Contractor Connect

Paaki 6 - Fa‘ahita‘u Failaú 2023

‘I he ‘emau paaki Fa‘ahita‘u Failau 2023, ‘oku mau fakamālō‘ia ai ‘a e ngāue tu‘u-ki-mu‘a mo e tokoni meí he ‘emau Ngaahi Hoa Ngāue mo e kau Konituleki ki he Monomonó lolotonga ‘a e ngaahi me‘a na‘e hoko tupu meí he ‘eá ‘i he konga ki mu‘a ‘o e ta‘ú, pea mo e ngaahi fakatātā ‘o e ngaahi ngāue ‘oku kei fakahoko ke tauhi mo fakalelei‘i ‘a e ngaahi ‘api ‘a e Kāinga Ora ma‘á e lelei ‘a ‘emau kau kasitomaá. ‘Oku ‘i ai ha talanoa faka‘ofo‘ofa fekau‘aki mo hono fakataumu‘a pau ‘emau founga ki he ngāue fakaleleí ke a‘usia ‘a e ngaahi fiema‘u ‘a ha kasitomā mahu‘inga ‘oku nofo ‘i ha fale ‘oku faitokonia ‘e he pule‘angá, fakataha mo e ngaahi talanoa mei homau ngaahi hoa-ngāué. ‘Ikai ngata aí, fiefia ‘i he ngaahi fakaongoongolelei lahi kehekehe ‘oku ma‘u meí he ‘emau kau kasitomaá ‘i he māhina ‘e ono na‘e toki ‘osí.

Contractor Connect - Fa‘ahita‘u Failaú 2023 [PDF, 2.9 MB]

Paaki 5 - Fa‘ahita‘u Māfana 2022

‘Oku mau fiefia ke toe fakafoki mai ‘a ‘emau tohi fanongonongo ko e Contractor Connect, tautautefito ki homau ngaahi hoa ngāue mahu‘inga ki he monomonó pea mo e kau konituleki mo e kau hū koloa tokolahi ‘oku nau tokoni mai ke tauhi ‘a e ngaahi ‘api nofo‘anga ‘a e Kāinga Ora ke ta‘imālie mei ai ‘a ‘emau kau kasitomaá.  ‘I he paaki ko ‘ení, ‘oku mau talanoa ai fekau‘aki mo e ngaahi liliu kimuí ni mai ki he ngaahi taimi fakangatangata ke ‘osi ki ai ‘a e faipau ki he Ngaahi Makatu‘unga ki he Ngaahi ‘Api Fakatupu Mo‘ui Leleí, ‘oku mau hulu‘i atu ha nāunau tokoni fo‘ou mo lelei ki he mo‘ui leleí mo e malu mo haó, pea ‘oku mau fakakau atu ai ha ngaahi talanoa lelei mei homau ngaahi hoa ngāué.

Contractor Connect - Fa‘ahita‘u Māfana 2022 [PDF, 615 KB]

Paaki 4 - Fa‘ahita‘u Māfana 2020

‘I he‘emau paaki Contractor Connect ‘i he Fa‘ahita‘u Māfana 2020, ‘oku ‘i ai ha‘amau ngaahi talanoa mālie ai, kau ai ha talanoa fekau‘aki mo ha ngoue vesitapolo na‘e fokotu‘u ma‘á ha kasitomā ‘i Palmerston North. ‘Oku ‘i ai mo e ngaahi talanoa kehe fekau‘aki mo e ngāue lelei ‘oku fakahoko ‘e CJ ki he ngāue fakama‘á, ako ki he malu mo e haó mo ha founga makehe ki hono to‘o ‘o ha ngaahi ‘ulu paini ‘i ha ‘api ‘i Hamilton.

