ha kautaha, mo e ngaahi pōnite
- Ngaahi ‘inivesi ‘i ha ngaahi pangikē pe ngaahi kautaha fakapa‘anga
- Ngaahi ‘inasi ‘i ha sōsaieti lī pa‘anga langa
- Ko ha fa‘ahinga pa‘anga ‘oku totongi ki he, pe tauhi ‘e he, fakafofonga fakatau ‘apí pe fakafofonga laó ko ha tipōsiti ki ha ‘api
- Ha vaka pe kalavana (kapau ‘o laka hake ‘a hono mahu‘ingá ‘i he $5,000)
- Ngaahi me‘alele kehe (hangē ko e ngaahi motopaiki pe kā mei he ngaahi kuonga kimu‘á - ‘oku ‘ikai ko ho‘o founga fefononga‘aki angamahení)
- Ngaahi koloa fakafo‘ituitui kehe ‘oku laka hake honau mahu‘ingá ‘i he $5,000
Fakangatangata ki he ngaahi koloa ‘oku lava ‘o fakatau atú
‘Oku tonu ‘a e ngaahi tu‘unga Fakangatangata ‘o e Mahu‘inga ke totongi ki ha fale fakatatau ki he ‘aho 15 ‘o Mē 2023 pea ‘oku lava pē ke liliu ia.
Fakatokanga‘i: ‘Oku fakamahino‘i ‘a e ngaahi vāhengá ‘aki ‘a e ngaahi feitu‘u ngata‘anga ‘o e kōsilio fakakoló mo e fakavahé. Sio ki he mape Stats NZ ki he Territorial Authority boundaries (Ngaahi fakangatangata ki he Ngaahi Ma‘u Mafai Fakafeitu‘ú)(external link). Fakapapau‘i ko e konga ‘oku filí ko ha Territorial Authority (Ma‘u Mafai Fakafeitu‘u).
| Vāhenga | Fakangatangata ‘o e mahu‘inga ke totongi ki ha fale ki he Fakapa‘anga ki he Fuofua Fakatau ‘Apí ma‘á e ngaahi ‘api ‘oku ‘osi tu‘ú ($) | Fakangatangata ki he ngaahi koloa ‘oku lava ‘o fakatau atú ($) |
| Vahefonua Tokelau Mama‘ó (Far North District) | 400,000 | 80,000 |
| Vahefonua Whangārei | 600,000 | 120,000 |
| Vahefonua Kaipara | 525,000 | 105,000 |
| ‘Aokalani | 875,000 | 175,000 |
| Vahefonua Thames – Coromandel | 875,000 | 175,000 |
| Vahefonua Hauraki | 550,000 | 110,000 |
| Vahefonua Matamata-Piako | 625,000 | 125,000 |
| Feitu‘u Kolo ‘o Hamilton (Hamilton City, Waipā District, Waikato District) | 650,000 | 130,000 |
| Vahefonua Ōtorohanga | 400,000 | 80,000 |
| Vahefonua South Waikato | 400,000 | 80,000 |
| Vahefonua Waitomo | 400,000 | 80,000 |
| Vahefonua Taupō | 575,000 | 115,000 |
| Feitu‘u Kolo ‘o Tauranga (Tauranga City, Western Bay of Plenty District) | 800,000 | 160,000 |
| Vahefonua Rotorua | 525,000 | 105,000 |
| Vahefonua Whakatāne | 500,000 | 100,000 |
| Vahefonua Kawerau | 400,000 | 80,000 |
| Vahefonua Ōpōtiki | 400,000 | 80,000 |
| Vahefonua Gisborne | 450,000 | 90,000 |
| Vahefonua Wairoa | 400,000 | 80,000 |
| Vahefonua Napier-Hastings (Napier City, Hastings District) | 625,000 | 125,000 |
| Vahefonua Central Hawke‘s Bay | 500,000 | 100,000 |
| Vahefonua New Plymouth | 525,000 | 105,000 |
| Vahefonua Stratford | 400,000 | 80,000 |
