Contractor Connect

Putanga 6 - Kōanga 2023

I tā mātou putanga o te Kōanga 2023, i whakamanatia e mātou ngā mahi tino rawe me ngā tautoko a ō mātou Hoa Tautiaki me Ngā Ringarehe i ngā huarere kino i te wāhanga tuatahi o te tau, me ngā tauira o ngā mahi tino pai hei tautiaki me te whakapai ake i ngā kāinga o Kāinga Ora mō te painga o ā mātou kiritaki. Arā tētahi kōrero whakamīharo mō te whakahāngai i tā mātou aronga tautiaki ki ngā hiahia o tētahi kiritaki hira e tautokona ana e mātou, i te taha o ngā kōrero a ō mātou hoa. Tēnā pānuitia ētahi o ngā whakamihi maha i whiwhi mātou mai i ā mātou kiritaki i ngā marama e ono kua hipa.

Contractor Connect - Kōanga 2023 [PDF, 2.9 MB]

Putanga 5 - Raumati 2022

E pai ana mātou ki te whakahoki i tā mātou pānui Contractor Connect, inarā mō ō mātou hoa tautiaki e uaratia ana me ngā tini kaikirimana, kaiwhakarato hoki e āwhina ana i a mātou ki te tautiaki i ngā whare a Kāinga Ora mō ā mātou kiritaki te painga. I tēnei putanga ka kōrero mātou mō ngā panoni hou ki ngā wā whakaūnga o ngā Paerewa Kāinga Hauora, ka miramira mātou i tētahi rauemi rawe hou mō te hauora me te haumaru, ā, ka whakaurua hoki ētahi kōrero rawe mai i ō mātou hoa

Contractor Connect - Raumati 2022 [PDF, 615 KB]

Putanga 4 - Raumati 2020

I te putanga Raumati 2020 o Contractor Connect, he kōrero rawe tae atu ki tētahi kōrero mō tētahi māra kai i hangaia mō tētahi kiritaki i Te Papaioea. E pā ana ētahi atu kōrero ki te mahi tino pai nā CJ's cleaning, ki te whakangungu haumaru, ki tētahi otinga kua āta whakaritea hei tango i ētahi rākau paina i tētahi papanoho i Kirikiriroa.

Contractor Connect - Raumati 2020 [PDF, 1.8 MB]

Pānuitia ngā putanga o mua

2020

Putanga motuhake

Contractor Connect Putanga Motuhake - putanga 3 [PDF, 793 KB]

Kei Contractor Connect, kei tā mātou pānui mō ngā kaikirimana tautiaki ngā kōrero rawe mō te kaha mahi a ā mātou ringarehe i tua atu i tērā me mahi hei āwhina i ngā kiritaki i te wā o te Pae Mataara 2 i Whakatū, i Māngere, i Kirikiriroa hoki.  E huritao ana hoki mātou ki ā tātou whakatutukitanga ngātahi i roto i ngā tau e ono kua pahure ake nei.

Hōtoke 2020

• Contractor Connect - putanga Hōtoke 2020 Āperira [PDF, 139 KB]
• Contractor Connect - putanga Hōtoke 2020 Mei [PDF, 253 KB]

Kua whakawehea tā mātou putanga Hōtoke ki ngā wāhanga e rua, kei te putanga KOWHEORI 19 i Āperira o te pānui Contractor Connect mō ngā kaikirimana ētahi kōrero rawe mō te kaha mahi a ā mātou ringarehe i tua atu i tērā me mahi hei āwhina i ngā kiritaki i te wā o te Pae Mataara 4. He whakahou hoki ā mātou, kei roto nei ko tētahi mō Te Mahi Ngātahi, arā, mō tā mātou kirimana tautiaki ā-motu e haere ake nei.

2019

Putanga 13 - Raumati 2019

Contractor Connect - Raumati 2019 [PDF, 543 KB]

I tā mātou Contractor Connect whakamutunga mō 2019, he kōrero rawe ā mātou mō te te kaha mahi a ā mātou ringarehe i tua atu i tērā me mahi, hei āwhina i ā mātou kiritaki. Ka kōrerotia hoki e mātou ngā whakatutukitanga o te tau kua pahure ake nei, ā, kua rapu mātou i tētahi kōrero whakahihiko mō CJ Gray e mahi ana mō tētahi o ā mātou kaikirimana tautiaki i Ōtautahi.

Putanga 12 - Hōtoke 2019

Contractor Connect - Hōtoke 2019 [PDF, 875 KB]

I tēnei putanga o Contractor Connect, e pā ana tā mātou kōrero matua kia pai te kitenga tuatahi ina toro atu ā mātou kaikirimana ki ā mātou kairēti. Me mārama e mātou he aha ngā āhuatanga o te tū hei "ratonga tautiaki me te whakatika kounga i te ao".

Ka pānui tātou mō Tana, mō tētahi tana e 8 ōna tau e pāngia ana e te Duchenne muscular dystrophy, ā, mō te pānga nui a tētahi koha māhorahora ki tōna ao. He kōrero ā mātou mō te mahinga ngātahitanga me te mahi ā-rōpū rawe e āwhina atu ana i tētahi hapori o ngā kāinga nō Housing New Zealand e 26, me tā te mahi ā-rōpu āwhina ki te whakaoti i tētahi mahi e rua wiki te tōmua, me tā tā mātou kaikirimana i Otepoti mahi i tāna mahi hei āwhina i te taiao.