Contractor Connect - Fa‘ahita‘u Māfana 2020 [PDF, 1.8 MB]

Lau ‘a e ngaahi paaki meí he kuohilí

2020

Paaki makehe

Paaki Makehe ‘o e Contractor Connect - paaki 3 [PDF, 793 KB]

Ko e Contractor Connect, ko ‘emau tohi fanongonongo ma‘á e kau ngāue fakakonituleki ki he monomonó, ‘oku ‘i loto ai ha ngaahi talanoa lelei fekau‘aki mo ‘emau kau ngāue sēvesí (tradies) ‘i he‘enau ngāue ‘o hulu hake ‘i he angamahení ke tokonia ‘a e kau kasitomaá lolotonga ‘o e Tu‘unga Fakatokanga Lēvolo 2 ‘i Nelson, Mangere mo Hamilton.  ‘Oku mau toe sio fakafoki ‘i ai ki hono fakatahataha‘i ‘o ‘emau ngaahi lavame‘a ‘i he ta‘u ‘e ono kuohilí.

Fa‘ahita‘u Fakatōlaú 2020

• Contractor Connect - Fa‘ahita‘u Fakatōlau 2020 paaki ‘i ‘Epeleli [PDF, 139 KB]
• Contractor Connect - Fa‘ahita‘u Fakatōlau 2020 paaki ‘i Mē [PDF, 253 KB]

‘Oku vaeua‘i ‘a ‘emau paaki Fa‘ahita‘u Fakatōlaú ki he konga ‘e ua, ko e paaki ‘i ‘Epeleli ‘o e tohi fanongonongo Contractor Connect ‘i he taimi COVID 19 ma‘á e kau konituleki monomonó ‘o ‘i ai ha ngaahi talanoa lelei ‘i ai fekau‘aki mo ‘emau kau ngāue sēvesí ‘i he‘enau ngāue ‘o hulu hake ‘i he angamahení ke tokonia ‘a e kau kasitomaá lolotonga ‘o e Tu‘unga Fakatokanga Lēvolo 4. ‘Oku ‘i ai foki mo e ngaahi ongoongo fekau‘aki mo e Te Mahi Ngātahi, ko ‘emau konituleki monomono fakafonua hono hokó.

2019

Paaki 13 - Fa‘ahita‘u Māfana 2019

Contractor Connect - Fa‘ahita‘u Māfana 2019 [PDF, 543 KB]

‘I he‘emau Contractor Connect faka‘osi ki he 2019, ‘oku ‘i ai ‘a ‘emau ngaahi talanoa fakaofo ‘e ni‘ihi fekau‘aki mo e ngāue atu ‘a ‘emau kau ngāue sēvesí ‘o hulu ange ia ‘i he angamahení ke tokoni‘i ‘a ‘emau kau kasitomaá. ‘Oku mau toe vahevahe atu foki ‘a e ngaahi lavame‘a meí he ta‘u kuo ‘osí pea ‘i ai mo e talanoa fakalotolahi fekau‘aki mo CJ Gray ‘a ia ‘okú ne ngāue ki he taha ‘o ‘emau kau konituleki monomono ‘i Christchurch.

Paaki 12 - Fa‘ahita‘u Fakatōlau 2019

Contractor Connect - Fa‘ahita‘u Fakatōlau 2019 [PDF, 875 KB]

‘I he paaki ko ‘eni ‘o e Contractor Connect ‘i he Fa‘ahita‘u Fakatōlaú, ko ‘emau talanoa takimu‘á ‘oku fekau‘aki ia mo hono fakafōtunga atu ‘o ha fuofua ‘īmisi ‘oku lelei ‘i he taimi ‘oku ‘a‘ahi atu ai ‘a ‘emau kau ngāue fakakonitulekí ki he‘emau kau nofo totongí. ‘Oku mau fiema‘u ke mau mahino‘i ‘a e me‘a ‘oku fiema‘u ke mau hoko ai ko ha "sēvesi fakamāmani-lahi ‘i he ngāue tauhí mo e monomonó".

‘Oku tau lau ai fekau‘aki mo Tana, ko ha ki‘i tamasi‘i ta‘u 8 ‘okú ne mo‘ua ‘i he fokoutua ko e Duchenne muscular dystrophy (ngāvaivai ‘a e uouá), pea mo e founga ‘o e hoko ‘a ha foaki ‘ofa fakapa‘anga ke tupu ai ha liliu ma‘ongo‘onga ‘i he‘ene mo‘uí. ‘Oku ‘i ai ‘a ‘emau ngaahi talanoa fekau‘aki mo e lelei ‘o e fengāue‘akí mo e ngāue fakatimí ke tokonia ai ha komiunitī ‘o ha ngaahi ‘api ‘a e Housing New Zealand ‘e 26, founga ‘o hono tokonia ‘e he ngāue fakatimí ‘a hono faka‘osi ‘o ha ngāue ‘o vave‘aki ‘a e uike ‘e ua pea mo e founga ‘o hono fakahoko ‘e ha kautaha konituleki ‘i Dunedin ‘a honau fatongia ke tokonia ‘a e ‘ātakaí.