| Vahefonua South Taranaki | 400,000 | 80,000 |
| Vahefonua Ruapehu | 400,000 | 80,000 |
| Vahefonua Whanganui | 425,000 | 85,000 |
| Vahefonua Rangitikei | 400,000 | 80,000 |
| Vahefonua Manawatū | 525,000 | 105,000 |
| Kolo ko Palmerston North | 575,000 | 115,000 |
| Vahefonua Tararua | 400,000 | 80,000 |
| Vahefonua Horowhenua | 525,000 | 105,000 |
| Wairarapa (Vahefonua Masterton, Vahefonua Carterton, Vahefonua South Wairarapa) | 600,000 | 120,000 |
| Feitu‘u kolo ko Wellington (Vahefonua Kāpiti Coast, Kolo ko Upper Hutt, Kolo ko Porirua, Kolo ko Lower Hutt, Kolo ko Wellington) | 750,000 | 150,000 |
| Nelson-Tasman (Kolo ko Nelson, Vahefonua Tasman) | 650,000 | 130,000 |
| Vahefonua Marlborough | 550,000 | 110,000 |
| Vahefonua Kaikōura | 700,000 | 140,000 |
| Vahefonua Buller | 400,000 | 80,000 |
| Vahefonua Grey | 400,000 | 80,000 |
| Vahefonua Westland | 400,000 | 80,000 |
| Vahefonua Hurunui | 425,000 | 85,000 |
| Feitu‘u Kolo ‘o Christchurch (Vahefonua Waimakariri, Kolo ko Christchurch, Vahefonua Selwyn) | 575,000 | 115,000 |
| Vahefonua Ashburton | 400,000 | 80,000 |
| Vahefonua Timaru | 400,000 | 80,000 |
| Vahefonua Mackenzie | 500,000 | 100,000 |
| Vahefonua Waimate | 400,000 | 80,000 |
| Vahefonua Waitaki | 400,000 | 80,000 |
| Vahefonua Central Otago | 525,000 | 105,000 |
| Vahefonua Queenstown-Lakes | 875,000 | 175,000 |
| Kolo ko Dunedin | 500,000 | 100,000 |
| Vahefonua Clutha | 400,000 | 80,000 |
| Vahefonua Southland | 500,000 | 100,000 |
| Vahefonua Gore | 400,000 | 80,000 |
| Kolo ko Invercargill | 400,000 | 80,000 |
‘Oku tokonia ‘a e tohó ‘e he kautaha fakahoko ngāue ‘a e polokalama KiwiSaver pe ko e pule ki he pa‘anga vāhenga mālōlō ‘oku fenāpasi mo e tu‘utu‘uní pea kapau ‘e tali ko hono totongi ‘o e pa‘angá ‘e fakahoko ia ki he fakafofonga laó kimu‘a pē ‘i he ‘aho ‘oku fakatau ai ‘a e ‘apí.
‘Oku toki kaunga mai pē ‘a e Kāinga Ora ki he toho ‘o ha pa‘anga tātānaki kapau na‘á ke ma‘u ‘api pe kelekele kimuí ni mai. Kapau ‘okú ke lolotonga ma‘u ha ‘api, konga kelekele pe ma‘u ha ‘inasi ‘i ha ‘api, ‘e ‘ikai ke ke ‘atā atu ki he founga ko ení (‘oku ‘ikai ke kau ki heni hono ma‘u ‘o ha kelekele ‘a e kakai Maulí).
Kapau ko ha tokotaha koe na‘á ke ‘osi ma‘u ‘api kimu‘a pea loto ke tohi kole lōua ki he Fakapa‘anga ki he Fuofua Fakatau ‘Apí mo e KiwiSaver Withdrawal Determination (Fakafuofua‘i pe ‘e ‘Atā ke Toho ‘a e KiwiSaver), ‘e fiema‘u ke ke fakakakato ha tohi kole kehekehe ‘e ua.
Kuo fakafo‘ou ‘a e peesí: 19 Sepitema 2022