Ngā Whare Hāneanea o Kāinga Ora

Ka whakahaerehia e ēnei kāinga te pāmahana mā te hoahoa atamai, te whakamahi i ngā papanga hangatanga tino tiketike, me tētahi pūnaha hauhau pūkahakaha me te pupuri mahana.

Mō ā mātou kiritaki, he utu ngāwari te āhua o te noho i tētahi Whare Hāneanea, te kounga hau ā-roto hou me ngā pāmahana āhuru me te hauora puta noa i te tau. Mō te taiao, ko te tikanga kei te whakarato mātou i ngā kāinga mahinga tiketike me te tino iti ake o ngā tukunga waro whakahaere.

He āhuatanga tino hou tonu te Whare Hāneanea i Aotearoa, ā, he rōpū hoahoa motuhake hei whakatutuki i te paerewa Whare Hāneanea, he mahinga ōrite rānei.

Ngā āhuatanga o te Whare Hāneanea

Kaupapa tauira o te Whare Hāneanea

E hari ana mātou ki te whakatauira i te hangatanga waro iti i roto i tā mātou whanaketanga o Bader Ventura. Ko Bader Ventura te whanaketanga tauira Whare Hāneanea tuatahi mō Kāinga Ora me te tuatahi i roto i tana Kaupapa Whare Noho Waro Kore. Ko te kaupapa nei te Kaupapa Whare Hāneanea tuatahi i Aotearoa me Ahitereiria i utua e te kāwanatanga. 

Kaihautū ahumahi

He kaupapa tauira auaha tēnei, ā, ko te whai a Bader Venture kia mārama rātau ki ngā painga o te Whare Hāneanea me te āwhina ki te whakatipu i te kaha i roto i te hangatanga waro iti. He nui ngā putanga oranga ka taea mō ngā kiritaki whare noho tūmatanui, ā, he mahinga nui tēnei mō Kāinga Ora te kaiwhakawhanake nui rawa o te motu mō te whakatutuki i ngā unga huringa āhuarangi o te rāngai.

I roto i ēnei marama 12, ka inea e Kāinga Ora te whakatutukitanga o ēnei kāinga kia kite ai mēnā ka puta ngā painga e matapaetia ana. Arā ko te ine i te pāmahana hau ā-roto me te takawai, te kounga hau, te wai wera me te whakamahinga hiko. He mea hira ēnei mōhiohio mō te whakamōhio i ngā paerewa hanga anamata a Kāinga Ora, me te hāpai ake i ngā mōhiotanga me ngā āheinga puta noa i te rāngai.

Hātepe whakamana mō te Whare Hāneanea

1. Nā te whiwhi i te whakaūnga hoahoa Whare Hāneanea ka taea te tīmata e ai ki te hoahoa ka whakaaetia.
2. Ka whakahaerehia ngā whakamātautau me te tōkarikari i te wāhi. E rua ngā whakamātautautanga pupuhi hau ki ngā kūaha i ngā wāhanga rerekē o te hangatanga, ā, ka whakamātautia, ka whakatikatikahia hoki te pūnaha hauhau. Ka āta hopukia ngā whanga hira o te hātepe hangatanga mā ngā whakaahua me ngā tuhinga tautoko. 
3. Ka arotakehia e te kaiwhakamana ngā tuhinga katoa e ai ki te paerewa Whare Hāneanea hei whakatūturu i hangaia te whare e ai ki te hoahoa, ka mutu i ekea ōna whāinga mahinga, ā, mēnā āe, ka whakamanahia.

Ngā rauemi

• He mapi o Ngā Whare Hāneanea Whai Tiwhikete o Aotearoa, me ngā kāinga kei te whakamātauria mō te Whai Tiwhikete: sustainableengineering.co.nz/nz-au-certified-passive-house-projects-map/(external link)