/ / Ngaahi fakamatala fakafika kuo tānaki ki he ngaahi fale nofo‘angá

Ngaahi fakamatala fakafika kuo tānaki ki he ngaahi fale nofo‘angá

‘I he kuata takitaha, ‘oku paaki ‘e he Kāinga Ora ha ongo fa‘ahinga fakamatala ‘e ua ki he‘emau ngaahi fale ‘oku mau tokanga‘í mo e ngaahi ‘api ‘oku ‘ikai nofo‘í.

Ke tokoni ki hono feau ‘a e fiema‘u ki ha nofo‘anga ma‘á e kakaí, ‘oku lolotonga fakahoko ‘e he Kāinga Ora ‘a e polokalama langa lahi taha ‘o e ngaahi fale ‘a e pule‘angá ‘i he ngaahi hongofulu‘i ta‘u kuohilí ‘o tuku atu ai ha ngaahi ‘api fo‘ou ‘e lauafe ‘i he ngaahi ta‘u kimuí ni maí.

Kuo liliu ‘a e fiema‘u ki he ‘emau ngaahi ‘apí koe‘uhi ko e lahi taha ‘o e ngaahi ‘api ‘a e pule‘angá ma‘á e kakaí na‘e langa ia kimu‘a ‘i he 1980. ‘I he ‘aho ní, ‘oku mau fiema‘u ha ngaahi ‘api loki mohe taha, ua mo e nima ‘i homau ngaahi kolo tefito lalahí.

Ke feau ‘a e fiema‘u ko ‘ení ‘oku mau toe fakalelei‘i ai ‘emau ngaahi langa lolotongá, ‘o angamaheni ki hono fetongi ‘a e ‘api motu‘a ‘e taha kuo fakalaka ‘i hono taimi mahu‘inga fakakomēsialé ‘aki ha ngaahi ‘api lelei fo‘ou ‘e ua pe tolu. ‘Oku mau toe fakatau foki mo lisi ‘a e ngaahi fale ‘e ni‘ihi ‘i he taimi ‘oku mau fiema‘u ai iá.

Ngaahi sitetisitika ki he ngaahi fale nofo‘angá - Ngaahi ‘api ‘oku mau tokanga‘í

Ko e Kāinga Ora ko e lenilooti lahi taha ia ‘i he fonuá ki he ngaahi ‘api nofo totongí. ‘Oku mau ma‘u pe tokanga‘i ha ngaahi ‘api ‘e 72,000 tupu.

‘Oku kau ki he ‘emau ngāué ‘a hono fakapapau‘i ‘oku lahi fe‘unga ‘a e kalasi totonu ‘o e ngaahi ‘apí, ‘i he ngaahi feitu‘u totonu, fakatatau ki he fiema‘ú.

Ke a‘usia lelei ange ‘a e fiema‘u ‘i he ngaahi feitu‘u kotoa he fonuá mo fakalelei‘i e tu‘unga ‘o ‘emau ngaahi ‘apí ‘oku mau ngāue ke toe fai ha ngaahi feliliuaki ki he lekooti ‘o ‘emau ngaahi ‘apí.

Ngaahi līpooti lolotongá - 17 ‘Epeleli 2024

Ngaahi ‘api ‘oku mau tokanga‘í - Tīsema 2023 - Fakamatala fakanounou ki he fonuá kotoa

Ngaahi ‘api ‘oku mau tokanga‘í - Tīsema 2023 - Ma‘u Mafai Fakakolo ki he Feitu‘ú (TLA)

Ngaahi ‘api ‘oku mau tokanga‘í - Tīsema 2023 - Poate Fakakolo ‘o ‘Aokalaní (ALB)

Ngaahi sitetisitika ki he Ngaahi Fale Nofo‘angá - Ngaahi ‘Api ‘Oku ‘Ikai Nofo‘í

Kuo mau liliu e founga ‘oku mau līpooti ai ‘a e ngaahi ‘api ‘oku ‘ikai nofo‘í, ‘o fakataumu‘a ke toe fakahaa‘i lelei ange ‘a e tu‘unga ‘o ‘emau ngaahi ‘apí, ‘aki hono fakafaikehekehe‘i mahino ‘a e ngaahi ‘api ‘oku ‘ikai nofo‘í, ‘a ia ko e ngaahi ‘api ‘oku faka‘ataa ke toe nofo‘i pea mo ia ‘oku ‘ikaí (ngaahi ‘api kuo to‘o mei he sevesi).

