Contractor Connect

Lomiga 6 - Vaitau Mālū Lona Lua 2023

Na faailoa i le Lomiga Vaitau Mālū Lona Lua 2023, galuega maoae ma le lagolagosua mai Paaga Fai Galuega Faaleleia ma Tomai Faumea i le vaitaimi na leaga ai le tau i le ‘afa muamua o le tausaga, ma tatou molimauina ai galuega lelei mo le tausisia ma le faaleleia o fale Kāinga Ora mo le manuia o tagata o faaaogaina auaunaga. E i ai le tala manaia i le aogā o le maoti o galuega faaleleia e faamalieina ai manaoga o tagata o faaaogaina auaunaga, faapea motugaafa na faasoa mai ai a matou paaga. Faitau i tautalaga i le loto malie o nisi o tagata o faaaogaina auaunaga i le ono masina talu ai.

Contractor Connect - Spring 2023 [PDF, 2.9 MB]

Lomiga 5 - Vaitau Mafanafana 2022

E faailoa atu ma le agaga fiafia le toe faaaoga o le tusi o talafou Contractor Connect, aemaise mo a matou paaga o faia galuega faaleleia ma le tele o isi au konekarate ma faalapotopotoga o saunia fale auā le tausisia o tulaga lelei o fale a le Kāinga Ora ia aogā mo tagata o faaaogaina a matou auaunaga. O le lomiga lava lea o matou faailoa ai suiga na matou faia talu ai nei o vaitaimi faatulagaina e tatau ona ausia ai Healthy Homes Standards, na matou faamamafa ai se punaoa fou o faiga faalesoifua maloloina ma le saogalemu, ma e aofia ai nisi o tala mananaia mai ia matou paaga.

Contractor Connect - Vaitau Mafanafana 2022 [PDF, 615 KB]

Lomiga 4 - Vaitau Mafanafana 2020

O lo o tusia i le Vaitau Mafanafana 2020 o le Contractor Connect, tala mananaia e aofia ai se togalaau aina na fai mo se tasi o nofo i Palmerston North. O isi tala mananaia na faamatalaina e le CJ’s cleaning, o aoaoga e iloa ai faiga saogalemu ma tulaga patino i se galuega e aveese ai laau i se fale i Hamilton.

Contractor Connect - Vaitau Mafanafana 2020 [PDF, 1.8 MB]

Faitau i lomiga tuai

2020

Lomiga faapitoa

Contractor Connect Special Edition - lomiga 3 [PDF, 793 KB]

E te maua tala mananaia i le Contractor Connect, o galuega faaleleia na faia e le au konekarate i le vaitaimi Alert Level 2 i Nelson, Mangere ma Hamilton. Na matou toe tomanatunatu foi i tulaga na matou ausia faatasi i le ono tausaga ua mavae.

Autumn 2020

• Contractor Connect - Autumn 2020 lomiga Aperila [PDF, 139 KB]
• Contractor Connect - Autumn 2020 lomiga Me [PDF, 253 KB]

E lua vaega o vaevae i ai le lomiga na faia i le vaitau o le Autumn, o le lomiga ia Aperila Contractor Connect o tulaga o le COVID-19 mo galuega faaleleia na faia e au konekarate e tusa ma galuega fita na faia i le vaitaimi o le Alert Level 4. Na matou saunia ai foi se lipoti lata mai e aofia ai le Te Mahi Ngātahi o le isi lea galuega faakonekarate o sosoo ai mo galuega faaleleia i le atunuu aoao.

2019

Lomiga 13 - Vaitau Mafanafana 2019

Contractor Connect - Vaitau Mafanafana 2019 [PDF, 543 KB]

O le lomiga Contractor Connect mulimuli i le 2019, na matou faailoa ai nisi o tala mananaia i galuega fita a tagata o matou faafaigaluegaina, e fesoasoani ai i tagata o faaaogaina a matou auaunaga. Na matou faailoa foi tulaga na matou ausia ma nisi o tala faalaeiau e uiga ia CJ Gray o faafaigaluega e se tasi o matou au konekarate i Kalaiesetete.

Lomiga 12 - Autumn 2019

Contractor Connect - Autumn 2019 [PDF, 875 KB]

O le lomiga Contractor Connect na faia i le vaitaimi o le Autumn, na faamatalaina ai le tauleleia o le au fai konekarate pe a asiasi i tagata nofo mautotogi. E le o lilo ia i matou tulaga faigata latou te tauasaina e avea ai ma “auaunaga maoae o galuega faaleleia ma galuega e toe lipea ai.”