Te ke lava ai ‘o ma‘u atu ‘a e ongoongo fekau‘aki mo e ngāue mālohi ‘a e timi ‘a e Programmed Facility Management, pehē ki he fanongoa – fakahangatonu meí he taha ‘o ‘emau kau nofo totongí – hano fakalangilangi‘i ‘o e taha ‘o e ngaahi timi ‘i he Spencer Henshaw.

Ma‘u ha taimi fiefia ‘i ho‘o lautohí. Te tau toki fe‘iloaki ‘amui ange ‘i he taimi ‘e toe ki‘i māfana ange ai ‘a e ‘eá.

2018

Paaki 11 - Fa‘ahita‘u Māfana 2018

Contractor Connect - Fa‘ahita‘u Māfana 2018 [PDF, 1.5 MB]

‘I he paaki ko ‘eni ‘o e Contractor Connect ‘i he Fa‘ahita‘u Māfaná, ko ‘emau talanoa ‘oku takimu‘á ‘oku fekau‘aki ia mo ha fakamā‘opo‘opo lahi na‘e fakahoko ‘i ha hala ‘i Mangere ‘a ia na‘e toe ma‘u foki ai ha faingamālie ke fakahounga‘i ai ‘a e fānauako meí he ongo ‘apiako fakakolo ‘e ua na‘a nau kau ‘i he a‘usia fakaengāue (work experience) ‘i he ngaahi taimi tutuku ‘a e akó na‘e toki ‘osí.

‘Oku ‘i ai foki mo ‘emau ngaahi talanoa fekau‘aki mo e founga ‘o hono fakahaofi ‘e ha fengāue‘aki mo ha ngāue fakatimi ha fu‘u palamu manakoa, polokalama ‘ave fekau faka‘ilekitulōnika (E-texting) fo‘ou ‘a e PFM pea mo e founga ‘o e fakahoko ‘e ha kautaha konituleki ‘i Dunedin ‘a hono fatongia ke tokonia ‘a e ‘ātakaí. ‘Oku toe ‘i ai foki mo ha‘amau talanoa fekau‘aki mo ha ma‘u pale ‘a ‘emau timi Health, Safety and Security ‘i he Foaki Pale ki he ‘Ilo Fo‘oú na‘e fakahoko ki muí ni mai.

‘Oku mau faka‘osi ‘a e ta‘ú ‘aki ha fakamatala fakanounou ki he ni‘ihi ‘o e ngaahi fakakaukau tokoni na‘a mau ma‘u meí he kau nofo totongí.

Tau toki fe‘iloaki ‘i he 2019.

Paaki 10 - Fa‘ahita‘u Failaú 2018

Contractor Connect - Fa‘ahita‘u Failaú 2018 [PDF, 816 KB]

‘I he paaki ko ‘eni ‘o e Contractor Connect ‘i he Fa‘ahita‘u Failaú, ‘oku lahi ai ha‘amau ngaahi talanoa ongo mālie.

Ko ‘emau talanoa ‘oku takimu‘á ‘oku fekau‘aki ia mo ha hoa ngāue ‘okú ne fakaai ha ngaahi pōto‘i mo e a‘usia fakangāue ma‘á e fānauako ‘a e Mangere College. ‘Oku mau toe vahevahe atu ai foki mo ha talanoa natula fakafo‘ituitui ‘aupito fekau‘aki mo e hoa konituleki fakahoko ngāue (subbie) ko Paul Lynch meí he Switched On Group, ‘a ia kuó ne hoko ‘i he taimí ni ko ha tokotaha fa‘u tohi kuo ‘osi pulusi, hili ia ha‘á ne fa‘u ha tohi ke tokoni ki he fekuki mo e mamahi ‘o e taonakita ‘a hono tokouá.

