OIA mo e ngaahi fakamatala ‘oku tukuange tau‘atāina atú
‘Oku pulusi tau‘atāina atu ‘e he Kāinga Ora ha ngaahi fakamatala kehekehe ‘oku kau ai ha ngaahi tali ki ha ngaahi kole OIA kuo filifili, ngaahi sitetisitika fakakuata ki he nofo‘angá pea mo ha ngaahi me‘a kehe kuo tukuange atu kau ai ha ngaahi pepa Kapineti.
Ngaahi fakamatala fakafika kuo tānaki ki he ngaahi fale nofo‘angá
‘I he kuata takitaha, ‘oku paaki ‘e he Kāinga Ora ha ongo fa‘ahinga fakamatala ‘e ua ki he‘emau ngaahi fale ‘oku mau tokanga‘í mo e ngaahi ‘api ‘oku ‘ikai nofo‘í.
‘Oku ‘oatu ‘i he peesí ni ‘a e ngaahi tali ki ha ngaahi kole OIA kuo filifili mai. ‘Oku kau ‘i heni ‘a e ngaahi OIA ki he ngaahi kaveinga ‘oku ‘aonga ki he kakaí pea ‘oku/pe ‘aonga ki he ngaahi taumu‘a ki he fakatotoló.
‘Oku ‘oatu ‘a e fakamatalá ni ko e tali ia ki hono kamata‘i ‘e he Komisiona ki he Ngaahi Sēvesi Fakapule‘angá ‘o ha polokalama fakahāhā fakamatala ki he ngaahi fakamole, fefolau‘aki, me‘a‘ofa mo e talitali kakai ‘a e kau pule lahi ‘o e ngaahi potungāue fakapule‘angá.
‘Oku tukuange tau‘atāina atu ‘e he Kāinga Ora ‘a e ngaahi pepa Kapineti, fale‘i ki he kau minisitaá mo e ngaahi pepa kehe ke tokoni ki he Pule‘angá. ‘E ‘i ai ha ngaahi pepa ‘e ni‘ihi ‘e fakapuliki atu ai ha ngaahi konga tohi ‘o fakatatau ki he Official Information Act (Lao ki he Fakamatala Fakapule‘angá) 1982 pea mo e Privacy Act (Lao ki he Tauhi Malu ‘o e Fakamatalá) 2020.
Ko e fuofua taimi ‘eni ke paaki ai ‘a e fakamatala kuo tānaki felāve‘i mo e fefaikehekehe‘aki ‘i he tu‘unga vāhenga ‘o e kakai tangatá mo e kakai fefiné, pea ‘i he vaha‘a ‘o e ngaahi matakalí, ko e konga ia ‘o e Kia Toipoto – ko e Palani Ngāue ki he Fefaikehekehe‘aki ‘i he Tu‘unga Vāhengá kuo fokotu‘u ‘e he Te Kawa Mataaho Public Service Commission (Komisoni ki he Ngāue Fakapule‘angá) ke tokoni ke tātāpuni ‘a e fefaikehekehe‘aki ko ‘ení ‘i he vaha‘a ‘o e tu‘unga vāhenga ‘o e kakai fefiné mo e kakai tangatá, kakai Maulí, Pasifikí mo e ngaahi matakali kehé, ‘i he Ngāue Fakapule‘angá.