Na faamatala e Tana, na o le 8 tausaga o lona matua o feagai ma le faamai o le Duchenne muscular dystrophy, le aogā o se foai tupe i lona ola tuputupu a‘e. E tele tala mananaia i galuega soosoo tauau ma galuega na pulupulu lima faatasi ai ma tagata e nofoia fale e 26 a le Housing New Zealand, o le aogā o le galulue faatasi na vave faauma ai se galuega a o totoe ai le lua vaiaso na fuafuaina e faatoa uma lelei ai ma auala o faia e sui konekarate i Dunedin e tausisia ai tulaga lelei o le siosiomaga.

E te maua se lipoti lata mai ua saunia e le Programmed Facility Management, ma e maua ai se tala sa‘o – mai se tasi o matou tagata nofo mautotogi – o faafetaia galuega a le Spencer Henshaw.

Manuia le faitau. Tatou toe feiloai i le vaitau mafanafana.

2018

Lomiga 11 - Vaitau Mafanafana 2018

Contractor Connect - Vaitau Mafanafana 2018 [PDF, 1.5 MB]

Ua tusia i le lomiga Vaitau Mafanafana o le Contractor Connect, se galuega tele na faamamā ai le fetaulaigāala i Mangere ma na avea foi ma avanoa e faailoa aloaia ai tamaiti aoga mai aoga faalotoifale e toalua na galulue i galuega e faamasani ai i le soifua galue i le vaitaimi o tuuaga o aoga.

Na faasoa atu ai ma tala i galuega soosoo tauau ma galuega fai faatasi e faasao ai se laau aina tele, faapea taumafaiga fou PFM o le E-Texting ma auala o faaaogaina e au konekarate i Dunedin e tausisia ai tulaga lelei o le siosiomaga. O lo o faamatala ai faailoga na maua mai le Innovation Award na faamanuiaina ai le vaega Health, Safety and Security.

Na taualuga tala mananaia mo le tausaga i se aotelega o nisi o manatu faaalia mai tagata nofo mautotogi.

Tatou toe feiloai i le 2019.

Lomiga 10 - Spring 2018

Contractor Connect - Spring 2018 [PDF, 816 KB]

O le lomiga i le vaitau Spring o le Contractor Connect o faamatala ai foi nisi tala mananaia.

Na faamatala ai avanoa na maua e tamaiti aoga a le Mangere College e faamasani ai i le soifua galue ma o se faiga faapaaga fou auā le tau sailia o tomai fou. Na matou faasoa ai foi se tala a Paul Lynch a le Switched On Group, ma na lolomi se tala na ia tusia, i auala na ia taulimaina ai le maliu o si ona uso na pule i lona ola.

O lo o aofia ai se tala faalaeiau a John Clifford o le Spotless na amata mai lona olaga galue o se palama ma faasolo atu ai i lona umia o lana pisinisi, ma tala i auala e tausisia ai le saogalemu ma le maloloina lelei o tagata. Na matou faailoa ai foi se poloketi faataitai i le Hutt o faiga e faaleleia ai le mafanafana o fale tuai.

E le na o Contractor Connect ae faapena foi tala mananaia i galuega a matou vaega o faatino i aso uma o vaiaso taitasi.

Malo faafetai!

Lomiga 9 - Vaitau Malulu/Spring 2018

Contractor Connect - Vaitau Malulu/Spring 2018 [PDF, 3.7 MB]

O le lomiga lata mai o le Contractor Connect o faamanatu ai galuega lelei na faatino e matou au konekarate i le atunuu atoa. E maua ai faamatalaga i taumafaiga maoae mai galuega na pulupulu lima faatasi ai vaega o le ofisa i Aukilani e tali atu i le loulouā o le tau na afaina ai le taulaga. O le tasi o taumafaiga manaia, le uluai sikolasipi faaaperenitisi Hudson Sellars, ma faamatalaga o se maliega i le va o le Gateway Placement ma le Hastings Boys’ High School faatasi ma la matou konekarate faauluulu i le East Coast-Hawke’s Bay.

Na tele foi se sao a matou konekarate i le faapolokalameina o se aso fiafia mo aiga i Mosgiel. E faamanatu foi i le lomiga taumafaiga faaopoopo a le au konekarate i totonu o afioaga. 

Lomiga 8 - Vaitau Mafanafana/Autumn 2018

Contractor Connect - Vaitau Mafanafana/Autumn 2018 [PDF, 12 MB]

Faatalofa atu o le Lomiga o le Vaitau Mafanafana/Autumn saunia e le Contractor Connect. O lo o aofia i le lomiga lenei sui e toalua mai Filipaina na faafaigaluegaina e le SW Scaffolding o se tasi o konekarate i South Auckland. Na maua foi le avanoa e talanoa ai i se sui o le McKay Contracting i le West Coast e tusa ma galuega fita mo le tausisia o le saogalemu ma le matū o fale o nofoia e tagata nofo mautotogi i tau loulouā e lua na aafia ai.