Greys Ave (Te Mātāwai)
Kei tēnei whanaketanga hou a Kāinga Ora i te wāhi hirahira o te Pokapū o Tāmaki Makaurau a Greys Avenue ko ngā kāinga e 276 hou i hangaia i tētahi taiao tautoko e tūhono ai ōna kainoho tētahi ki tētahi, ā, hei ahikā mō te hapori.
Nau mai ki Te Mātāwai
Ko ngā kāinga o tēnei papakāinga tāone hou te iho o tētahi hapori kanorau, tautoko me te tūhonohono. He wāhi he pai mō te noho, te mahi me te momoho i te pokapū tāone o Tāmaki Makaurau.
Ngā āhuatanga hira
- 200 ngā kāinga
- 24/7 te ratonga tiaki hapori a Hapori Kaitiaki i reira
- 24/7 ngā hononga tautoko i te wāhi, ā, he pai ake te āhei atu ki ngā ratonga haora
- He mea hoahoa hei tautoko i te wairua hapori kaha me ngā wāhi mō te katoa e taea ai ngā mahi, ngā mahi ā-rēhia me te whakawhanaunga
- E whā ngā wāhi arumoni o te papa whenua, ā, i tīpakohia ngā pakihi hei tautoko i ngā hiahia o ngā kainoho me te hapori.
Te mauri o Waihorotiu
He tata tonu te wāhi o Te Mātāwai ki 139 Greys Ave ki Waihorotiu. He mea hanga ēnei whare ki te whakaata i te mauri, ora o te wai me ōna tikanga. Ka kauawhi tēnei ihi i ngā whare; te whakawātea, te whakaora me te whakamaru i te hunga katoa e noho ana, e mahi ana, e toro ana i reira.
I ahu mai te whakaaro mō te hoahoa konumohe, hanga kē i te mauri o te wai, me te whakaara i tētahi kaupapa hiki wairua puta noa i te wāhi
He aronga tautoko ake
Ka whakakotahi a Te Mātāwai i ngā whare noho me ngā ratonga tautoko i hangaia mō te hunga kei te tino hiahia i ērā. I roto i tēnei taiao, ka taea e ngā kainoho te tuitui taura here tangata pai me te āhei atu ki ngā ratonga tomopai e tautoko ana i tō rātou hauora, oranga me te whanaketanga whaiaro.
Ko te manaakitanga kei te iho o Te Mātāwai. Ko tōna kaupapa he poipoi i ana kainoho me te whakarite ka whakaaronuitia, ka atawhaitia.
He pokapū ahurea kanorau
Ehara a Te Mātāwai i te wāhi anake hei noho. Kei konei ngā hono mō ngā kainoho kia momoho ai rātou, ā, kia tū rangatira, tū pakari hoki me te hāpai i te wairua toi whenua.
He mea hoahoa ngā mahi me ngā wāhi ā-iwi i Te Mātāwai hei tautoko i tētahi hapori kanorau kia whai wāhi mai te tangata ki tētahi takiwā noho toritori, tāone.
![Te Matawai Enquiries 600x200](/assets/Developments-and-Programmes/Greys-Ave/Te-Matawai-Enquiries_600x200.jpg)
Ngā whakapā
Ngā uiui tūmatanui ahuwhānui
Mēnā he pātai āu, he whakaaro rānei mō te whanaketanga, me te rēhita mō ngā pitopito kōrero, me whakapā atu ki tematawai@kaingaora.govt.nz
Ngā uiui pāpāho
Mēnā he pātai pāpāho āu, me whakapā atu ki media@kaingaora.govt.nz Me whakamōhio mai mō tō rā tatū ina tuku uiui mai, ā, ka whakapau kaha mātou ki te whakarite i tō hiahia.