Matou Polokalame

Polokalame Malosiaga Faalenatura

E iai fale Kāinga Ora i le atunuu atoa ua faapipii ai faiga e gaosia ai le eletise mai le la, e tuuitiitia le tau o le eletise mo tagata nofo mautotogi ma faatumauina ai fale o nonofo ai. O le faamoemoe o faataitaiga nei ia malamalama tagata mautotogi i fale Kāinga Ora i le aogā o faiga e gaosia ai le eletise mai le la, ma auala e mafai ona faalauaitele atu ai lea faiga i isi tagata mautotogi i le lumanai.

A faaaoga i lou fale malosiaga tau eletise mai ave o le la, silasila i le itulau lea mo nisi faamatalaga.

Polokalame Kāinga Ora Toe Faapipii Mea Fou

O lo o faia pea e Kāinga Ora galuega e atili mafanafana, matū ma lelei ai fale auā le soifua manuia o tagata nofo mautotogi. O le a mafai i le Polokalame Toe Faapii Mea Fou, ona toe faafou ma faaleleia fale tuai auā le lelei ma le saogalemu o fale o nofoia e tagata nofo mautotogi.

Polokalame mo Fale Lelei

E tāua le mafanafana, mātū, lelei ma saogalemu lou fale i taimi uma, e te maua ai le ola lelei faapena lou aiga. E vaavaaia le ausia o tulaga nei i asiasiga masani e faaleleia ai, ma mautinoa o ausia tulaga faatonuina Healthy Homes Standards.

Na faavae e le malo Healthy Homes Standards(external link) i le 2019 mo le faaleleia o tulaga lelei o fale mautotogi uma i Niu Sila. E tatau i fale o umia ma pulea e Kāinga Ora ona ausia faatulagana maualalo mo le faamafanafanaina, taofia o le mafanafana, puleaina o le susū, ea susū ma ogapaipa faaalu ai le suavai, ma taofi le sao o le savili malulu i totonu o fale a o le i mavae atu le aso 1 Iulai 2024.

E faia asiasiga faaletausaga, e mautinoa ai le faatumauina o le tausisia o Faatulagana faatonuina. Faafesootai mai pe a i ai se galuega faaleleia o moomia.

Polokalame Right at Home

E fesoasoani le mafanafana, matū ma le lelei o se fale o nofo ai e tuuitiitia ai faaletonu e mafai ona foia e afaina ai le soifua maloloina ma le māmā.  

E taulai la matou Polokalame Right at Home e tuuitiitia lamatiaga e fesootai i le leaga o le fale mo tagata e lamatia gofie ma aiga o nofoia fale a le faalapotopotoga.

E aogā le Polokalame Right at Home i tagata na faasino mai e le Healthy Homes a le Te Whatu Ora/Health New Zealand, ma e ave le faamuamua i galuega toe faaleleia ma galuega toe faafou e aofia ai galuega e ausia ai le polokalame a le Malo Healthy Homes Standards.

E aofia i galuega toe faafou le faapipii o ili e faataavili ai le asu i totonu o le umukuka po o le faletaele, faapipii pe toe sui kapeta, iefaamalama ma mea e taofiofi ai le mafanafana i totonu o fale ma faapipii masini fou po o le faaopoopo o masini fou e faamafanafana ai le fale.

Sa faaigoa muamua le Right at Home o le Rheumatic Fever Prevention Programme.

O la matou polokalame saogalemu mo auala taavale i le fale

E tāua ia i matou le saogalemu o tagata nofo mautotogi i fale o matou umia ma o le a matou taumafai e faia tulaga uma e taofi ai le lavea o se tamaitiiti i se taavale i le auala taavale i le fale.

E taulai la matou polokalame na faamau faailogaina ai i faiga saogalemu mo auala taavale i le fale e tuu eseese ai le mea e tafafao ai tamaiti mai le auala taavale i le fale mo aiga e iai tamaiti i lalo ifo ma le 5 tausaga le matutua.

O la matou polokalame saogalemu mo auala taavale i le fale