Greys Ave (Te Mātāwai)
‘Oku tokonaki mai ‘e he fakalakalaka ‘o e fale nofo‘anga Te Mātāwai ‘a e Pule‘angá ‘i Central Auckland ha ‘ātakai ‘oku poupoua ke faka‘ataa ‘a e fa‘ahinga ‘oku nofo aí ke nau fehokotaki mo hoko ko ha ngaahi mēmipa longomo‘ui ‘o e komiunitií.
Talitali lelei ko e ki ‘api ‘i he Te Mātāwai
Ko e ngaahi ‘api ‘i he kolo fakaonopooni ko ‘eni ‘i koló ‘oku fakatefito ia ‘i ha komiunitī kehekehe, fie tokoni mo fehokotaki. ‘Oku hoko ia ko ha feitu‘u ‘oku talitali lelei ki ai ke nofo, ngāue mo tupulaki ‘i he senitā ‘i he koló ‘o Tāmaki Makaurau.
Ngaahi me‘a tefito ‘oku hā atú
- Ngaahi ‘api ‘a e pule‘angá ‘e 200
- sēvesi malu‘i Hapori Kaitiaki ‘i he feitu‘u ko iá ki he komiunitií 24/7
- Tokoni 24/7 ‘i he feitu‘u ko iá ki he fa‘ahinga ‘oku nau ma‘u atu ha ngaahi sēvesi fakalakalaka ki he mo‘ui leleí.
- Fa‘u ke tokonia ‘a e nofo fakakomiunitií ‘aki ha ngaaahi feitu‘u ‘oku fevahevahe‘aki ‘oku faka‘atā ki ha ngaahi me‘a ‘e fakahoko, ‘eve‘evá mo e fakafehokotakí
- ‘Oku kau ki he konga ki lalo ‘o e falé ha ngaahi ‘ēlia fakakomēsiale, ko ha ki‘i falekoloa si‘isi‘i, mo ha ngaahi pisinisi kuo fili ke nau tokoni‘i ‘a e ngaahi fiema‘u ‘a e kau nofó mo e komiunitī.
Ko e mauri ‘o e Waihorotiu
Ko e feitu‘u Te Mātāwai ‘i he Greys Ave ‘oku lele ofi atu ia ki Waihorotiu. Ko e ngaahi langa falé kuo fa‘u ia ke ne ho‘ata ai ‘a e mauri pe ivi mo‘uí, ko e tu‘unga longomo‘ui ‘o e wai pea mo ‘ene tikanga. ‘Oku kofukofu ‘e he ivi ko ‘ení ‘a e ngaahi falé; ‘o fakama‘a, fakamo‘ui mo malu‘i kinautolu kotoa ‘oku nofo, ngāue mo ‘a‘ahi ki aí.
‘Oku fakaivia ‘a hono fa‘u ‘o e ‘alaminiumé mo e nāunau kuo fa‘ufa‘u tōmu‘á ‘e he mauri ‘o e vaí, pea fokotu‘u ai ‘a e kaveinga ‘oku fakaloto lahi ‘i he kotoa ‘o e feitu‘ú ni
Ko ha founga ‘oku tokoni lelei angé
‘Oku fakataha‘i ‘e he Te Mātāwai ‘a e ngaahi fale nofo‘anga ma‘á e kakaí mo e ngaahi sēvesi fakahoko-tokoní ‘oku fa‘u ma‘á e kakai ‘oku nau fiema‘u lahi taha iá. ‘I loto ‘i he ‘ātakai ko ‘ení, ‘e lava ke langa ai ‘e he kau nofo aí ha ngaahi netiueka fakasōsiale lelei mo ha ngaahi sēvesi ‘oku ‘atā atu ke tokoni‘i ‘enau mo‘ui leleí, tu‘unga lelei ‘o enau mo‘uí mo e fakalakalaka fakafo‘ituituí.
Ko e Te Mātāwai ‘oku fakatefito ia ‘i he manaakitanga. ‘Oku fekau‘aki ia mo hono ohi hake ‘o kinautolu ‘oku nofo aí mo fakapapau‘i ko e fakafeangai ki he tokotaha kotoa pē ‘oku fakahoko ia ‘i he faka‘apa‘apa mo e anga ‘ofa.
‘Ilo lahi ange fekau‘aki mo ‘emau ngaahi fale nofo‘anga ‘oku tokoni atú.
Ko ha senitā ki he ‘ulungāanga fakafonua kehekehe
Ko e Te Mātāwai ‘oku fakalaka atu ia ‘i ha feitu‘u nofo‘anga pē. ‘Oku ne ‘oatu ki he fa‘ahinga ‘i he feitu‘ú ‘a e ngaahi netiueka ‘oku nau fiema‘u ke nau tupulaki ai ‘i he ngeiá mo e nofo malú pea ohi ai ha ongo ki ha ‘amanaki lelei mo kau ki ai.
Ko e ngaahi ‘ekitivitī mo e ngaahi feitu‘u ‘atā ki he komiunitií ‘i he Te Mātāwai ‘oku fa‘u ia ke poupoua ha komiunitī ‘o ha kakai kehekehe ke nau kau atu ai ki ha ngaahi kaungā‘api ‘i ha feitu‘u ‘i kolo ‘oku longomo‘ui.
Fakamatala lahi ange
Lēsisita ki he‘emau tohi ongoongo Waitematā.
Kumi ki ha toe fakamatala lahi ange ki he ‘emau ngaahi fakalakalaka ki he fale nofo‘anga.
Ngaahi Fetu‘utakí
Ngaahi faka‘eke‘eke fakalūkufua ‘a e kakaí
Kapau ‘okú ke fiema‘u ke fetu‘utaki ki he timi Te Mātāwai ‘īmeili ki he tematawai@kaingaora.govt.nz
Ngaahi faka‘eke‘eke meí he mītiá
Kapau ‘e ‘i ai ha‘o ngaahi fehu‘i ki he mītiá, fetu‘utaki ki he media@kaingaora.govt.nz pea fakakau ai ‘a e taimi ‘oku ke ngāue ke ‘osi ki ai pea te mau fai homau lelei tahá ke ngāue ki ho‘o kolé.