Ngaahi paaki fakamatala ma‘á e ngaahi hoa ngāue ki he langá
‘Oku fakamahu‘inga‘i ‘e he Kāinga Ora ‘a homau ngaahi vā fengāue‘aki mo ‘emau ngaahi kautaha hū koloá mo e ngaahi hoa ngāue langá. ‘Oku mau paaki tōmu‘a ha ngaahi fakahinohino ke fakapapau‘i ‘oku fakakakato ‘e he ngaahi polōseki langá ‘a ‘emau ngaahi makatu‘ungá mo ho‘ata mei ai ‘a ‘emau ngaahi tefito‘i fakakaukau ki hono palani‘i ‘o e langá, pea ‘oku mau tukupā ki hono tauhi ke ma‘u atu ‘e homau ngaahi hoa ngāué ‘a e ngaahi ongoongo mo e fakamatala fakamuimui taha meí he tafa‘aki fakaengāué.
Ngaahi tūhulu fakahinohino ki he fa‘ufa‘u palani langá
Ko e ngaahi tūhulu fakahinohino ki he fa‘ufa‘u palani langá ‘e tokoni ia ke fakapapau‘i ko e ngaahi polōseki fa‘u palani mo e langa kotoa pē ‘oku nau fakakakato ‘a ‘emau ngaahi makatu‘ungá, pea ho‘ata mei ai ‘a e ngaahi tefito‘i fakakaukau ‘o ‘emau ngaahi palani ki he langá.
Mau‘anga ongoongo ko e Development and Construction Matters
‘I he Kāinga Ora, ‘oku mau fakamahu‘inga‘i lahi homau ngaahi vā fengāue‘aki mo e ngāue fakataha mo ‘emau ngaahi kautaha hū koloá mo homau ngaahi hoa ngāue langa fakalakalaká mo e langá. Ko ‘emau tohi ongoongo fakakuatá ‘okú ne vahevahe atu ma‘u pē mo ‘oatu ‘a e fakamatala fakamuimuitaha ki he potungāué ki he ngaahi ngāue ‘a e Kāinga Ora.
Nga‘unu Ki Mu‘a ‘a e Langá - ko ‘emau palani langa ki he ngaahi ‘api ki he kaha‘ú
Kuo taimi ke fakahoko ha liliu. Ko hono fakanofonofo ‘o ha kakai Nu‘u Sila tokolahi ange ki ha ngaahi fale nofo‘angá ‘oku ‘uhinga ia kuo pau ke mau fakakaukau ‘i ha founga kehe ange ke tuku atu ha ngaahi ‘api ‘a e pule‘angá ‘oku lelei, ‘i ha tu‘unga ‘oku toe vave ange, pea mo toe lelei ange ‘a honau olá ki he ‘emau kau kasitomaá, ngaahi komiunitī ‘oku mau ngāue aí, pea mo e tafa‘aki fakaengāue lahi ange ki he langá foki.
Contractor Connect
Ko ha ongoongo fakakuata ‘a e Kāinga Ora - Homes and Communities ma‘a ‘enau ngaahi kautaha fakakonituleki tefitó mo honau ngaahi hoa fakahoko konitulekí (subbies).