Ka whai mōhio koe ki ngā mahi kaha a te rōpū ki te Whakahaerenga Whakanōhanga kua Whakaritea, tae atu ki te rongo – tōtika mai i tētahi o ā mātou kairēti – ngā kupu whakamiha nui mō tētahi o te rōpū i Spencer Henshaw.

Kia pai te pānui. Ka tūhono anō tāua hei te wā kua mahana ake te huarere.

2018

Putanga 11 - Raumati 2018

Contractor Connect - Raumati 2018 [PDF, 1.5 MB]

I tēnei putanga Raumati o Contractor Connect, e pā ana tā mātou kōrero matua ki tētahi whakatika nui ki tētahi tiriti i Māngere i tuku hoki i te angitu ki te mihi ōkawa ki ngā ākonga nō ngā kura pātata e rua i whai wāhi mai ki te wheako mahi i ngā hararei kura kua pahure ake nei.

He kōrero hoki ā mātou mō te tiaki a te mahinga tahitanga me te mahi ā-rōpū rawe i tētahi rākau paramu e tino arohaina ana, te kaupapa Ī-Pātuhi hou a PFM, me te mahi a tā mātou kaikirimana i tāna mahi hei tiaki i te taiao. He kōrero hoki tā mātou mō tētahi Tohu Auahatanga i whakawhiwhia ki tā mātou rōpū Hauora, Haumaru me te Whakahaumarutanga.

Ka mutu te tau i te whakarāpopoto o ētahi o ngā urupare tino pai kua riro mai i ā mātou kairēti.

Ka kite anō hei te tau 2019.

Putanga 10 - Kōanga 2018

Contractor Connect - Kōanga 2018 [PDF, 816 KB]

I tēnei putanga Kōanga o Contractor Connect he maha ā mātou kōrero ngahau.

E pā ana tā mātou kōrero matua ki tētahi whakahoatanga hou e tuku ana i ngā pūkenga, i te wheako mahi ki ngā ākonga nō Māngere College. Ka tukuna hoki tētahi kōrero tino whaiaro mō te kaikirimana āpiti a Switched On Group, mō Paul Lynch, he kaituhi kua whakaputa pukapuka ināianei ia, i tāna tuhi i tētahi pukapuka hei āwhina ki te aro atu ki te whakamomori whakahiatangi a tana teina.

Kua whakauru mātou i tētahi kōrero tūmanako mō te haerenga o John Clifford nō Spotless mai i te kaimahi kōrere wai ki te rangatira o te pakihi, me ngā kōrero mō te whakapūmau i te haumaru me te hauora o ngā rōpū i a rātou e mahi ana. Ka miramira hoki mātou i tētahi kaupapa whakamātau i Te Awa Kairangi hei whakapai ake i te whakatutukitanga pōkākā o ētahi o ō mātou kāinga tawhito ake.

Ā, ehara i te Contractor Connect ki te kore mātou e whakaatu i ētahi o ngā mahi ā-rōpū mīharo e mōhio ana mātou ka pērātia ia rā o te wiki.

Kia ngahau!

Putanga 9 - Hōtoke/Kōanga 2018

Contractor Connect - Hōtoke/Kōanga 2018 [PDF, 3.7 MB]

E whakanui ana te putanga tino hou o Contractor Connect i ngā whakatutukitanga, i te kounga o te mahi kua mahia e ā mātou rōpū kaikirimana puta noa i te motu. Arā he mōhiohio mō te whakapau kaha nui whakaharahara i tiaho mai i te piri tahi a ā mātou rōpū i Tāmaki Makaurau hei urupare ki tētahi huarere kino i taua tāone nui. I tētahi kaupapa whakaihiihi, ka whakapuakina te kaiwhiwhi karahipi pia Hudson Sellars tuatahi, ā, ka pērā anō ka puta he mōhiohio mō tētahi whakaaetanga Gateway Placement ki Te Kura Tuarua ā-Tāne o Heretaunga me tā mātou kaikirimana matua mō te rohe o Te Tai Rāwhiti-Te Matau-a-Māui.

Heke whakaterunga i te motu, he nui te wāhanga i ā mātou kaikirimana mō tētahi rā ngahau mō te whānau i angitu ai i Mosgiel. Ka whakanuitia tonutia e tēnei putanga te mahi a ā mātou kaikirimana, waihoki ko ngā mahi tāpiri ka mahia e rātou ki ō rātou hapori. 

Putanga 8 - Raumati/Hōtoke 2018

Contractor Connect - Raumati/Hōtoke 2018 [PDF, 12 MB]

Nau mai ki te putanga Raumati/Hōtoke o Contractor Connect. I roto i tēnei putanga tētahi kōrero mō ngā kaimahi hou e rua mai i Piripīni kua piri mai ki te kaikirimana āpiti i te Tonga o Tāmaki Makaurau, ki a SW Scaffolding. Ka rongo kōrero hoki mātou i te kaikirimana āpiti i Te Tai Poutini, i a McKay Contracting nā rātou te mahi kei runga noa atu hei whakamau i te haumaru, i te maroke o ngā kairēti i te wā o ngā huarere kino e rua nō nākuanei.