Palani Fakataumu‘a-Pau ‘a e Kāinga Ora (Kāinga Ora Strategy) 2030

‘Oku ma‘u ‘e he ongo pepá ni ‘a e tu‘unga faka‘apa‘apa‘ia tatau – ‘okú na fefakafalala‘aki ka ‘okú na toe fehokotaki foki, ‘o fakafou ‘i he fa‘unga olá mo e fakamatala‘i ‘o e taumu‘á, ‘a ia ‘okú na fakatou fevahevahe‘aki aí.

Ko homau tu‘ungá

Ko hono fakafuo ‘o e nofo‘angá mo e fa‘unga langa fakalakalaka ‘i he feitu‘u ‘i koló ko e uho ia ‘o e Palani Fakataumu‘a-Pau 2030.

‘Oku ‘i ai ‘a e ngaahi fehokotaki‘anga lahi ‘a e Kāinga Ora ‘i he kotoa ‘o e ‘ātakai nofo‘angá mo e langa fakalakalaka ‘i he feitu‘u ‘i koló. ‘Oku fiema‘u ke mau ngāue‘aki ‘a e tu‘unga ko iá, homau fatongia tu‘utu‘uniá pea mo ‘emau sio lōloa atu ki he kaha‘ú ke a‘usia ai ‘a ‘emau ngaahi taumu‘á ma‘á e kakai ‘o Nu‘u Silá. ‘Oku ‘i ai ‘a ‘emau faka‘amu ke fakatupu ha liliu, ke hoko ai ha lelei lahi ange, pea ‘oku fekau‘aki ia mo e fili ke fakahoko ha ngaahi me‘a ‘i ha ngaahi founga ‘oku kehe.

‘Oku fekau‘aki ia mo e hoa ngāue ‘i ha founga ‘oku mo‘oni mo ola lelei ke hiki hake ‘a e lahi ‘o e ngaahi fale nofo‘angá mo fakaai ha ngaahi halanga ma‘á e kakaí ke nau ma‘u ai ha ngaahi ‘api nofo totongi ‘oku malu, māfana mo fakatupu mo‘ui lelei pe ko hano fakaa‘u atu kinautolu ki hanau ‘api pē ‘o kinautolu.

Ko hono fakafenāpasi atu ‘o ‘emau ngāué ki he Ngaahi Fiema‘u Mu‘omu‘a ‘oku Fakataumu‘a-Paú

Kuo mau fili ‘a e ngaahi fiema‘u mu‘omu‘a fakataumu‘a-pau ‘e nima ke mau tokanga taha ki ai ‘i he taimí ni ‘a ia ‘e tokoni mai ke a‘usia ai ‘a ‘emau ngaahi ola ‘i he vaha‘a taimi lele-lōloá.

‘Oku ‘ikai ko e Ngaahi Fiema‘u Mu‘omu‘a ‘oku Fakataumu‘a-Paú pē ‘a e me‘a ‘oku mau fakahokó, ka ‘oku nau mātu‘aki mahu‘inga ‘aupito ki hono ma‘u ‘o ha ola ‘oku leleí, ko ia ai ‘e hu‘ufataha ‘a ‘emau ngaahi koloá mo e ngāue lolotongá kiate kinautolu. Ko e ngaahi fiema‘u mu‘omu‘a ko ‘ení ‘oku nau huluhulu mo tataki ‘a e ngaahi konga ‘o e Kāinga Ora ‘oku nau ngāue ke tuku atu ‘a e ngaahi nofo‘anga ‘oku mau fakamu‘omu‘á pea mo tuku atu ha ngaahi fale nofo‘anga mo ha ngaahi sēvesi tu‘unga lelei ma‘á e kakai ‘o Nu‘u Silá.

Fakakaukaua ‘i he ‘ahó ni pea fakalelei‘i ‘i he ‘apongipongí

‘Oku fakamatala‘i ‘e he Palani Fakataumu‘a-Pau 2030 ‘a homau puipuitu‘á, ‘emau vīsone ki he kaha‘ú mo e ngāue fakataumu‘a-pau ki aí. ‘Oku fakakau ai ‘a e ngaahi me‘a ‘oku mau fakamu‘omu‘á pea toe mahu‘ingá, ‘oku fakahā atu ai ‘a e ngaahi me‘afua ‘o e lavame‘á ‘oku fiema‘u ki hono hokosia kinautolú. 

‘Oku fa‘u ‘a e pepá ni ke ne kāpui ha vaha‘a ta‘u ‘e valu ‘i he kaha‘ú ‘a ia ‘oku fakakau ai ha ongo fa‘ahita‘u patiseti (budget cycle) ‘e ua. ‘E toe fakafo‘ou ia ‘i he liliu ‘a e tu‘utu‘uni ‘a e pule‘angá mo e ngaahi tūkunga ‘o e māketí ke fenāpasi ‘a ‘emau ngaahi ngāué mo e ngaahi ‘ātakai ‘i tu‘á.

Lau ‘a e Palani Fakataumu‘a-Pau ‘a e Kāinga Ora (Kāinga Ora Strategy) 2030 [PDF, 1.9 MB] mo e Te Rautaki Māori o Kāinga Ora 2021 - 2026