Kimu‘a ai, ko e ngaahi ‘api mo e ngaahi feitu‘u langa ‘e ni‘ihi ‘i he ngaahi kalasi ‘o e founga ngāue ki ha langa, polokalama fakanāunau fakalahí pe ngaahi pa‘anga hū mai meí he fakataú/lisí na‘e fakakalasi kinautolu ‘oku ‘ikai ke nofo‘i, ‘o fai ‘a e fakakaukau ‘oku nau faingamālie ke fai ha nofo ai. Na‘e ‘ikai ko ha ‘ata totonu ‘eni ‘o ‘emau ngaahi ‘ū ‘api ‘oku ‘ikai ke nofo‘í.

Ngaahi līpooti lolotongá - 17 ‘Epeleli 2024

Ngaahi ‘api ‘oku ‘ikai nofo‘í - Tīsema 2023 - Fakamatala fakanounou ki he fonuá kotoa

Ngaahi ‘api ‘oku ‘ikai nofo‘í - Tīsema 2023 - Ma‘u Mafai Fakakolo ki he Feitu‘ú (TLA)

Ngaahi ‘api ‘oku ‘ikai nofo‘í - Tīsema 2023 - Poate Fakakolo ‘o ‘Aokalaní (ALB)

Ngaahi ‘api kuo ‘ikai ke toe ngāue‘akí

Ko e ngaahi ‘api ‘eni ‘oku ‘ikai ke malava ‘o tuku atu koe‘uhí:

kuo to‘o kinautolu, pe lolotonga fai e ngāue ki hono to‘o, kae lava ‘o toe fai ha langa ‘i he konga koiá,
ngaahi ‘api ‘oku lolotonga fai ha monomono lahi ki ai,
‘oku lolotonga fai hano fakalelei‘i lahi ‘a e ngaahi ‘apí, pe ‘oku lolotonga ngāue‘aki ko ha nofo‘anga fakataimi ma‘á e kakai ‘oku lolotonga fakalelei‘i honau ngaahi ‘apí.

‘Oku toe kau foki ki ai ‘a e ngaahi ‘api ‘a ia ‘oku ‘amanaki ke ‘osi ‘a e taimi ‘o e lisí, pea mo e ngaahi ‘api ‘oku ‘amanaki ke fakatau atú.

Ngaahi līpooti lolotongá - 17 ‘Epeleli 2024

Ngaahi ‘api kuo to‘ó - Tīsema 2023 - Fakamatala fakanounou ki he fonuá kotoa

Ngaahi ‘api kuo to‘ó - Tīsema 2023 - Ma‘u Mafai Fakakolo ki he Feitu‘ú (TLA)

Ngaahi ‘api kuo to‘ó - Tīsema 2023 - Poate Fakakolo ‘o ‘Aokalaní (ALB)

Ngaahi fakamatala fakasitetisitika ‘aonga kehe ki he fale nofo‘angá

‘Oku ‘omi ‘e he ngaue ‘o e fale nofo‘anga mo e fakalakalaka ‘o e fale nofo‘anga ‘a e Dashboard ‘o e Fale Nofo‘angá ‘a ia ko ha feitu‘u pe ‘e taha ke muimui‘i ai e fakalakalaka ‘a e ngaahi konga mahu‘inga ‘o e palani nofo‘anga ‘a e pule‘anga.(external link)

‘Oku nau toe fa‘u foki ha ngaahi (external link)līpooti fakakuata(external link) ‘okú ne muimui‘i ‘a e fakalakalaka ‘o e ngāué, pea vahevahe atu ‘a e fakamatala fekau‘aki mo e ngaahi fale ma‘á e kakaí mo e tuku atu ‘o e ngaahi fale nofo‘anga fakataimí, ngaahi polokalama ki he nofo tukuhāusiá, mo e ngaahi tokoni kehe ki he fale nofo‘angá. Te ke toe ma‘u foki mo ha ngaahi līpooti fakavahefonua, mo ha vakai fakalotofonua ki he fakamatala ko ‘ení.

‘Oku ‘omai ‘e he Potungāue ki he Fakalakalaka Fakasōsialé ‘a e ngaahi fakamatala fakamuimui taha ki he Lēsisita ‘o e Ngaahi Fale Nofo‘angá(external link), ‘o fakaikiiki fakatatau ki he ngaahi fiema‘u ‘oku fakamu‘omu‘á, ngaahi fakaikiiki kehekehe ‘a e kakai ‘oku nofo ‘i he feitu‘ú, mo e vāhengá (Ma‘u Mafai Fakafeitu‘u mo e poate fakavahefonua ki 'Aokalaní).

Ngaahi līpooti kuo faile ‘i he tauhi‘anga lēkootí

Te ke lava ‘o lau ‘a e ngaahi līpooti motu‘a angé ‘i he konga ‘o e tauhi‘anga lēkootí ki he‘emau Ngaahi Sitetisitika ki he Ngaahi Fale Nofo‘angá.

Kuo fakafo‘ou ‘a e peesí: 31 Siulai 2024