Kuo mau fakakau atu ai ha talanoa fakalotolahi fekau‘aki mo e fononga ‘a John Clifford meí he kautaha Spotless mei he‘ene ngāue ko e palama ‘o a‘u atu ki he‘ene hoko ko e tokotaha ma‘u pisinisi, pea mo e ngaahi talanoa fekau‘aki mo hono tauhi ‘o e ngaahi timí ke nau malu, hao mo mo‘ui lelei ‘i he ngāue ki tu‘a meí he ngāue‘angá. ‘Oku mau toe hulu‘i atu foki ha polōseki ‘ahi‘ahi ‘i he Hutt ke fakalelei‘i ‘a e tu‘unga māfana ‘o homau ngaahi ‘api motu‘a angé.

Pea ‘e ‘ikai tatau ‘a e Contractor Connect kapau ‘e ‘ikai ke mau fakahāhā atu ‘a e ngāue fakatimi mo‘onia ‘oku tau ‘ilo ‘oku hoko ‘i he ‘aho kotoa pē ‘o e uiké.

Fiefia ai!

Paaki 9 - Fa‘ahita‘u Momoko/Failau 2018

Contractor Connect - Fa‘ahita‘u Momoko/Failau 2018 [PDF, 3.7 MB]

‘Oku fakafiefia‘i ‘i he paaki fakamuimui taha ‘o e Contractor Connect ‘a e ngaahi lavame‘a mo e tu‘unga lelei ‘o e ngāue kuo fakahoko ‘e he‘emau ngaahi timi ngāue fakakonitulekí ‘i he kotoa ‘o e fonuá. ‘Oku ‘i ai ‘a e fakamatala ki he ngaahi ngāue fisifisimu‘a na‘e malava mai ‘i he taimi na‘e kau fakataha ai ‘a ‘emau ngaahi timi ‘i ‘Okalaní ke fakahoko atu ‘a e ngāue ki ha matangi mātu‘aki mālohi na‘e hoko ‘i he kolo ko iá. ‘I ha langa ngāue fakafiefia, ‘oku fakahā atu ‘a e fuofua sikolasipi akoako ngāue ‘a e Hudson Sellars lolotonga iá, ‘i ha me‘a natula tatau, ‘oku ‘i ai ‘a e fakamatala ki he aleapau Gateway Placement ‘i he vaha‘a ‘o e Hasting Boys High School mo ‘emau taki konituleki ‘o e feitu‘u matāfanga ‘o e East Coast-Hawkes Bay.

‘I lalo hifo ki he faka-tonga ‘o e fonuá, na‘e ‘i ai ‘a e konga mahu‘inga na‘e fakahoko ‘e he‘emau kau konitulekí ‘i ha ‘aho fakafāmili fiefia na‘e ola lelei ‘i Mosgiel. ‘Oku toe fakafiefia‘i foki ‘i he paaki ko ‘ení ‘o ‘ikai ngata pē ‘i he ngāue ‘a ‘emau kau konitulekí ka ko e ngāue tōtōivi ‘oku nau fakahoko ma‘a honau ngaahi komiunitií. 

Paaki 8 - Fa‘ahita‘u Māfana/Fakatōlau 2018

Contractor Connect - Fa‘ahita‘u Māfana/Fakatōlau 2018 [PDF, 12 MB]

‘Oku talitali lelei kimoutolu ki he paaki Fa‘ahita‘u Māfana/Fakatōlau ‘o e Contractor Connect. Ko e paaki ko ‘ení ‘oku kau ai ha talanoa fekau‘aki mo ha toko ua hū fo‘ou mai meí he ‘Otu Motu Filipainé ‘a ia kuó na kau atu ki he hoa konituleki fakahoko ngāue ko e SW Scaffolding ‘i ‘Okalani Saute. Te tau toe fanongo foki meí he hoa konituleki fakahoko ngāue meí he West Coast ko e McKay Contracting ‘a ia na‘a nau fakahoko ha ngāue na‘e hulu atu ‘i he angamahení ke tauhi ke malu mo hao pea mo mātu‘u ai ‘a e kau nofo totongí ‘i he lolotonga ‘o e taimi kovi ‘a e ‘eá ‘i he tu‘o ua kimuí ni mai.